Se esquipper, s'esquiver

3. Ce fait doit être placé avant la bataille de Blore-IIeath, donnée le 23 septembre 1459. Voy. ci-dessus, p. 185.

190 CRONICQUES D’ENGLETERRE. [1459 J

1175. Gomment le conte de Warewic fist ses complaintes au duc d Yorc et au conte de Salsbery, son pere ; et de son retour de Callaix. XIII.

Quant le conte de Warewic se vey ainsi bien eschappé de ce péril et grande trahison, autant comme il peult chevaulchier se tyra devers le duc d’Yorc et le conte de Salsebery, son pere, ausquelz il raconta au long les maniérés qui luy avoient esté tenues ou pallaix du roy Henry, dont ilz furent moult esmerveilliés. Si tindrent ung conseil ensamble, ouquel ilz conclurrent de guerroier ceulz qui gouvernoient le roy. Et, pour ce faire, au plutost qu’ilz peurent escripvirent et mandèrent à tous ceulz qui estoient de leur partie et alyez à eulz, que, à ung jour nommé, feussent prestz, et que c’estoit pour le bien du roy et de la chose publicque d’Engleterre.

Aprez ceste conclusion, le conte de Warewic prinst congié au duc d’Yorc et à son pere, puis s’en repaira ung tour à Callaix devers ses gens , quy estoient desja advertis comment on l’avoit voullu tuer. Et là, fut recheu de son oncle le conte de Fauquembergue1, et des Sauldoyers de la ville, avec les bourgeois et marchans, que tous lui firent très grant chiere ; puis lendemain raconta tout son cas à son dit oncle de Fauquembergue, adfin d’avoir sur ce son conseil à scavoir quel chose il en avoit à faire, et alors conclurrent qu’il serroit bon qu’il s’en retournast devers

1. William Nevill, lord Fauconbridge, créé comte de Kent et lord amiral d’Angleterre après le 29 mars 1461. Mort vers la fin de celle année ou au commencement de l’autre (Dugdale, I, 308-309; II, 29), ou en 1463. (. 4rchœologla Britann., XXIX, 338, note P.)

[1459] SIXIÈME PARTIE, LIVRE III, xm-xiv.

monseigneur d’Yorc, et le dit de Fauquembergue garderoit la ville de Callaix. Et puis ycellui conte de Warewic manda tous ses gens d’armes, especialement Adrien Trolot1 et deux ou trois gentils hommes bien ses feables, ausquelz il raconta tout son fait, et les termes qu’on lui avoit tenu; et leur dist qu’il ne voulloit faire guerre, sinon à ceuiz qu’il scavoit estre ses annemis, ne, quant à la personne du roy, il ne luy voulloit pas pis que à son propre corpz.

1176. Comment le duc d’Yorc, et les princes de leur alyance, envoierent devers le roy Henry , mais ilz ne peurent estreoys2. XI Y.

Quant ces gentilz hommes que le conte de Warevic avoit assamblez eurent oy sa raison, ilz se tyrerent un peu à part, et, eulz advisez, lui respondirent qu’ilz lui aideroient à mener sa guerre contre tous, exceptee la personne du roy, bien et loyaulment : dont le conte les remercya.

Ce tempz pendant que le duc d’Yorc faisoit ses aprestes de guerre en ses terres , les faisoit le conte de Warewic à Callaix ; mais, lors, le duc de Sombresset n’estoit mie huiseuz3 : anchois bien adcompaignié de gens d’armes, avec luy ceulx quy gouvernoient le roy, se misrent auz champz, et firent armer le roy, lui

1. Andrieu Trolost. Il avait fait les guerres de France. En 1449, il était gouverneur de Fresnay, et revint en Angleterre en 1450, après la prise de Falaise par les Français. (Du Clercq, XII, 56, 78.) Tué à la bataille de Towton en 1461. (Carte, II, 762.)

2. Du Clercq (XIV, 2 et suiv.) raconte fort en abrégé les événements qui se passèrent en Angleterre h cette époque.