AUX LECTEURS QUI CERCHENT EN VERITE LE SAUUEUR IESUS-CHRIST
Jvsques a ci ie n'ay point ignore combien odieux a este a beaucoup de bons personnages mon département du pais de France : mesmes auant que partir, il m'est bien souuent venu en pensée que mon faict seroit par tout de plusieurs condamne : non seulement pour auoir délaisse mon pais, et m'estre retire autrepart, mais aussi pour m'estre retire ailleurs au dommage du bien public, et pour n 'auoir recogneu la grande libéralité dont le Roy auoit vse enuers moy . Car ce m'estoit chose fort honorable, que le Roy m'ayant bien daigne constituer son Imprimeur, m'a tousiours tenu en sa protection alencontrede tous mes enuieux et maluueillans, et n'a cesse de me secourir benignement et en toutes sortes. Or d'autant que par plusieurs années ie m'estoye bien et vtilement employé aux bonnes lettres, ce n'a point este chose décente de rompre témérairement ce cours, et sans bien grande nécessite. A la fin est aduenu ce que ie craindoye : on a semé diuers propos de moy : a grand peine s'en trouuoitil de dix l'vng qui ne feist vng iugement de moy bien odieux. Cependant toutes fois ie n'ay sonne mot : pource que i'aimoye mieulx estre chargé de faulse infamie pour vng temps, que d'esmouuoir troubles en défendant par trop soigneuse affection mon innocence. Et encores a présent ie n'eusse point este induict a escrire, si tant seulement i' eusse eu a faire auec les meschans, lesquels m'ayans furieusement persécute en présence, me deschirent maintenant en mon absence par calomnies insupportables : mais il me fault auoir esgard aux bons et fidèles personnages, ausquels ie pardonne aiseement d'auoir si sinistrement iugé de moy, pourueu que maintenant ils recoyuent ma iuste satisfaction paisiblement, et sans estrif.
no
546 ROBERT ESTIENNE AUX LECTEURS, etc.
Pour le commencement, ie suis contrainct de dire ce que ie sens en mon cueur, et vser de ceste préface : c'est que toutes et quantes fois que ie reduy en mémoire la guerre que i'ay eue auec la Sorbone par l'espace de vingt ans ou enuiron, ie ne me puis assez esmerueiller comment vne si petite et si caduque personne comme ie suis, a eu force pour la soustenir. Et toutes les fois qu'il me souuient de ma deliurance, ceste voix par laquelle la rédemption de l'Eglise est célébrée au Pseaulme 1 26, resonne en mon cueur. . . Quand le Seigneur a faict retourner les captifs de Sion , nous auons este comme ceulx qui songent. Semblablement ce que S. Luc a escript de la deliurance de S. Pierre qui estoit entre les mains d'Herodes, que sortant de la prison il suyuoit son Ange, et ne scauoit point que ce qui se faisoit par l'Ange, fust vray, ains cuydoit veoir vne vision. Mais finalement estant reuenu a moy mesme, ie di auec Pierre, le scay maintenant pour vray que le Seigneur a enuoye son Ange, et m'a deliure de la main de ceste Synagogue Phansaique, et de toute l'attente du peuple enseigné par la Sorbone. Car quand on me voyoit agite de toutes parts, combien de fois a on faict le bruit de moy par les places et par les banquets, auec applaudissement, C'est faict de luy : il est prins : il est enfilé par les Théologiens, Il ne peult eschapper : quand bien le Roy le vouldroit sauuer, il ne pourroit. le puis bien véritablement affermer auec David... Si le Seigneur n'eust este pour nous, si le Seigneur n'eust este pour nous, quand les hommes sesleuoyent contre nous, ils nous eussent iadis engloutis tous vifs, durant que leur fureur estoit enflammée contre nous, Iadis les eaues nous eussent noyez, le torrent eust passe sur nostre ame : Iadis fussent passées sur nostre ame les eaues impétueuses. Le Seigneur donc soit beneit, lequel ne nous a point abandonnez en proye a leurs dens. Nostre ame est eschappee comme l'oiseau du laqs des pipeurs : le laqs est rompu, et nous sommes eschappez. Nostre aide est au nom de Dieu, lequel a faict le ciel et la terre. Car quant a ce que le lieu auquel me suis retire, n'a gueres bon bruict entre les ignorans ou malins : d'autant que cela aduient en partie par erreur, et en partie par malice, il ne s'en fault pas fort soulcier. Quelques calomnies qui se sèment, le Seigneur m'a tire hors des profondes ténèbres du royaume de Satan, et m'a mené en son Eglise, en laquelle luist la
ROBERT ESTIENNE AUX LECTEURS, etc. 547
lumière, lumière di ie vnique de salut et de vie, qui illumine toutes ténèbres : et m'a mis au pasturage véritablement salutaire, pour me repaistre en son troupeau. Je vous prie, pourroit on croire que les ténèbres d'Egypte ayent este plus espesses que celles par lesquelles ces bons Théologiens obscurcissent, ou plustost enchantent les entendemens des hommes, en retirant leurs âmes de Christ, qui est le Sauveur vnique : espendans au lieu d'iceluy les ténèbres de leurs songes! estans semblables du tout aux Scribes et Pharisiens, qui par leurs fallaces ont perdu le peuple des Iuifs. Or ou est ce qu'il y a plus grande lumière qu'en l'Eglise de Christ, en laquelle sadministre tous les iours non pas ce que les hommes ont songe et controuue, mais la pure parolle de Dieu, laquelle descouure les impietez des hommes, et leurs péchez, réduit en la voye ceulx qui sont errans et vagabons, propose le salut qui est ordonne de Dieu auant tout temps, en ung seul Christ rédempteur, et nous amené et conferme en une certaine espérance de la vie éternelle : ou aussi est la pure et légitime administration des sacremens selon l'vsage qui a este ordonne par le Maistre? qui sont les marques par lesquelles on recognoist la vraye Eglise? En quoy ie doy célébrer a pleine bouche la bonté de Dieu, qui m'a retire miraculeusement de la gueule de ces loups affamez et enragez. Et non seulement cela : mais i' estime que ce me sera chose conuenable (a l'exemple de Dauid, qui souuent après avoir remercie le Seigneur de sa délivrance, ha de coustume monstrer quels sont ses ennemis), de manifester a tous les pièges, filets et laqs de mes ennemis, par lesquels ils se sont efforcez de m'enuelopper, des que l'Euangile commença a renaistre : afin aussi de descouurir les embusches lesquelles ne cessent de faire a tous fidèles, et a ceux qui veulent suyure le Sauueur Iesus Christ.
