Voy. ci-dessus, tome II, p. 377, note

[1470] SIXIÈME PARTIE, UVRE VI, xvi-xvii. 63

capîttaine, avec luy aulcuns chevalliers et gentilz hommes, par le conseil desquelz ceulz d'Amiens respondirent auz gens du roy qu ilz estoient prestz d'obeyr à luy, moyennant qu'il feist tant envers le duc de Bourguoigne qu'il leur quittast le serment que fait lui avoient par le gré du roy, voire mesmes par son commandement , dont ilz avoient ses lettres patentes ; car autrement ne le povoient faire son honneur saulve ne la leur : laquele responce oye par les gens du roy, ilz se retrayrent.

Quant ceste chose vint à la congnoissance du duc de Bourguoigne , quy lors estoit à Hesdin , il envoia par le seigneur de Crequy * remercyer ceulz d'Amiens , et si envoya à ung gentil homme, nommé Jacques de Musson, escus, et à vi de ses archiers, chascun ung marc d'argent , pour ce que, en parlant auz François à celle summation faire, ilz prindrent parolles à lui et le navrèrent , si le cuiderent avoir tué, se n'eussent esté ses archiers qui le saulverent des dis François.

Le VI* jour de jeuvier, au dit an, vindrent les François devant la ville de Saint Quentin * pour sommer les manans d'ycelle : c'est à scavoir le seigneur de Sains , le seigneur de Tenelles ' et plusieurs autres.