SCÈNE Vin

Victoire, Béatrice^ René.

Victoire.

eatrice, sors dehors.

Béatrice. Que vous plaist-il?

Victoire. Va-t'en au seigneur Fortuné, et luy dy qu'il soit contant de venir jusques icy, car j'ay à parler à luy de chose qui importe la vie de nous deux , et n'oublie de revenir incontinent.

Béatrice. Laissez-moy faire. 11 me dcplaist que ces affaires icy s'acheminent tant avant, pour ce qu'enfin elles causeront la ruyne de ma maistresse. Je sçay bien qu'es disgrâces ne se trouve aucune amitié. Tic, toc.

René. Béatrice, mon cœur , que veux-tu ?

Béatrice. Que je veux? Ha, traistre! est-ce

ainsi qu'il faut faire à qui t'ayme? Je t'ay bien peu

attendre, mais non te veoir. Tais-toy, j'en auray

quelque jour ma revanche : la fortune ne te favo-

Le Fidelle, Comédie. 4oi

risera loiisjours! Mes eschelles ne vont pas jusques à tes fenestres. Crois-tu que je ne sçache bien qui est celle que tu poursuis et que tu aymes? Je le sçay bien, ouy *, mais, par la croix que voilà ! je te rendray pierre pour pain.

René. Tu as tort, car je t'ayme seule; si je n'ay peu venir, je te prie me pardonner.

Béatrice. Tu n'as peu, soit, à la bonne heure! Il faut que je te vienne trouver jusques à la maison. Que maudit soit qui croit aux hommes! Mais sçaches, qui baise deux bouches, faut que Tune luy pue.

René. Ne te fasches point; entre en la maison, entre : je veux que nous fassions la paix.

Béatrice. Non, non, tu te trompes; dy seulement à ton maistre que je veux parler à luy.

René. Entre, de grâce! ne me fay plus demeurer icy.

Béatrice. Va-t'en d'icy, chemine et me laisse; va après celle où tu es accoustumé d'aller.

René. Je veux que tu viennes.

Béatrice. Ne me tires pas si fort! tu me romps les bras! laisse-moy ! Je m'en vais, mais ne pensez pas de me toucher ny de m'arracher un poil outre mon gré, car je ne l'cndureroy pas.

René. Entre, et puis nous ferons nostre accort; cependant baise-moy un peu.

Béatrice. Arreste-toy, outrecuidé! n'as-tu point de honte, devant tant de personnes qui nous regardent! Atten au moins que soyons en la maison.

4o2 Larivey,