Premièrement, qu'auoyeie faict , quelle estoit mon iniquité, quelle offence auoye ie faicte , pour me persécuter iusques au feu , quand les grandes flammes furent par eulx allumées , tellement que tout estoit embrase en nostre ville Fan m.d.xxxii : sinon pourceque i' auoye osé imprimer la Bible en grand volume , en laquelle toutes gens de bien et de lettres cognoissent ma fidélité et diligence? Et ce auoye ie faict par la permission et conseil des plus anciens de leur Collège : dont le priuilege du Roi rendoit bon tesmoignage ; lequel ie
54H ROBERT ESTIENNE AUX LECTEURS, etc.
n'eusse iamais impetre , si- ie n'eusse faict apparoir qu'il plaisoit ainsi a messieurs nos maistres. Eulx toutesfois ayans l'occasion , me demandoyent pour me faire exécuter a mort : crians sans fin et sans mesure a leur façon accoustumee, que i'auoye corrompu la Bible. C'estoit faict de moy, si le Seigneur ne m'eust aide , pour monstrer de bonne heure que i' auoye ce faict par leur authorite. le me tay de ce qu'ils auoyent ia tente l'an m.d.xxii : quand le Nouueau Testament fut imprime en petite forme par mon beau père Simon de Colines, qui le rendit bien net et correct , et en belle lettre : (c'estoit alors vne chose bien nouuelle veu la malignité de ce temps la , que detrouuer desliuresde la Saincte Escripture corrects) et d'autant que i'auoye la charge de l'Imprimerie, quelles tragédies esmeurent ils contre moyl ils crioyent deslors qu'il me falloit enuoyer au feu, pourceque i' imprimoye des liures si corrompus : car ils appeloyent corruption , tout ce qui estoit purifie de ceste bourbe commune , à laquelle ils estoyent accoustumez. Et lors ie rendi tel compte de mon faict comme il appartenoit.Or combien qu'en leurs leçons publiques ils reprinssent magistralement et aigrement le ieune homme duquel telle correction estoit procedee, toutesfois estans eulx mesmes bons tesmoings de leur propre ignorance, ne l'osèrent iamais assaillir ouuertement, encores qu'il fust moins scauant, et moins craintif: mais auoyent plus de paour de luy , qu'ils ne lui en eussent sceu faire , parce que Dieu les auoit effrayez. En ce temps la (iepuis dire ceci a la vérité) comme ie leur demandoye en quel endroit du Nouueau Testament estoit escript quelque chose : estans effrontez comme putains, me respondoyent qu'ils l' auoyent leu en S. Hierosme, ou es Décrets : mais qu'ils ne scauoyent que c'estoit du Nouueau Testament; ne scachans point qu'on auoit accoustume de l'imprimer après le vieil. Ce sera chose quasi prodigieuse de ce que ie vay dire, et toutesfois il n'y a rien plus vray, et est tout prouve , qu'il n'y a pas long temps qu'vng de leur Collège disoit iournellement.. . le suis esbahi de ce que ces ieunes gens nous allèguent le Nouueau Testament : per diem i'avoye plus de cinquante ans que ie ne scauoye que c'estoit du Nouueau Testament. Quel aueuglement ! Mais quelle impudence désespérée ! Apres auoir reprime leurs fureurs, ou pour le moins appaise si grande rage, d'autant que i'auoye promis que ie ne
ROBERT ESTIENNË AUX LECTEURS, etc. 549
feroye plus rien qu'auec leur bonne grâce : Sept ans passez, l'an m.d.xl, i'imprimay de rechef la Bible, en laquelle ie restituay beaucoup de passages sur l'original d'vne copie ancienne, notant en la marge la vraye lecture conuenant auec les liures des Hebrieux , adioustant aussi le nom duliure escript a la main. Et lors derechef furent allumées nouuelles flammes : car ces prudhommes de censeurs se desgorgerent a oultrance contre tout le liure , auquel ils ne trouuoyent la moindre chose qui fust a reprendre, ne qu'ils peussent eulx mesmesredarguer, sinon aux Sommaires , qu'ils appellent , disans en leurs censures qu'ils sentoyent leur hérésie. le poursuy neantmoins, et metz en auant autant qu'il m'estoit permis par eulx , ce que le Seigneur auoit mis en mon cueur, estant toutesfois intimide , ie le confesse, par leurs oultrageuses menaces. I' imprimay donc pour la seconde fois les Commandemens et la Somme de l'Escripture * , chacun en vne feuille, de belle et grosse lettre , pour les attacher contre les parois. Qui est-ce qui ne cognoist les fascheries qu'ils m'ont faictes pour celât Combien de temps m'a il fallu absenter de ma maison 1 Combien de temps ay ie suyui la court du Roi? duquel a la fin i' obtins lettres pour reprimer leur forcenerie , par lesquelles il m'estoit enioinct d'imprimer lesdicts Commandemens et Sommaires tant en Latin comme en François. Combien de fois m'ont ils appelé en leur Synagogue pour iceulx , crians contre moy qu'ils contenoyent vne doctrine pire que celle de Luther? Toutesfois le Seigneur mena par moy cest affaire iusque la , qu'il y en eut plus de quinze des plus apparens maistres de leur Collège qui approuuerent manifestement par leurs signets ce que toute la Troupe auoit reprouue. Finalement quand ils veirent les signets de ces vieillards, et le priuilege du Roy , ou estans abattus de honte, ou voyans qu'ils resistoyent en vain, souffrirent qu'ils fussent approuuez par leurs députez en la maison de leur bedeau. Car ils ont accoustume pour soulager la Faculté, comme ils disent (laquelle ne se peut aiseement assembler en si grand nombre, parceque le nombre
Il a aussi imprimé au moins deux t'ois ces deux pièces eu un petit \olumcin-8d( liuit feuillets.
