MITOUFLET
SOTTINET COQUIBUS GUIPPELIN
Roy des Sotz commence.
>e suis des sotz seigneur et roy.
> Pourtant je vueil par bon arroy 'Maintenant (i)cy ma court tenir ' Et tous mes sotz faire venir Pour me faire la révérence , Et aussi que c'est grand plaisance Quant frères habitent ensemble , Comme ou chante, se me semble.
En chantant,
Ecce quam bonum et quam jucundum Habitare fratres in unum.
Pourquoy, sus peine de l'amende , Soyent en présent ou absens Maintenant viennent [tous] , sans Delay ne estât demander, Ne procureur pour eulx mander, Car ainsi me plaist estre faict, Ou aultrement de leur forfaict Les faire griefinent pugnir.
224 Sottie
Pensez doncqiies tous de venir DcA^ant que encourir mon ire.
Sottinet !
SOTTINET.
Hau!
Le Roy.
Quel hau? mais sire ' Vien ça , que Dieu te mauldie , Que fais-tu?
Sottinet.
Je dors.
Le Roy.
C'est pour rire.
Sottinet!
Sottinet.
Hau!
Le Roy.
Quel hau? Mais sire.
Sottinet.
QuHa-il?
Le Roy.
Ung mot à le dire.
Sottinet.
Avancez-vous donc qu'on le dye.
Le Roy des Sotz, Sottinet !
Sottinet.
Hau!
Le Roy des Sotz.
Quel hau ? Mais sire ,
DU Roy des Sotz. 226 Vieil ça, que Dieu te niauldie.
SOTTINET.
C'est uue droicte mélodie.
De vous ouyr ainsi crier.
Le Roy des Sotz.
Je te vouldroye ainsi prier Que tu t'en allasse partout Cercher nos sotz de bout en bout Et les faire venir icy A moy ; car il me plaist ainsi, Pour veoir lesquelz mon honneur gardent.
SOTTlNET.
Veez en cy qui nous regardent.
Que n'y viennent-ils vistement?
Le Roy des Sotz.
Ils sont saiges.
S0TTINET.
INon sont vrayement Pas tous.
Le Roy des Sotz.
Si le cuydeut-ilz estre.
S0TTINET.
Par cela les peult-on congnoistre.
Car fol est qui cuyde estre saige.
Je congnoystray bien au visage Ceulx qui sont en vostre service.
D'une seule visée j'en advise, Ce ne fust ce grand sot hideulx Qui est debout au devant d'eulx , Voire une couple de beuf.
T. II. Mi
226 Sottie
Le Roy des Sotz.
Je voy là six , on sept, ou neuf
Qui oncq ne me firent horaaige.
Hé , mes beaux frères , quel dommage
Vous sera ce, ne deshonneur,
Se vous me venez faire honneur?
Je ne demande point d'argent.
Je t'institue mon sergent
Pour les adjourner de main mise.
SOTTINET.
Puisque la chose m'est commise Vous en admeneré pied ou elle.
Que ne viens-tu quant on t'appelle Tant de foys , meschant estourdy ?
Triboulet.
A qui dis-tu ?
SOTTINET.
A qui je dy?
C'est à TOUS mesmes , monseigneur.
Triboulet.
Se je ne craignoyes mon honnem*...
Sottinet.
Troys mouches, tenez-moi cest homme.
Triboulet.
Allez , follastre.
Sottinet.
Tout tel comme Vous pouvez estre Triboulet.
DU Roy des Sotz. 227
Triboulet.
Vien le moy dire tout seullet Cy devant.
SOTTINET.
Hé sot, villaiu pugnès. Triboulet.
Je suis plus gentil que tu n'es.
Ce n'estoyeut ces gens de bien...
SOTTINET.
Ne m'en chault ; je ne te crains rien.
Triboulet.
Te viens-tu , dis , farcer de moy ?
SOTTINET.
Si viendrez- vous parler au roy.
Triboulet.
Par le sang bien, je te tueray.
SOTTINET.
