GUILLAUME DE VILLENEUVE

Un noviau Die ici nous trueve

Guillaume de la Vile-nueve

Puisque povretez le justice.

Or, vous dirai en quele guise

Et en quele manière vont

Cil qui denrées à vendre ont,

Et qui penssent de lor preu fère,

Que jd ne fineront de brère

Parmi Paris jusqu'à la nuit.

Ne cuidiez vous qu'il lor anuit,

Que jà ne seront à séjor ;

Oiez c'on cric au point du jor :

Seignor, quar vous alez baingnier,

Et estuver sanz délaier ;

Li baing sont chaut, c'est sanz mentir.

Puis après orrez retentir

De tels qui les frès harens crient ;

Or au vivet li autre dient.

Sor et blanc, harenc frès poudré,

Harenc nostre vendre voudré.

Menuise vive orrez crier ;

Et puis alètes de la mer.

Oisons, pijons, et char salée,

Char fresche moult bien conraée,

Et de Faillie t\ grant plenté.

APPENDICE. 8i

Or au miel, Diex vous doinst santé !

Et puis après, pois chaus pilez,

Et fèves chaudes par dclez.

Aus et oingnoQS à longue alaine.

Puis après cresson de fontaine,

Cerfeuil, porpié tout de venue,

Puis après porete menue,

Letues fresches demanois,

Vez ci bon cresson Orlenois.

Li autres crie par dalez :

J'ai bons melians frès et salez.

L'aguille pour le viez fer ai.

Or ça bon marchié en ferai.

L*eve por pain, qui veut, si praingiie

J'ai bon frommage de Champaingne,

Or i a frommage de Brie ;

Au burre frès n'oublié mie.

Or i a gruel et forment

Bien pilé et menuement ;

Farine pilée, farine.

Au lait, commère; ça, voisine.

Gras pois i a, aoust des pesches.

Poires de Chaiilou*, et nois fresches;

Primes ai pommes de rouviau *,

Et d'Auvergne le blancduriau ^.

Al balais si com je Tenten.

L'autres crie qui veut le ten* ;

L'autres crie la busche bone

A ij oboles le vous done.

Huiles de nois, or au cerniaus.