550 ROBERT EST1ENNE AUX LECTEURS, etc.
de ces bourdons croist de iour en iour) de créer certains députez : et aussi afin d'espargner l'argent qu'il fauldroit distribuer a vng chascun d'eulx quand ils seroyent assemblez : mais la principale raison est, afin que ceux qui approuueroyent ce qu'ils veulent condamner, n'y soyent presens. Or les députez iurent de celer les secrets, de paour qu'on ne face quelque opposition , qui les arreste. Et par ce moyen, il aduientque leurs resolutions et décrets, quelques iniustes et barbares qu'ils soyent, sont approuuez sans difficulté par toute la troupe qui ne scait que c'est : ioinct aussi que plusieurs ne font nulle doubte de soubscrire contre leur propre conscience, de paour qu'ils ne soyent mis hors de la Synagogue. Ce sont ceulx là, di ie, ce sont ces députez qui donnent sentence a leur appétit sans en estre reprins ne punis, contre les innocens : ils ]es envoyent au feu , ils baillent leur sentence aux iuges , c'est toutefois au nom de la Faculté : et les iuges se contentent de l'authorité d'icelle, sans s'enquérir plus oultre. Ainsi les poures innocens et fidèles estans opprimez par ce premier iugement de peu de gens , sont trainez au feu. C'est bien vne viue image de la licence et domination pharisaique , laquelle nous est récitée en l'Euangile. Qui est-ce qui ne scait que Pilate a condamne nostre Sauueur a la croix contre sa conscience , estant abattu par la rage et cruaulte des Scribes et Sacrificateurs , et en se laissant mener par leur impétuosité? J'ay laisse vne chose qui est surtout digne de mémoire , que cela mesme que ces bons Censeurs auoyent condamne en moy , fut alors imprime , de leur commandement, par Jehan André, * lequel n'est pas moins ignorant que meschant et infidèle: c'est leur suppost en toutes leurs trahisons, et fort bon soufflet pour inciter a dresser calomnies , et le plus aspre bourreau en cruaulte qui fut onques : aussi ils n'ont pas eu honte de l'admettre en leur secret conseil. Cestuy , di ie , imprima les Commandemens de la loy, mais auec ceulx de l'Eglise , voire après auoir este difformez et corrompuz par vng certain Odoard ** , qui des deux premiers , Commandemens n'en a faict
* Sur cet espion des catholiques, voyez ci-dessus, page 350. ** Voyez ci-dessus, page 303,
ROBERT ESTIENNE AUX LECTEURS, etc. 551
qu'vng : ostant la prohibition qui est la expresse, de former et adorer les images : et puis a deschire en deux membres , plustost que divise, le dernier Commandement , afin de parfaire la dizaine. Cependant, pour ce que ie leur estoye suspect d' hérésie, comme ils disent, combien de fois ma maison a elle este fouillée par les iuges a leur instigation , pour veoir si on y trouueroit quelques liures suspects? Après cela, enuiron l'an m. d. xli, i'imprimay le Nouueau Testament avec briefves annotations que i'adioustay a la marge, lesquelles i'avoye eu de gens bien scauans. Pour le commencement le liure fut ioyeusement receu : et scay combien ils sen sont aidez. Vng peu après aucuns d'entre eulxcrioyent en chaire impudemment, sans m'espargner, ne celer mon nom , que i'avoye imprime des annotations bien dangereuses : parceque i'exposoye autrement les passages du purgatoire et de la confession qu'ils n'auoyent accoustume * : que i' estoye vng fin homme et cauteleux de semer des hérésies sous l'ombre de l'vtilite publique. Il sesleue vng murmure dont saillirent tout soubdain leurs crieries accoustumees , tellement que. pour la troisième fois ie fu contrainct de me cacher. A la fin ayant reprins courage, après que ceste tempestefut vngpeuappaisee, i'imprimay encore vne fois ces mesmes annotations , y changeant quelque peu , et adioustant beaucoup . Incontinent Gagney, Picart et Guiancourt, qui estoyent des premiers de ce sainct ordre , feirent beau bruit. Or pour venir au dernier acte de ce ieu , auquel ie monstrerai comment ils ont tousiours este rebelles au Roy , et a ses mandemens et edicts : afin que le fruict des leçons hebraiques que le ro}' François de Valois auoit publiquement instituées , paruint a plusieurs non seulement de nostre nation, mais aussi des estrangiers : ie recueilli avec grand labeur, en veilles extrêmes, en diligence soigneuse et attentiue ce que les scauans auditeurs de Vatable , iadis professeur du Roy, homme très scauant es lettres hebraiques, auoyent retire de ses leçons; et l'assemblay en vng volume , adioustant lanouuelle translation de la Bible vis a vis de l'ancienne. Cest œuvre fut paracheue l'an m. d. xlv, lequel communiquay incontinent aux plus scauans de la Synagogue : et leur priay que s'ils apperceuoyent
Voyez page 310.
