RespAsser, relever d'une maladie

ICO CRONICQUES D’ENGLETERRE. [1445]

tissue à ses propres mains; duquel noble don le dit seigneur de Wavrin remercya moult de fois l’Empereur.

Quant nos seigneurs cresliens eurent séjourné aulcuns jours à Constantinoble, et illec repourveu et ravilaillié leurs gallees de ce que necessaire leur estoit, et mesmes remis à point leurs liabillemens et armeures, ilz prindrent congié de l’Empereur et des grans seigneurs de sa court, puis entrèrent en leurs vaisseaulz, desancrerent et firent voille; et de là, sans avoir aulcune fortune, singlerent tant, à l’ayde du bon vent qu'ilz eurent, qu’ilz arrivèrent à Venise : auquel lieu ilz furent moult haultement conjois et honnourablement recheus, tant par le duc de Venise, comme par la seignourie et peuple Vénitiens. Si se rafrescliirent illec et séjournèrent aulcuns jours, puis prindrent congié et montèrent à cheval ; car illec avoient ilz laissié leurs palfreniers, pages et clievaulz. Et vindrent à Rome devers nostre saint pere le Pape Eugene, lors régnant, duquel ilz furent grandement bienviengniés ; aussi furent ilz des cardinaulz, entre lesquelz les festoia notablement le cardinal de Therewane , nommé maistre Robert 1 Le Josne, fiiz de maistre Robert Le Josne 2, alors gouverneur d’Arras , natif de Lens en Artois. Et là, nos seigneurs crestiens au saint Pere, présent les cardinaulz , racontèrent toutes leurs fortunes etadventures, par la maniéré cy dessus declairees. Et là,remonstra ycelluy seigneur de Wa-