Vous estes un peu trop l'usay.
Ne maschez pas trop fort le sens.
Triboulet.
J'en ay tué plus de cinq cens.
SOTTINET.
Des poulx. Brief, vous viendi'ez, jen jure.
Triboulet.
Comment souffrez- vous tel injure, Mes seigneurs , en vostre présence ?
SOTTINET,
Vous viendrez, par ma conscience,
228 Sottie
Ou (je) vous porteray en mon col.
Triboulet.
Je vous pry , ostez-inoy ce fol.
Venez avant, bon gré mon ame.
Triboulet.
Alarme, alarme, [alarme, ] alarme.
A la mort, à l'ayde, à la mort.
Ha , hay ! ha , hay ! hay ! il me mord. Mon seigneur, hélas , je me clame De ce traistre larron infâme Qui ce mocque de gens de bien.
Sottinet.
Dea, toutesfoys, je sçavoyes bien, Puis que mis l'avoyes en ma teste.
Que vous viendrez à la feste Bien tost.
Le Roy.
Comment a-il nom?
Triboulet.
Triboulet.
Le Roy.
Or te despouiUe en pourpoint.
Triboulet.
Certes , je ne le faire point.
Le Roy.
Et pourquoy dea ?
Triboulet.
Je n'oseroye; Car je me deshonnoreroye
DU Roy des Sotz. 229 Devant ces gens icy d'honneur.
Le Roy.
Despouille[-toi] tost.
Quel seigneur.
11 est tout fin fol par dessoubz.
Le Roy.
II en est beaucoup de telz foulx ; Tout le monde en est bien deçeu.
Jay plusieurs pareilz folz veu ; Chascun de moy ainsi se joue.
Triboulet.
Qui veult à moy faire la moue Pour une grue assez sottie Bien prise et bien caillebottie , Je la fais bien compectamment.
S0TTINET.
Velà ung aultre sot , vrayement.
Voyez qu'il faict layde grimasse ; Ce semble ung sergent à masse A luy veoir porter sa marotte.
Le Roy.
Qu'esse qu'il porte en ceste hotte?
COQUIBUS.
Ce sont ratz.
SOTTINET.
C'est ung rapporteur Qui vous vient servir.
Le Roy.
C'est eur
23o Sottie
Du grant mal eur, à qui qu'il soit.
Triboulet.
Tousjours vous et voz sots disoit :
Sire, deffendez-luy la court.
Le Roy.
Il fault qu'il vienne brief et court.
Car je veulx gens de toute sorte.
Sottinet.
Vecy Coquibus qui ratz porte.
COQUIBUS.
Dieu vous doint bonjour.
Le Roy.
Des nouvelles?
Coquibus.
Tout chargié mon col en apporte.
Sottinet.
Vecy Coquibus qui ratz porte.
Coquibus.
Dieu vous doint bon jour.
Le Roy.
Des nouvelles?
Coquibus.
De gros boudins larges rouelles.
Le Roy.
Que dit-on de là où tu viens?
Coquibus.
On dit maintenant que les chiens Si ont eu très grant froit aux dens
DU Roy des Sotz. aSi
Et que les pouvres indigens Sont mors de fain sur ung fient.
Voire, ou celluy qui parle ment, Car ilz ont bien plusieurs loppins.
COQUIBU S.
J'ay rencontré deux jacobins Qui portoient leur cul au pape Trestout foireux [desjsoubz leur chappe Pour Tenchasser après leur mort.
Le Roy.
A luy, à luy rapporte fort; Ne change jamais la manière.
COQUIBUS.
Je ne rapporte que derrière; Car ilz me mordent droit devant.
SOTTINET.
Vecy un sot qui donne vent; Il nous servira de soufflet.
Le Roy.
Sang bieu, qu'il souffle souvent.
SOTTINET.
Vecy ung sot qui donne vent.
Triboulet.
Tenez , Sire , venez avant.
Le Roy des Sotz.
Comment as-tu nom ?
Mittouflet.
Mittouflet.