io2 ROBERT ESTIENNE AUX LECTEURS, etc.
chose qui ne fust recueillie a propos, qu'ils m'en aduertissent : promettant delà racoustrer. Ils me le renuoyent, et me mandent que tout est bien, en tant qu'ils ne croyoyent pas que facilement peust sortir quelque chose de mauuais des leçons publiques de Vatable. Dont ie fus fort aise de n'estre point empesche par eulx que mon labeur ne portast aucun prouffit a ceulx qui sont addonez a l'estude des sainctes lettres. Quand Satan voit que par la lecture decesdictes annotations, les faulses et vaines expositions s'en vont bas : il esmeut plusieurs de leur bande contre moy , disans qu'il ne falloit plus que ces Bibles fussent vendues auec les annotations : qu'il y auoit dangier que la maieste de la sacrée Faculté ( laquelle ne consiste que par vne possession erronée) fust destruicte. Lors fu aduerti en secret par aucuns qui ne sont pas des pires, d'aduiser a moy, et me donner garde. Il se faict vng grand bruit entre ceux de ce vénérable ordre, quei'ay imprime ycelle sans auoir permission de la Faculté , a laquelle me falloit soubmettre, encore que ie fusse Imprimeur du Roy. Deuant que combattre de plus près au dangier de ma vie, ie m'en allay a la court du roy François , pour résister a ces commencemens. Apres auoir présente au Roy vng volume grec d'Eusebe (ce fut enuiron l'an m. d. xlvi, auquel temps fut aussi par moy imprimé le Psaultier auec les annotations ) i'aduerti Monsieur Castellan, lorsEuesque de Mascon , que les Théologiens tacitement semoyent quelque bruit contre moy : et que de brief persuaderoyent ou a la court de Parlement, ou au lieutenant , de me faire défenses de vendre plus les Bibles auec les annotations : qu'il y auoit quelque chose qui ne leur plaisoit point. Quand ie vey le personnage par trop timide en vne si bonne cause : ie luy di que i'imprimeroye volontiers à la fin des Bibles toutes les faultes que les Théologiens auoyent trouuees , auec leur censure : que ie n'en auroye point de honte, ne ne me greueroit point : afin que par ce moyen les lecteurs fussent aduertis de ne tomber par mesgarde en quelque annotation qui ne sentist Iesus Christ. Ce conseil luy pleut, et mesmes au Roy : lequel tout incontinent commanda a Castellan d'escrire en son nom aux Théologiens qu'ils lussent de bout en bout les Bibles imprimées avec les annotations par son Imprimeur : et s'il y avoit quelque chose qui ne leur pleust, de le noter a part : et que a chascune faulte ils escriuissent
ROBERT ESTIENNE AUX LECTEURS, etc. 553
la cause de leur iugement : qu'après cela ils me baillassent le tout a imprimer pour le vendre avec lesdictes Bibles ou a part. Castellan escriuit a ces bons Pères, premièrement en francois. Ils luy respondirent qu'ils feroyent tout ce que le Roy auoit commande, comme il appert de la response que ledict Castellan leur feit après en latin , dont voici le sens :
« Il n'est point aise a dire, très vertueux personnages, combien i'ay prins de plaisir aux propos que m'a rapportez monsieur le Chancelier de Gagney, homme très excellent, qui m'est bien ami, et fort affectionne enuers vous. C'est que vous vous estes mis à la correction des Bibles de Robert Estienne. Ce que le Roy très chrestien vous a si fort demande, et lui avoye ainsi des long temps promis en vostre nom. Quand il sera ainsi faict et paracheuepar vous, chaque homme de bien, etc. » Ils seau ent le reste.
Or combien qu'ils eussent promis de ce faire, toutesfois ils n'en feirent rien. Qui plus est ce pendant ils sollicitèrent finement les Théologiens de Louuain, pour leur faire entrelasser mes Bibles en leur catalogue des liures suspects et hérétiques : car ils ne l'eussent ose faire de leur part : et pourtant faisoyent advancer ce iugement par aultruy, pour monstrer qu'il n'estoit ia besoing de prendre ceste peine qui leur estoit enjoincte par le Roy : Pour ceste cause Castellan leur escrivit en latin pour la troisième fois selon la teneur,
••' Comme ainsi soit que vous eussiez tellement respondu a
mes dernières lettres, lesquelles ie vous avoye escrites par le commandement du Roy, qu'il sembloit bien que vous ne voulsissiez rien faire en la cause de Robert Estienne, que en ensuyuant la volonté du Roy, qui ne requeroit de vous que chose fort équitable : i'ay estime qu'il ne vous en fauldroit point parler dauantage. Mesme le Roy estoit persuade par moy que quand les faultes de la table et des argumens seroyent corrigées, et qu'on auroit marque es annotations ce qui peut offenser, aussi touché le reste ou il y peut auoir quelque cachette de malice ou incommode suspicion , que le reste se pourroit tellement expédier, que les liures pourroyent estre publiquement receuz, tant soubs l'asseurance du Roy, que soubs vostre censure. Mais maintenant ie ne diray point l' intermission du temps, c'est plus tost une longueur, dont vous vsez a donner vostre iugement, et
