DE BIEN BOYRE. M
Sans point y mettre de aqua ; Car il dit que le rebequa D'y mettre eau , c'est trop mefFaict ; Despecer ce que Dieu a faict, On en doibt estre bien repris.
Le Cuysinier.
Aussi ne l'as-tu pas apris ?
Soit au disner, ou quant ou goutte, Vrayemeut, s'il en met une goutte, Je veuLx estre tué d'ung youge ; Il luy pert bien à son nez rouge, Qui est si très plein de bubettes ; S'il ne porte eucor les cliquettes.
Je suis content d'estre tondu.
Le Prescheur.
Vas, tu puisses estre pendu!
Le très-puissant rov divin Dit qu'on boyve du meilleur vin, Et nous deffend de boyre l'eau.
Car autant en faict ung chevau Quant on le racine à la rivière.
Et le prophète nous declèrc :
Nolite fieri slcut equus et mulus Quibus non est intellcctus.
Le prophète a desclaré Qu'on boyve muscadet, clare, Ypocras et vin de pyneau, Et dit qu'on n'y mette point d'eau.
Qui jure, se tu y [enj metz , Vrayement, tu n'entreras jamais En paradis ; croy cet article , Car il est escript en la Bible, Undecimo libri Regum.
12 Sermon joyeux
Le Cuysinier.
Il n'y a d'icy en Arragon Ung plus fort yvroigue qu'il est, Et aussi, on voyt bien que c'est :
Il fut en jeunesse nourry De vin, tant qu'il en est pourry, Et ressemble droit ung meseau.
Le Prescheur.
Tu puisses perdi'e le museau Et mourir de sanglante rage!
Le Cuysinier.
Mais bien vostre sanglant visage , Car il ne fut anuyt lavé.
Le Prescheur.
Cecy et voylà trop bavé.
Le Cuysinier.
Regardez ce seigneur notable.
Le Prescheur.
Or vous taysez, de par le dyable !
Le Cuysinier.
Qui vous puisse rompre le col.
Le Prescheur.
Et qu'on face taire ce fol, Très fort villain, puant pugnays.
Le Cuysinier.
Plus honneste suis que tu n'ays.
Le vez-vous là , ce baboyn ?
Vrayement, il put tant le vin Que je sens d'icy son alaine.
DEBIENBOYRE. l3
Le Prescheur.
Et tu fais ta fiebvre quartaine.
Le Cuysinier.
C'est bien dit ; reliez-vous là, Tenez-vous bien.
Le Prescheur.
Cecy.
Le Cuysinier.
Cela.
Le Prescheur.
Tant de mynes.
Le Cuysinier.
Tant de quaquet.
Le Prescheur.
Je te feray
Le CuysïNiER.
Manger uug pet.
Le Prescheur.
En ton nés.
Le Cuysinier.
Mais bien enta gorge.
Le Prescheur.
Tais-toy; feras?
Le Cuysinier.
On te le forge.
Le prescheur.
N'es-tu pas content que je presche ?
i4 Sermon joyeux.
Ouy bien, mais qu'on se despesche ; Ne voys-tu pas qu'il est tard ?
Le Prescheur.
Escoutez que dit saint Bernard :
De pardon mille quarenteines
Auront ceulx qui grans tasses pleines
De vin boiront tout à ung trait.
Aussi je le treuve extrait
En ung sien livre, où il dit :
Bene bibens Deum videbit.
Sont toutes parolles dorées.
En mon livre les ay trouvées,
Où n'ay mis grant peine à le lire.
Et pourtant vous ose bien dire
Quod ille qui bene bibat.
Par raison bene pissat,
S'il n'a la vessie estouppée.
Et pour tant la boinie purée
(A) mes amys, je vous recommande
À bien boyre chascun ensemble
Tant qu'on pourra finer de croix,
Quifaictes gosiers si estroicts,
Faulte de bien les arrouscr.
Beuvons jusques aux yeulx plourer.
Car qui boyt bien, bien se gouverne,
Et qui ne va à la taverne
Luy fault envoyer son varlet.
S'il est aigre, nihil valet.
A l'avaller délicieux,
J'en boy si fort que vers les cieulx
Fays tourner les yculx de ma teste.
DE lilËN BOYRE. l5
Le Cuysinier.
Et cest yvrongne ileshonueste Fera-il iiuy que quaqiieter ?
Mais que pove/.-A'Ous conquester A luy ! Le me vez-vous là bien ?
Le Prescheur.
Se dit ung théologien :
Bon vin, selon cours de nature,
Faict grant bien à la créature.
Par auctorité je le preuve.
Je suis si ayse quant je treuve
Ung très bon vin emmy ma voye !
Ung bon vin jamais ne desvoye,
Ainsi que fait ung vin petit.
Quant j'ay vin à mon appétit.
Je m'y porte aussi vaillant
Que fist Olivier et Rollant
En bataille qu'ilz firent oucques.
Or, je vous pry, bevons fort doucques.
Et aussi Dieu nous avisa
De bien boyre et nous devisa,
Et nous dist ce mot : Sitio.
Le Cuysimer.
Et ho , de par le dyable , ho !
Durera meshuy ce langage De parler fors que du beuvrage ?