232 Sottie
Voicy ung fol qui donne vent ; Il nous servira de soufflet.
MiTTOUFLET.
Pour bien bailler ung chaut moufflet , J'en suis maistre par dessus tous; Je souffle dessus et dessoubz.
Haut et bas, devant et derrière.
Le Roy des Sotz.
De quoy te sert ceste banière ?
Je cuyde que tu es baveur.
MiTTOUFLET.
A bien baver je prens saveur, Tant que souvent pers mon disner ; Je bave et vente sans finer, Pour mieulx à gens bien complaire.
Se vous avez de moy affaire, Je vous serviray de bon cueur.
SOTTINET.
Regardez, regardez, (mon) seigneur; Je voy ung fol par ce pertuys.
Le Roy des Sotz.
Où? où?
SOTTINET.
Au dessus de cet huys.
Je n'en sçaurois veoir que la teste.
Le Roy des Sotz.
Et, vien ça, vien, sotte beste.
Que fais-tu là? Tire avant, tire.
Sang bieu , ce sot là me fait rire ;
DU Roy des Sotz. 233 Il ne hoLe , pour rien qu'on die.
Et venez , que Dieu vous mauldie ; Vous vous faictes trop requérir.
Le Roy des Sots.
Il fault que Ton l'aille quérir.
Aultrement ne viendra-il point.
SOTTINET.
De fiebvre quartaine soit-il oingl ; Aussi bien ay-ge perdu ma boyste.
COQUIBUS.
Il double que le temps soit moyste ; Il a peur de mouiller sa patte
Le Roy des Sotz.
Allez le quérir ; qu'on se haste ; Il nous feroit meshuy muser.
Or sus, il vous fault délivrer.
A luy, à luy, à luy, à luy.
Le dyable emporte le dernier.
Triboulet.
Mais , par sainct Jacques , le premier.
Le Roy des Sotz.
Admenez-le moy, le paillard.
Sottinet.
Quel avalleur!
Le Roy des Sotz.
Quel papelart !
COQUIBUS.
Quel ouvrier !
234 Sottie
Le Roy des Sotz.
Quel souffle-toslée !
Triboulet.
Quel seigueur!
Le Roy des Sotz.
Quel teste pelée !
Mittouflet.
Quel sot !
Le Roy des Sots.
Mais quel coup de fouet.
Triboulet.
Monsieur, il faict du muet.
Il n'a voulu dire nul mot.
Le Roy des Sotz.
Pourquoy ?
Sottinet.
Pource qu'il est trop sot.
Le Roy des Sotz.
Qui est-il?
COQUIBUS.
C'est ung guippelin, Et le mal de sain et Mathelin Le tient au sommet de la teste.
Le Roy des Sotz.
Non fait ; mais ce n'est qu'une beste , Ou il est en ce point honteux.
Triboulet.
Il cloche devant les boyteux Et faict le sot devant les sotz.
DU Roy des Sotz. 235
Guippelin, responds-moy deux motz :
Dy-moy, pour quoy ne parles-tu ?
SOTTINET.
Il craint ainsi d'estre battu.
COQUIBUS.
Non faict, mais il a le lempas.
Le Roy des Sotz.
Non vrayement , il ne l'a pas ; Tu scès bien qu'il n'est pas cheval.
SoTTINET.
Il a donc quelque aultre mal.
A-il point le Panthagruel ?
Le Roy des Sotz.
On ne l'a jamais si cruel Qu'il garde de parler aux gens.
Trïboulet.
11 pourroit bien avoir les dens De la gorge toute verrie.
Le Roy des Sotz.
Tu le dis affin que je rie.
Sottinet.
Quoy doncques, il a l'equinance.
Mittouflet.
Par nostre dame, je le pense.
Car il beut hyer mon hypocras.
Le Roy des Sotz.
Mais il a le gousier tout gras Encore de caresme prenant.
a36 Sottie
S'on veult qu'il parle maintenant , Il le vous fault boutter en caige.
Le Roy des Sotz.
