Léo de Welles. Tué à la même bataille. (Dugdale, II

* Voy. ci-dessus, p . \ 85.

** Voy, ci-dessus, p . t94.

*** Voy. ci-dessus, p. 225.

252 CRONICQUES D’ENGLETERRE. [1460]

puissance il tenroit la main à l’an gmentacion et utillité de la chose publicque du royaulme , et que toute sa vye ne serroit autre : parquoy il acquist la bienvoeillance du peuple d’Engleterre, telement qu’il estoit le prince duquel ilz faisoient la plus grant estime et à qui ilz adjoustoient plus grant foy et credence, lequel lors favorisoit le duc d’Yorc et sa bende; quy, aiant, comme dist est, la charge de son armee, adcompaignié de environ xxv chevalliers et de vi à vu mille hommes deffensables , entre lesquelz n’avoit pas xl hommes d’armes, vint alencontre du duc d’Excestre. Si se rencontrèrent les deux compaignies à Blouher1, prez d’une forest entre laducié d’Yorc et la conté Derby.

Quant le conte de Salsebery, le conte de Warewic et leurs gens aparclieurent, droit à ung point de jour, l’armee d’Excestre et du seigneur de Beaumont, derrière une grant [forte] baye, dont on ne veoit que les boutz des penons, ilz se misrent à. pie à l’orriere d’une forest qui leur faisoit clôture à ung costé, et de l’autre avoient mis leur cliarroy et leurs chevaulz lyez les ungz auz autres, et par derrière eulz avoient fait ung bon trenchis pour sceureté, et devant eulz avoient fichié leurs peux à la fachon d’Engleterre. Et lors qu’ilz se furent mis en ordonnance de battaille, se vindrent rengier devant eulz l’armee d’Excestre [et de Beaumont] , tous à cheval , et faisoient bien leur conte d’atraper Warewic et avoir sa compagnie à grant marchié , à pou de traveil et dangier : lesquelz de Warewic et sa routte, aprez eulz estre confessez et mis en