Cheapside

[1461] SIXIÈME PARTIE, LIVRE III, l. 29 J

de riche tapisserie, en laquele il entra, avec luy tous les princes : les autres, telz que barons, chevalliers et escuyers, montèrent sur autres barges quy leur estoient appareilliés , qui vindrent tous descendre à Westmonstre. Si entrèrent le duc et les siens ou pallaix, qui estoit noblement appareilliés et parez de notables tapisseries : et fut mené le duc d’Yorc, conte de la Marche, en sa chambre, où il fut moult honnourez. Puis aprez, par aulcuns jours ensievans, que tous les aparaulz de son couronnement furent apprestez, il appela le conte de Warewic et le conte de Faucquembergue, ausquelz il dist : ((Seigneurs, vous m’avez esté peres et amis , et ceulz par quy tous les biens que j ay et atens d’avoir me procèdent; Dieu me doinst grâce de le desservir. » Et ilz luy respondirent qu’il ne feist nulle double, et que à tousjoursmais lui serroient bons et loyaulz subgeclz. Si fut lors ordonné de tenir ung Parlement, où tous les estas d’Engleterre dévoient estre assamblez, pour le couronnement du roy, pour le bien du royaulme et l’augmentacion de la chose publicque. Et fut ordonné que, en dedens trois sepmaines, ‘eussent tous en la ville de Londres les députez du pays.

Cy prent fin le troisième livre de ce VPvollume, et s’ensieut le quart.

CRONICQUES D’ENGLETERRE.