Nenny , nenny , tu n'es pas saige , Mais luy donner de bonne pie.
COQUIBUS.
Par ma foy il a la pepye , Qui luy détient ainsi la langue.
Le Roy des Sotz.
On te puist gettcr en la fange ; Tu as beaucoup mis à le dire.
Sottinet.
11 luy fault remédier , sire , Et la luy oster de la bouche.
Triboulet.
Il fait signe qu'on ne luy touche ; Se devroit estre le fillet.
Sottinet.
Je luy osteray bien , mais qu'il ayt Ung bâillon, de peur qu'il ne morde.
Âdonc il luy met ung bâillon.
Il est aussi gros q'une corde , Et le tient desjà par le bout :
Voyez qu'il est gros.
Le Roy des Sotz.
Esse tout ?
Sottinet.
Je cuyde qu'il n'y a plus rien.
DU Roy des Sotz. 287
Le Roy des Sotz.
Escoutez s'il parlera bien.
Dy, Guippelin, es-tu guery?
GUIPPELIN.
Ouy , monseigneur , Dieu mercy , Et vous et tous mes bons amys.
Le Roy des Sotz.
Et qui t'avoit le fiUet mis ?
Guippelin.
Long temps y a que je l'avoye.
Remède trouver ne sçavoye , Car il estoit trop long et gros.
Lequel se nomme à tous propos Fillet , c'est ung gros fil retors , De troys cordelons gros et fors, Desquelz l'ung a nom : 31al vestu; Le second est fier et testu , Et s'appelle Faulte d'argent ; Le tiers si n'est ne beau ne gent, Qui se dit : Crainte juvenale ^ Laquelle m'a esté tant malle , Que je n'eusse osay dire mot.
Le Roy des Sotz.
Yrayement, tu estoyes donc bien sot.
II ne fault jamais craindre honte.
Guippelin.
Non, certes , car on ne tient compte Des honteux. Pour ce vous prometz Que je ne le seray jamais.
Mais je parleray à tous cas Âvec[ques] les graus advocatz ,
238 Sottie
Ou que l'on m'appelle Huet.
Sot TIN ET.
Tu ne seras donc(ques) plus muet?
Glippelin.
Non , non , je l'ay assez esté.
Je feray bruyt en cest esté De bien parler et de bien dire.
Ung tas de pierres feray rire .
A force de bien flageoUer, De bien chanter , saillir , voiler, Je seray bon maistre tenu.
Le Roy des Sotz.
Tu soyes doncques le bien venu,
Guippelin.
Je feray bruict de bien dancer Mieulx que vous ne sçauriez penser.
Vous verrez bien que ce sera.
Sot tinet.
Par nostre Dame , non fera.
Guippelin.
Je suis homme , quant est à moy, Pour gouverner tout seul ung roy , Sans y avoir aulcun desroy, Et son peuple gros et menu.
Le Roy des Sotz.
Tu soyes doncques le bien venu.
Guippelin, Je feray bruict , je feray raige ; Je feray d'ung pot une caige D'argent, quand bon me semblera.
DU Roy des Sotz. 289
SOTTINET.
Par nostre Dame, non fera.
GUIPPELIN.
Je suis si grant et saige sot
Que j'entens bien tout à ung mot
D'un sermon tout le contenu.
Le Roy des Sotz.
Tu soyes doncques le bien venu.
GuiPPELIN.
Je farderay bien une femme D'ung fart qui n'est ort ne infâme Et jamais ne se deffera.
SoTTINET.
Par nostre Dame, non fera.
GuiPPELIN.
Je cours aussi tost comme vent ; Nul ne sçauroit partir, devant Que je ne soye revenu.
Le Roy des Sotz.
Tu soyes donc[ques]le bien venu.
Je te retiens mon gouverneur.
SOTTINET.
Nenny , mais vostre gros ven[e]ur.
Je cuyde qu'il le doibt bien estre.
Le Roy des Sotz.
