SCÈNE I

Claire , seule.

Claire.

elas ! pauvrette que je suis ! il n'y a icy ' personne ; toutesfois il me semble avoir p entendu faire le signe. Vray Dieu ! que 'j'ay peur ! Aussi, n'est-ce pas grand charge de conscience, me îàhe demeurer icy toute nuict, seule, et sans chandelle ny aucune clairté? Mais je suis bien beste, puisque je ne puis estre veue d'aucun, que je ne me contemple moymesme au clair de la lune. Oh ! que ne me voit à ceste heure mon amoureux ! M'en enda ! s'il m'ayme bien en mes habits de tous les jours, je croy qu'il m'adoreroit, maintenant que je suis brave comme une petite princesse. Miche ! on dict bien vray, que les belles plumes font les beaux oiseaux. Qui me recognoistroit ore pour Claire? Ma fi, personne ; aussi je suis à ceste heure tant mignonne et poupine, qu'aisément on me prendroit pour ma

Le Morfondu, Comédie. 817

jeune maistrcssc, et ne sera de merveille si ce vieillard lousche et morveux de Lazare y est trompé. i\!ais ces gens icy me feront raffblir devant qu'ils viennent ; si i'aut-il cependant que je prenne si bien garde à moy que je les puisse descouA'rir premier qu'ils m'apperçoivent , à fin que j'aye loisir de me retirer. ^îais, folle que je suis! je ne dcvroy estre à ceste heure icy Que sçay-je? si j'esloy rencontrée à Timproveuë par ces ruiiens et tireurs de laine qui ne demandent que chappe cheute , ils me pourroient faire quelque chose. Helas ! je seroy fille perdue! Il vaut donc mieux que je rentre dedans et tienne l'huys entr'ouvert, pour le fermer soudain que j'entendray quelqu'un.