Le paillart n'a aultre mémoire Fors à gourmander et à boyre.
Soit au diner ou quant on souppe, Il est yvre comme une souppe, Et s'en va coucher tout vestu.
i6 Sermon joyeux
Le Prescheur.
Mais escoulés ce fol testu.
Com(me) soufFrez-vous tel fol coquart ?
Vous vez que ce n'est q'ung paillart, Ung coquillart et ung yvroing.
Le Cuysimer.
Il y pert bien a votre groing; Comme il est enluminé !
Le Prescheur.
De la fiebvre soys-tu myné.
Mais vostre corps et vostre teste.
Le Prescheur.
Je fais à tous humble rcqueste Que vous ouez , graus et menus, Ung proverbe de Martinus.
Martinus fuit bonus homo (Et) ad bibendum totus primo.
Chascun n'entend pas bien latin , Car il fut faict d'estain trop fin , Engendré d'ungviel pot de cuyvre ; Nul ne l'entend si n'est bien yvre; Consommé fut de viel leton , Et le fist le docteur Platon En son derrenier quolibet.
Le CUYSINIER.
Et il fist ton sanglant gibet.
T'apartient-il prescher en chayre ?
Or te deust en une rivière Getter, qui feroit son devoir.
debienboyre. «7
Le Prescheur.
Bonne feste ne peult avoir, Comme je treuve en retlioricque , S'il n'y a de bon vin qui picque.
Vous sçavés que nostre seigneur A dit qu'on boyve du meilleur; Je le puis tesmoigner par luy.
Aussi, quant le vin futfailly Aux nopces de Archedeclin , Ne mua-il pas l'eau en vin?
Bonum vinum bibat illam.
Le Cuysinier.
Et paix ! Dieu te mette en mal an , Sanglant paillart, yvroignibus. Il nous tient cy en ces abus.
Et tout ce qu'il dit ne vault rien.
Le vez-vous, cesl homme de bien?
Aussi tost qu'il a un g lyard , Par ma foy, la gorge luy ard Qu'il ne le porte au tavernier.
Le Prescheur.
Mais toy qui n'as pas ung denier,
A ces voysins je m'en rapporte.
Avisez quel habit il porte.
Est-il habille compagnon ?
S'amye est en Avignon ;
Ses chausses tirent contrebas.
Au fort , laissons tous ces debas.
Cathon note et met a^ant
Qu'on se doibt tremper bien souvent
En bon vin , quant il s'avisa
Dire : Vino le tempera,
i8 Sermon joyeux
Or, omnibus, attendite,
Et venons à comedite;
Se voulez es sains cieulx aller,
Et non pas eu bas dcA-aller,
Se faictes , ainsi que j'entens ,
Que ne jeûnez point en nul temps
S'on ne vous faict jeûner par force.
Es croniques du l'oy d'Escosse ,
Il est escript en droit civil
Qu'il est notable, non pas vil ,
Les jeunes sont à débouter
Du droit civil , sans en doubter.
Mais quoy? Scés-tu que ta feras?
A double jeune doubleras
Et feras doubles tes morceaux.
Le Cuysinier.
C'est belle vie de pourceaux ; C'est bien à toy parlé en beste.
Le Prescheur.
Ce ne vous est pas chose honneste Q'un tel foUastre me gouverne.
Le Cuysinier.
Quel vray champion de taverne
Qui vient cy trancher du sage homme.
Le Prescheur.
Je cuyde que d'icy à Romme Meilleur que moy on ne doibt querre Poui' bien prescher.
Le Cuysinier.
Au pot et au verre, De cela il a bon renon.
de dien boyre. i9
Le Prescheur.
Encore mais , tayras-tu ?
Le Cuysinier.
Non.
Le Prescheur.
Et pourquoy ?
Le Cuysinier.
Il ne me plaist pas.
A bas, de par le dyable, à bas ; Car vous ne sçavez que vous dictes.
Tout son faict ne sont que redictes ; Tousjours parle sur la vendeuge.
Le Prescheur.
S'il convient que de toy me venge , Tu le congnoistras par justice.
Le Cuysinier.
Tu es bien sot.
Le Prescheur.
Tu es bien nice ; Laisse m'achever mon sermon.
Le Cuysinier.
Par ma foy, si ne feray mon , Car tu ne dis chose qui vaille.
Le Prescheur.
Que tu as le bec plain de raille !
Faictes le taire, ou je m'en voys.
Et dyables après.
20 Sermon de bien boyre.
Le Prescheur.
Or te tays ; Dire vueil chose souveraine.
Le Cuysinier.
Tu feras ta fî[e]bvre quartaine ; J'ay le cul tout plain de ta noyse.
Le Prescheur.
Puis qu'il convient que je m'en voyse Par ce paillart à tel diffames, Adieu vous dy, seigneurs et dames ; Plus ne demouray en ce lieu .
Le Cuysinier.
Adieu, de par le dyable, adieu.
Le prescheur va croquer la pye, Et je voys prendre la copye Du vin qui est en la despense.
Seigneurs et dames d'excellence, Je vous supplye, hault et bas.
Que prenez en gré nos esbas.
Finis.
FARCE NOUVELLE
TRES BONNE ET FORT JOYEUSE