Je te fais seigneur et grand maistre Sus les sotz de ma court notables , Et si te faictz mon connestable , Pour le baston de la frairie
24o Sottie
Porter devant moy, Sotterie , Et régir mes gens que voicy.
GUIPPELIN.
Grand mercy , sire , grand mercy.
Je me gouA^erneray saigement.
Mais sçavoir vueil planièrcment Les noms et Testât de voz gens.
SOTTINET.
Je suis un des loyaulx sergens Du roy , qui ay nom Sottinet , Qui suis si mignon et si net, Qu'il m'a retenu pour son cueur; Vous le povez veoir, mon seigneur, Car à tout faire suis habille.
Triboulet.
Et je suis le sens de la ville .
Je conseille tout ce qu'on faict.
Triboulet est mon nom parfaict Qui ne se mesle point d'abus.
COQUIBUS.
Chascun me nomme Coquibus Qui chargé mon col de ra[tz] porte.
GuiPPELIN.
Telz gens doibvent vuider la porte; Car nulz biens n'y a où ilz sont , Pour les maulvais rapportz qu'ilz font.
Toy, scès-tu lire ne chanter?
MiTTOUFLET.
Je ne sers moy que de vanter Et [je] me nomme Mittouflet.
DU Roy des Sotz. 241
GUIPPELIN.
Je n'ay que faire de Mittouflet, Car, en court, le feu n'estaiut point.
Il vous fault jouer d'aultre point, Que j'ay sur vostre cas songié.
Empoignez vous deux se congié Et demandez : Ibo mictum?
COQUIBUS.
Quel congié? ce n'est qu'un bastou, De seur, qui est ainsi tortu.
SOTTINET.
Par bieu, c'est ung congié, vois-tu.
Qu'on porte quand on va chier.
COQUIBUS.
Pour vous ne nous en irons pas.
Le Roy des Sotz.
Si ferez , plus tost que le pas ; C'est raison d'obéir aux maisti'es.
SOTTINET.
Coulées sont , voys-tu , tes guestres ; Tirez-les , si cherront à terre.
Le Roy des Sotz.
Allez , allez , tirez grand erre ; Nous n'avons cme de telz foulx.
Triboulet.
Ha ! les foDastres.
Sottinet.
Sont-ils doux.
Les vai-letz?
242 Sottie
GuiPPELIN. Hz sont plus pesneux Que s'on leur donnoit à tous deux Par les joues d'une vessye.
Le Roy des Sotz.
Guippelin , je vous remercye Dont si bien gouvernez, ma court.
Guippelin.
Il fault penser au temps qui court.
Qui bien veult son estât conduyre Et getter ceulx dont peult produyre Et sourdre débat et envie , Comme j'ai faict , dont vous supplie Puis que les maulvais sont hors mys, Et nous qui sommes bons amys Et frères, tous sotz , se me semble , Maintenons[-nous] tousjours ensemble [En] nostre grand fraternité De sottie, et en unité.
Nous burons trestous d'ung accord , Chantant à haulte voix et fort :
Ecce quam bouum et quam jocundum Habitare fratres in unum.
Le Roy des Sotz.
Versez de ce bonum vinum Et m'en baillez, j'en tasteray.
Tous ensemble chantent :
Ecce quam bonum et quam jocundum.
Le Rov des Sotz.
Quand j'auray beu, je chanteray.
En chantant,
Ecce quam bonum et quam jocundum.
DU Roy des Sotz.
Triboulet.
Il est bon.
SOTTINET.
Par ma foy, c'est mon.
GUIPPELIN.
Chantez toujours et je bevray.
Atlonc ilz chantent tous ensemble.
Ecce quam bonum et quam jocundum Habitare fratres in unum.
SOTTINET.
Or je vous requier, de cueur fin , Attendez-vous au tabourin.
Pour l'amour de la compaignie, Qu'ilz nous pardonnent no folie, Vous plaise de dire une notte.
Adieu vous dy trestous et toute.
Cy fine la Sottie du Roy des Sotz Et aussi de ses suppotz.
