SCÈNE I

Maurice.

nuict que jay tant désirée! nuict qui m'es plus luisante et claire que le plus beau jour des plus beaux jours! ô douce et heureuse nuict, tu es finablemcnt venue, après tant d'ennuits ! 0 claire nuict, qui est plus fortuné que moy, puisque s'aprochc l'heure que je doy joyr de celle que j'ayme sur toutes choses, et sans laquelle je ne puis vivre ? Mais que dis-je? Qui me donne ceste asseurance? Qui ne sçait qu'entre la bouche et le verre souvent le vin tombe à terre? Qui est celuy tant asseuré à qui quelques fois l'amour u'cmplisse les mains de vent? Je croy que Marie m'ayme, et que son dessein est coucher avecqucs moy ceste nuict. Mais qui m'asseurera que mille empeschemens ne surviennent, de sorte que ce qu'après tant de peines et travaux je me suis acquis ne s'évanouisse en un moment sans espoir de retoiu"? Aussi, qui est l'homme tant advisé qui se puisse garentir des coups invisibles de Fortune? Doncqiies, ô souveraine déesse, qui peux comme il te plaist troubler la tranquillité d'Amour, je t'invoque ; sois moy favorable, je te supplie, et ne t'oppose au plaisir de

mon bien, ains souffre queje puisse cueillir le fruict dès si long temps promis à ma pure et saincte fidélité. Mais je demeure trop icy ; il vaut mieux que je me retire tout bellement vers l'amoureux logis où demeure mon bien.