SCÈNE VII

Marcel, Victoire , Blaisine.

Marcel.

u larron ! au larron ! arrestez-le ! prenez-le '

Victoire. Qui est celuy qui a desrobé ?

Blaisine. Je nel'aypeu jamais attrapper. Le belistre avoit une chemise en sa main.

Victoire. Comme t'es-tu apperçeuëde luy ? Blaisine. J'estoy descendue en bas pour faire ma besongne, et comme je vouloy entrer au magasin , me fut donné un si grand coup , que je tombay par terre, et ne vy autre que cestuy-là. Victoire. Blaisine , où estois-tu ?

Marcel. Elle ne le sçauroit dire.

Blaisine. J'estoy en haut. Mais donnez-moj^ congé, pour ce que je ne veux plus vous servir : je suis femme de bien, et non telle que vous pensez.

Victoire. Et qui dit autrement?

Blaisine. Vous , qui croyez que j'ay fait venir

4oo Larivey.

en vostre maison un homme pour vous desrober.

Victoire. Tu me semble une beste. Va en la maison , va, te dis-je.

Blaisine. J'y vas, mais faictes mes contes, car je ne veux plus demeui'er céans.

Victoire. Marcel, va trouver le lieutenant du prevost, et luy baille les enseignes du larron, si tu les sçay, etfay tant qu'il soitprins.

Blaisine. Laissez-moy faire , je l'ay si bien remarqué que c'est assez.