551 ROBERT ESTIENNE AUX LECTEURS, etc.
comme vne dilation de bailler vos opinions, et puis ce qui est entreuenu par la censure des Théologiens de Louuain, a faict souspconner aucuns et craindre que ne vouliez reietter le vieil Conseil , c'est a dire du Roy, pour vser de quelque nouueau moyen en vne chose ia enuiellie, etc. » L'Epistre est fort longue.
Or pource qu'ils vouloyent que le catalogue des Théologiens de Louuain fust imprime, le Roy en estant aduerti, leur escriuit incontinent le xxvii d'octobre, en ceste manière.
« A ceste cause nous vous défendons très expresseement que
vous n'ayez a faire imprimer le dict catalogue, mais procédiez a la correction des faultes de la dicte Bible le plus promptement, etc. »
Quand Castellan voit qu'on ne prouffite rien enuers eulx, et qu'ils ne veulent point satisfaire a leur promesse, il les exhorte encore pour la seconde et troisième fois. A la fin estant constraincts, ils enuoyerent quinze passages qu'ils auoyent notez. Apres qu'il les eut conférez avec Gagney, il lesrenuoya avec vne epistre assez longue, en laquelle il leur bailloit le moyen de procéder a telles corrections : afin qu'ils amendassent le reste selon l'exemple qu'il leur enuoyoit. Il y auoit en la dicte epistre beaucoup de choses de l'vtilité des annotations, comme ie scay, qui les faschoyent et pressoyent fort. Après que le Roy eut senti que c'estoyent gens de si dur col qu'on ne les pouoit faire fleichir, ne dompter leur obstination, et qu'ils vouloyent soustenir leur rage diabolique iusques au bout, se contentant de dire, cela est hseretique : et qu'on s'en rapporte a eulx, le xxvi iour d'octobre il leur enuoya lettres patentes seellees de son seau, par lesquelles il leur commanda estroictement, y adioustant menaces, qu'ils eussent a paracheuer leurs Censures, et a me les bailler pour imprimer. Toutesfois ils n'en tindrent compte, ains tout exprès mespriserent ce commandement. Et encores estans ainsi desobeissans et rebelles, disent ils que Testât du royaume ne peut estre paisible, sinon qu'ils ayent a leur coustume une licence desbordee a oser faire ce qui leur plaist. Toutesfois c'est au Roy de voir comment son peuple luy sera obéissant tant qu'il aura de tels maistres. Cependant le Roy François va de vie a trépas, auquel Henri son fils a succède, qui en l'an m. d. xlvii, le xvi iour d'aoust au premier an de son règne, leur enuoya lettres patentes contenant ce qui s'ensuit.
ROBERT ESTIENNE AUX LECTEURS, etc. 555
« Comme ainsi soit que les maistres Doyen et Docteurs de la Faculté de Théologie en nostre Vniversite de Paris, n'auroyent pas tenu grand compte de ce que nostre feu seigneur et père leur auroit mande touchant les Bibles de nostre Imprimeur Robert Estienne , et encores moins en auroyent tenu compte depuis le trespas de nostredict feu seigneur et père : pour ce est il que nous te mandons Huissier , et commettons par ces présentes, que tu faces tres-expres commandement de par nous ausdicts maistres Doyen et Docteurs , sur certaines et grandes peines a nous a. appliquer, qu'incontinent et sans aucune discontinuation ils paracheuent de veoir et noter ce qu'ils voiront estre a noter et reprendre esdictes Bibles , soyent grandes ou petites, si faict ne l'ont : et si faict est , ou incontinent qu'il sera faict, baillent a nostredict Imprimeur, leurs notes et censures ou corrections, pour les imprimer en leur nom , mettre au deuant ou derrière desdictes Bibles, ainsi qu'ils auront advise pour le mieulx. Et en cas de refus ou delay , les adiourner en personne a certain et competant iour pardeuant nous, en nostre priue Conseil , pour en dire les causes, respondre a nostre Procureur a telles demandes, requestes, et conclusions qu'il vouldra sur ce, et les dependences, contre eulx prendre et eslire, et procéder comme de raison. »
Quatre iours après, qui fut le xxn iour d'Aoust ensuyuant, ayans respondu qu'ils me bailleroyent dedans la feste de Toussaincts les censures des erreurs et hérésies qu'ils auoyent recueillies en nos Bibles, ils se moquent du Roy, comme ils auoyent de coustume , et se rient auprès de leurs brocs et flacons, sans se soulcier de rien, comme s'ils n'eussent este nullement adstraincts par leur promesse. Au iour assigne comme ie m'en estoye aile a la court, quelques vngs de leur Collège y viennent secrettement me voulans opprimer à la despourueue. Au lieu des articles ils présentèrent vne requçste , par laquelle ils requeroyent que défenses me fussent faictes de vendre les Bibles, pourceque i' estoye sacra mentaire, et avoye en icellesescript que les âmes estoyent mortelles. Et certes , il ne s'en fallut gueres qu'il ne le persuadassent a aucuns qui estoyent d'eulx mesmes trop crédules : sinon qu'vng ou deux d'entre eulx plus équitables et de meilleur iugement que les autres requirent que i'en fusse aduerti, et que i'en respondisse en leur présence. Quand i'enten ces choses,
