Henri IV. — 2. Richard II. — 3. Voy. tomel, p

[146 J] SIXIÈME PARTIE, LIVRE III, xlviii.

Pour demonstrer que Edouard, conte de la Marche, s’est non sans cause fait déclarer roy d’Engleterre , il est à notter que la couronne d’Engleterre descend par succession aussi bien auz femmes que auz hommes. Pourquoy il est à scavoir que Edouard1 de Windesores, duquel cy dessus avons parlé ans second ettierc vollume, eut de madame Phelippe de Renault, son espeuse, vu filz ; desquelz le premier fut Edouard, prince de Galles , pere au bon roy Richard , né à Bordeaulz. Le second filz du roy Edouard de Windesores fut Guillamme Hastefeld2, qui morut sans hoir. Le tierc fut Leonnel, duc de Clarence, quy délaissa une fille nommee Phelippe , laquele fut mariee à Emond, conte de la Marche , qui en elle engendra ung filz nommé Rogier, qui, en son tempz, fut dénommé vray heritier de la couronne d’Engleterre. Cestuy Rogier eut deux filz , Emond et RogieÉ (lesquelz morurent sans hoir), et deux filles, dont la première, nommee Agnes3, fut mariee au conte de Cantebruge4, duquel elle eut Richard, duc d’Yorc, pere à Edouard, conte de la Marche. Le quart filz du roy Edouard de Windesore fut Jehan, duc de Lancastre, pere à ce roy Henry qui fist morir le roy Richard; duquel fut filz roy Henry Ve, dont descendy roy Henry VIe, de qui présentement nous parlons. Le ve filz du roy Edouard de Windesore fut Emond, duc d’Yorc, lequel eut à femme la seconde fille au roy don Pietre de Castille , nommee Ysabel, en laquele il engendra deux filz. C’est à sca-