SCÈNE I

Nicaise, Jherosme.

NiCAISE.

'ay autres fois en beaucoup de choses esprouvé la fortune contraire, mais je la trouve maintenant très adversaire et plus ennemye que jamais. 0 ciel! 6 terre ! 0 cité plaine de voleurs !

Les Jaloux, Comédie. 75

Jherosme. Je désire entendi'e s'il est vray qu'on ayt ravi la fille au sire Nicaise. Ha! le voicy : Bonjour, compère ; quel vent vous pousse si matin par ces quartiers ?

Nicaise. Helas! je suis si transporté que je ne sçay où je vas ni d'où je viens.

Jherosme. Vous me semblez tout fasché.

Nicaise. Si je le suis! j'en ay occasion.

Jherosme. Dictes-moy, est-il vray ce que j'ay oy dire de ce jeune homme d'ycy près et de vostre fille?

Nicaise. Je n'ay pas peur que je ne trouve assez de tesmoins pour le prouver. Je remercie Dieu que la Cour de Parlement est composée de tant de gens de bien qui me feront justice.

Jherosme. 0 Dieu! quand une chose se doit effectuer, rien ne luy manque. Je suis many, seigneur Nicaise, non seulement pour l'amitié que je vous porte , qui est si grande que tout vostre ennuy m'est desplaisir ; mais pour ce que ce malheur s'est rencontré en vous, qui desiriez tant me faire plaisir.

Nicaise. Cecy vous semble-il honneste, seigneur Jherosme? vous semble-il que cestuy-cy l'ayt faict comme jeune homme indiscret et sans considération ? Je ne cesseray jamais de poursuyvre la justice de ma cause que je ne le voye au gibet.

Jherosme. A la vérité, son audace a esté grande, mais pour vous dire ce qui m'en semble, sans en estre requis, je ne suis pas d'advis que le poursuyviez en justice. Bien trouvé-je bon qu'on s'informe comme etpourquoy il a faict ceste meschanceté, par ce que je vous ose asseurer qu'au-

76 Larivey.

trefois il a esté en volonté de vous la faire demander en mariage.

Nie AISE. Oy, me la faire demander après le coup ! Je luy feray cognoistre qu'il n'a faict cest outrage à un trespassé. Allons !

Jherosme. Mettez à part ceste colère, oubliez ceste passion et retournez à vous : car vrayement, si son intention est de Fespouser, prenons le cas qu'il ayt fait un acte de jeune homme.

NiCAiSE. De jeune homme! dictes de volleur.

Jherosme. Encores pis. Mais laissez -moy dire : Je croy que l'alliance n'en seroit que bonne et honorable, et que vostre fille seroit bien pourveue. Je vous prie, soyez content que j'alle parler à luy, car je me veux employer en ceste aifaire, et m'asseure faire en sorte que paisible mariage en réussira.

Nie aise. Le mariage s'est faict trop tost à mon dam et deshonneur, mais je vous jure qu'il n'est pas où il pense.