550 ROBERT ESTiENNE AUX LECTEURS, etc.
et que ie me tien prest de comparoistre devant le Roy en son Conseil estroit , pour me purger des calomnies de ces gens ci, ils sen estoyent desia refuis a Paris. Toutesfois ie poursuy , et monstre a Castellan, ensemble au Roy comment tout ce qu'ils me mettoyent a sus estoit faulx , et impudemment controuue. Cependant que ie fay ces choses, on met en auant en leur nom quelques articles auec leurs censures, lesquels ie collationnay auec les Bibles par moy imprimées. Quels ils estoyent les lecteurs le cognoistront de ce liure *. Quand on demande le reste a eulx qui estoyent a la court pour solliciter leurs affaires, ils respondent, que le tout n'est pas encore mis en ordre : et qu'ils l'enuoyeront de brief : Et des bourdes. le m'en retourne à Paris : mes amis me saluent comme un sacramentaire , et comme vng Atheiste, ayant escript que les âmes sont mortelles. Je le nie bien fort. le reprins aigrement ceulx de ceste malheureuse synagogue qui auoyent semé tels crimes, et leur demande s'ils n'ont point de honte. Ils afferment que leur dire est vray : au contraire ie leur nie : et les prie de me produyre le passage d'où ils auoyent tire vng tel article. Quand ils me l'eurent produict, ie monstre euidemment a tous, qu'ils n' auoyent point entendu Latin , d'avoir forgé vng tel article et si méchant des paroles qui en rien ne sonnoyent telle chose : mais tant sen fallut qu'ils eussent honte de leur ignorance, que plus tost ils s'y glorifioyent. De moy ieleur concède volontiers ceste louange , que quand ils ne pourront vaincre par raison , ils accablent les innocens par leurs mensonges impudens et monstrueux. 0 beaux Théologiens , ou plustost loups destruisans le troupeau du Seigneur. le retourne a la court. le demande qu'eulx presens disent ce qu'ils ont alencontre de moy, et qu'ils produysent le reste de leurs articles. Estans contrains, ils viennent dix , sil m'en souuient bien • entre lesquels estoit Odoard leur orateur , Picard , et de Gouea l'ancien : il ne me souuient pas du nom des aultres. Ils entrent au Conseil estroict, qui estoit assemble en beaucoup plus grand nombre que de coustume. Car tous les Cardinaulx et Euesques suy-
* L'ouvrage auquel celui-ci sert d'introduction se compose des Annotations censurées, ■hacune suivie de sa censure après laquelle vient la réplique ou réfutation de Robert.
ROBERT ESTIENNE AUX LECTEURS, etc. 557
uans la court, y estoyent : le Connestable , second après le Roy, et le Chancelier. Ces dix au nom de tous me donnent le combat a moy seul. Apres que commandement leur est faict , ils produysent leurs articles ou erreurs, si vous aimez mieulx les appeler ainsi : mais a grand regret : dont vne partie estoit auec leurs Censures , le reste sans Censures, n' estans encores formez ne qualifiez comme il dient. Ayans débattu de beaucoup de choses, auec grande risée de toute l'assistence, a cause de leurs noises tumultueuses, pourcequ'ils discordoyent ensemble, et estoyent ia enflammez l'vng contre l'aultre et auoyent débat entre eulx mesmes, il me fut commande de respondre sur le champ, et parler pour moy , n'attendant rien moins. le crois qu'en ma défense, fobiurgation dont vsoye sembla bien dure a ces dix ambassadeurs : toutesfois la vérité de la chose contraindit aucuns d'entre eulx de tesmoigner que nos annotations estoyent fort vtiles. Apres que nous eusmes este ouis d'vne part et d'autre , on nous faict retirer en vne garde robbe qui estoit prochaine. La vous eussiez veu vne poure brebis abandonnée au milieu de dix loups : lesquels toutesfois estans enclos en ce lieu, ne luy eussent ose donner vng coup de dent encores qu'ils en eussent grand appétit. Nous sommes rappelez pour ouir la sentence des iuges.
Il leur est prohibe et défendu expressément de n'vsurper plus en la matière de la foy le droict de censurer appartenant aux Evesques : que c' estoit bien assez si les Euesques les appeloyent quelquefois en conseil, pour auoir leur opinion. Les articles sont baillez aux Euesques et Cardinaulx, commandement leur est faict de les examiner diligemment: et ce que iugeroyent estre corrompu, qu'ils me le bailleroyent pour imprimer à part, ou derrière les Bibles : a fin que par ce moyen les Lecteurs se donnassent garde, en ensuyuant ce que les Rois François et Henri auoyent commande. Quand les Orateurs ouyrent ces choses , ils murmuroyent et fremissoyent entre eulx, que toute l'authorite qu'ils auoyent leur est ostee : toutes fois en murmurant ilsauallent tout bellement leurs complainctes. Tous ceulx qui estoyent la presens, testifioyent qu' estans sortis ils plouroyent: mais ils n'eurent point faulte de message de consolation , pour leur enfler encore leur cueur : car leur patron les tira a part et leur dict : " Poursuyuez comme vous avez faict iusques a présent : vos-
