SCÈNE IV

Maurice, Thomas.

Maurice.

u vois, Thomas, si le malheur m'eust peu ^j envoyer pire fortune que me faire au- {jourd'huy par deux fois rencontrer ce rcsveur. Je m'en estois detfaict un peu auparavant. Et toutesfois voicy il s'est présenté de rechef pour entendre ce que nous disons.

Thomas. Pensez-vous qu'il nous ait oy?

Maurice. Non, mais je le croy.

Thomas. Et puis, quand ainsi seroit, vous luy avez si bien feimé la bouche qu'il ne l'oseroit ouvrir pour rien dire au vieillard, joint qu'il ne sçait de quelle fille nous parlions.

Maurice. Sifaict, de par Dieu, car tu l'as appelée Marie.

Thomas. Etquoy! la cognoist-il?

Maurice. C'est assez qu'il sçait son nom, et, le disant à mon père, il s'imaginera incontinent qui elle est : ainsi je tresbucheray du comble de tout bonheur au fond de toute misère.

Thomas. Il ne luy en parlera jamais, je vous en responds ; au surplus, souvenez-vous de ce qu'avons conclud. A Dieu, je m'en vay.

5o Larivey.

Maurice. A Dieu donc jusques au reveoir.

Thomas. Escoutez, quand aurez eu la bonne nuict, souvenez-vous de moy. Et vous soustenez sur vos bras, de peur de tuer la pucelle.

Maurice. Aussi feray-je; les bonnes créatures ne meurent pas en si doux assaut. A Dieu.

Thomas. Cestuy-ci nesera jamais, ce luy semble, assez à temps entre les bras de ceste fille, tant il est eschauffé. Toutesfois il peut bien faire à son aise, car la caille est sienne, ou, pour mieux dire, il mettra le rossignol en sa cage. Mais qui pense que je n'aye ourdy ceste trame par Tadvis de la mère de Marie? Il le sçaura bien. Ainsi mon gain proviendra de tant d'endrois que je ne puis faillir que je ne sois riche.