Lancasliire

[1460] SIXIÈME PARTIE, LIVRE III, xl-xli.

hors de la ville, en intencion de combattre ses annemis. Et lors Andrieu Trolot, le trahittre, sachant le duc de Sombresset estre prez de là, se traist avant en commenchant l’escarmuche, et le dit de Sombresset, qui estoit prest, charga moult vivement sur le duc d’Yorc et les siens, contre lesquelz se tournèrent prestement Andrieu Trolot et sa routte, et aussi firent ceulz quy, ceste nuit, avoient par luy esté envoiez en la dite ville. Sy y furent mors le duc d’Yorc et le conte de Roteland, son filz, le conte de Salsbery et messire Thomas, son filz, avec plusieurs autres nobles hommes de leur compaignie. Laquelle battaille fut devant la ville de Walquefild, le penultitne jour de décembre an mil imcx et lx ; de laquele chose la royne Marguerite fut moult joyeuse, aussi furent tous ceulz tenans son party. Et, d’autre part, en furent doullentz et courouchiés les contes de la Marche et de Warewic, quy y avoient perdu leurs peres ; mais, pour l’heure, ne le peurent amender.

1203. Comment le conte de la Marche rua jus le conte de Wilthier et bien vnm hommes avec luy. XLI.

Aprez la mort des seigneurs dessus dis , il y eult moult grant trouble parmy le royaulme d’Engleterre , et fut le peuple moult esbahy. Et, lors, le conte de Warewic, sachant ces nouvelles, vint à Londres très hastivement pour résister à la royne qui assambloit grans gens; et, de fait, marcha si avant, qu’elle vint logier prez de Saint Albon. Et lors ledit conte, venu à Londres , fist grant dilligence pour aller alencontre d’elle et ses adherens , especialement le duc de Sombresset, qui alloit allencontre de sa promesse ; car,

CROMCQUES D’ENGLETERRE. [1460]

comme il est dit cy dessus1, quant le traitié se fist de eulz deux à Saint Pierre lez Callaix, il avoit juré au conte de Warewic de non se jamais armer alencontre de lu y, laquele promesse il ne tint pas; ains du tout s’efforça de le grever, comme depuis se monstra. Et ne scavoit pas, lors, le dit conte de Warewic la grant trahison emprinse de faire alencontre de luy; car la royne Margueritte, qui estoit soubtille et mallicieuse, fist tant, par dons et promesses par devers ung nomme Louvelet2, capittaine de ceulz de Kent, qu’il se tourna alencontre de Warewic3. Et si estoit 1 homme en qui il avoit plus de fyance ; lequel il avoit, mesmes, fait capitaine de Kent et son grant maistre d’hostel.

Durant le tempz que la royne assambloit son armée, estoit le conte de la Marche en Galles, moult desplaisant de la mort du duc d’Yorc, son pere , de son frere de Roteland et des autres seigneurs. Si dist bien que une fois il s’en vengeroit , comme il fist, durement. Et ne demoura gueres qu’il oy nouvelles que le conte de Warewic marclioit en pays , en intencion de combattre la royne et ses adlierens, desquelz estoit principal le duc de Sombresset, qui menoit son armée, avec luy Andrieu Trolot, qui avoit la charge de l’avant garde. Et si scavoit bien le conte de la Marche, que le conte de Wiltliier4 avoit assamblé grans gens