558 ROBERT ESTIENNE AUX LECTEURS, etc.
tre authorite ne vous est point du tout ostee : paracheuez le reste des articles, mettez-y vostre censure , et l'apportez. » Eulx recrées par cette vaine consolation , combien quelle ne fust poinct du tout vaine , cessèrent de plourer. Estans de retour à Paris, ils feirent faire prières solennelles a tout ce sainct ordre, comme si leur affaire se fust bien porte : ils sen vont a Nostre Dame, ils heullent, ils preschent : i'estoye derrière le prescheur , sans qu'ils en sceussent rien : et esperoyent bien qu'on ne diroitplus mot du reste des articles. Cependant ils feirent tant que pour vng temps la vendition des Bibles cessa. Les Euesques et Cardinaulx confèrent entre eulx les articles qu'ils auoyent receuz, lesquels articles estoyent en nombre xlvi. On diuulgue par tout la court qu'il n'y a nul mal, sinon que parauenture il y en auoit cinq ou six qui estoyent soubiects a calomnie : et toutes fois n' auoyent faulte de bonne et suffisante cause . que le reste estoit tolerable et catholique. Entendant ces choses , ie sollicite et presse autant que le Seigneur me donnoit de moyen , que le reste fust enuoye. Le Roy commande de rechef qu'ils les apportent, réitérant commandement , et les menaceant soubs peines. Voyez leur obstination désespérée : Ils reculent autant qu'ils peuuent pensans en eulx mesmes, « si les Euesques et Gardinaulx ont faict vng tel iugement des premiers articles , que pourrons nous attendre des seconds 1 » Toutes fois ils disoyent en leur eschole et en leurs banquets que les Euesques et Cardinaulx n'entendoyent rien en Théologie. Parquoy ils essayent tous moyens a eulx possibles, ils supplient, ils pleurent : de rechef ils promettent qu'ils feront tout ce qu'on vouldra, pourueu qu'ils ne soyent contraincts (voyez les pouresgens délicats) de suyurela court, pource qu'il y fault faire trop grand despense, et y a beaucoup de choses trop molestes a gens qui ne sont point courtisans. Le second poinct de leur demande estoit que le Roy baillast le reste des articles qu'il auoyent paracheuez , a examiner aux iuges de la Chambre ardente , qui pour lors cognoissoyent des causes des hérétiques. Voila les laqs desquels ils me pensoyent enuelopper, ou plustost la fosse ou il me vouloyent faire tomber. Car on scait assez quelle cruaulte et bourrellerie Lyset et ses complices ont exerce. Quand quelcun (du nom duquel ie me tay, et pour cause) leur eust accorde ce qu'ils demandoyent, iesuis destine
ROBERT ESTIENNE AUX LECTEURS, etc. 559
au sacrifice, sans que le Roy en sceust rien. On baille lettres cachetées, par lesquelles ma cause est renuoyee a ces iuges, lesquels encores qu'ils n'eussent point este meschans , toutesfois en cela ils m'eussent este tresiniques, pource qu'ils condamnoyent hardiment tout ce que les Théologiens prononcoyent devoir estre condamne. Or chascun scauoit de quelle rage et cruaulte tout ce Collège auoit conspire ma ruyne. Que pouoit on donc attendre de ces iuges. Et moy au contraire i' essaye les moyens de faire retenir ma cause au Conseil estroict : et demouray huict mois entiers à la court a ceste poursuite. A la fin le Seigneur eut pitié de moy, et fléchit le cueur du Roy envers moy, et me reconceillaa son Conseil priue, tellement qu'aucuns de ceulx qui auoyent este fort enuenimez contre moy par ces bons Pères, se rendirent plus clemens. Car le Roy estant a Bourg en Bresse, sur son partement pour aller a Turin, (Mai Î548) me furent de luy octroyées lettres par l'ordonnance de son Conseil estroit, auquelles princes et grans seigneurs se trouuerent , et entre autres aucuns de lafaueur desquels la Sorbone se fioit fort, la teneur des lettres estoit telle,
« Nous vous mandons et ordonnons que sans auoir esgard aux lettres dernièrement obtenues de nous, pour communiquer vos Censures aux gens de la chambre establie sur le faict des hérésies , en nostre court de Parlement a Paris, vous ayez a bailler et deliurer promptement les Censures que voirez et cognoistrez estre requises sur les Bibles et autres liures de Théologie par luy imprimez. Et la dessus décréter et ordonner la forme qui sera tenue en l'exécution et accomplissement desdictes Censures. Vuydant cest affaire le plus equitablement que faire ce pourra : en manière que nous cognoissions qu'y aurez procède selon Dieu et raison. Et sur tout ne faillez de nous aduertir de ce qu'aurez faict en cela. »
Il aduertit aussi de ces choses mesme les iuges députez sur la matière de la Foy, disant sur la fin des lettres en ceste manière,
« Vous mandant et ordonnant que vous n'ayez a entreprendre aucune cognoissance du dict affaire, en vertu de nosdictes lettres missiues : mais en laissiez l'entière décision au dict Doyen et Docteurs , pour en décerner et ordonner ainsi que voiront estre a faire selon Dieu, vérité et raison. Car tel est nostre plaisir. »
560 ROBERT ESTIENNE AUX LECTEURS, etc.
Depuis que par la miséricorde de Dieu ie fu deliure de ces laqs et trebuchets, qu'est-ce que ie ne fey pour retirer d'eulx ces articles? Toutesfois rien moins : -car ils sestoyent opiniatrez de ne bailler le reste des articles, sil y auoit moyen pour eulx d'eschapper ou euader en quelque manière que ce fust ■ et que ie fusse condamne comme meschant et hérétique. Mais quand ils furent amenez a ceste nécessite extrême, sinon qu'ils voulsissent estre condamnez comme rebelles à la maieste royalle : ils enuoyerent ce qui restoit , a Lyon , par les mains de Tauernier et Ruffi. Et pource qu'ils ne me trouuerent point la, ils dirent qu'ils ne l'auoyent point , et le reportèrent a leurs gens. Cependant que cela se faict , la sacrée Faculté sollicite ce bon preudhomme Guiancourt, qui pour lors estoit confesseur du Roy, afin qu'il semployast vaillamment et asprement a me combattre. Car comme ces bons frères requeroyent qu'on decernast quelques poincts alenccntre des Luthériens (il y en auoit en nombre cinq , comme il me semble) , ils mandoyent entre autres choses , « Aduisez que nous ne soyons contraincts de bailler le reste des articles contre Robert Estienne, mais plustost qu'il soit condamne comme hérétique. Comment? qu'il soit dict qu'vng homme mechanique ait vaincu le Collège des Théologiens? » Et a la fin des lettres (ie les ay veues et leues, et l'ay raconte a Guiancourt mesme qui le dissimuloit), il y auoit derechef escript : « Sur tout voyez que Robert Estienne ne vainque. »
Et certes aussi feit il en bien grande diligence pour faire du bon vallet enuers ceulx, ausquels il se scauoit bien estre suspect, comme il est traistre a Christ aussi bien qu'a son ordre. Car quand le Roy fut retourne de Turin, et seiournoit en la coste S. André quasi seul, auant que le grand maistre allast à Bordeaux , ledict Guiancourt trouua moyen par le support et la faueur de quelcun de tirer lettres du Roy par lesquelles il m' estoit totalement défendu de vendre les Bibles : a condition toutesfois qu'ils bailleroyent les articles qui auoyent este tant et par si longtemps attenduz. le ne sceu rien de tout cela iusques a ce que le Roy fut venu a Lyon : ou m'estant retire par devers tresillustre prince monsieur le Cardinal de Guyse, pour le remercier de l'humanité qu'il m' auoit monstree a Bourg en Bresse : m'aduertit en grande compagnie de gentilshommes
ROBERT ESTIENNE AUX LECTEURS, etc. 564
et autres qui estoyent alentour, du changement qui estoit advenu. Et quand ie luy demanday sil n'y auoit nul remède, il me respondit, nul. le fu bien triste , et lui dis a Dieu , et au pais. le m'en allay vers Castellan luy raconter ces choses , et lui dis le dernier a Dieu , voyant qu'il me falloit quitter le pais, car ie sauoye bien ou tendoit ce préjudice. Toutesfois en sortant de sa maison ie le priay bien fort qu'il lui pleust scauoir du Roy que cela vouloit dire. Ce qu'il m'accorda a bien grande difficulté , et le feit a regret : et de faict il y auoit cause de le refuser. Toutesfois le iour d'après l'entrée du Roy a Lyon, en laquelle il fut receu en si grand appareil , il demanda au Roy, si c auoit este son intention d'accorder aux Théologiens que les Bibles imprimées par son imprimeur fussent supprimées. Le Roy dict qu'il leur auoit ottroye , d'autant qu'ils lui auoyent persuade que i'estoye vng homme plus pernicieux que nul hérétique. Toutesfois qu'il ne leur auoit point ottroye a autre condition qu'en produysant les articles qu'on leur auoit par tant de fois demandez. Castellan poursuit et declaire au Roy par assez long propos, comment i'estoye contrainct d'abandonner le pais : que la nature des Théologiens estoit telle de poursuyure iusques a la mort ceulx ausquels ils se sont attachez, et contre lesquels ils ont attire la faveur du Roy et des luges par leurs blandissemens et mensonges ( contra quos régis aut Iudicum favorem suis mendatiis eblanditi essent). Lors le Roy respondit que pour cela il ne me falloit point laisser le pais, seulement que ie me donnasse garde a l'aduenir : adioustant que i' eusse bon courage, et que ie poursuyuisse comme de coustume a faire mon debuoir, a orner et embellir son Imprimerie. Quand ces choses me furent annoncées, ie m'arreste. Cependant les Théologiens ne disent mot, et ne diuulguerît point leurs lettres : dont ie m'esmerueilloye : mais ie scay bien qu'ils les eussent diuulguees n'eust este qu'elles faisoyent mention de produyre les articles. Guiancourt (comme il est fin regnard) dissimulant cauteleusement ces choses, ayant confère tous les poincts l'vng auec l'autre , suborna Senalis Euesque d'Auranchespourm'admonnester par doulces parolles de rentrer en grâce avec les Théologiens : que cela m' estoit beaucoup plus vtile que d'estre si longtemps absent de ma maison, et qu'il ne mè falloit point espérer d'auoir victoire contre vng Collège si sainct. A cela ie
562 ROBERT ESTIENNE AUX LECTEURS, etc,
respondi que ie ne pensoye ne de victoire ne de triomphe aucun ; que tant seulement ils obéissent au Roy, et produissent les articles. La dessus il me dict, qu'il ne me falloit point attendre a cela, et qu'il ne se feroit iamais : parceque les Théologiens n'ont pasaccoustume de monstrer par escript ce qu'ils iugent estre hérétique, mais seulement de parolle : a laquelle il fault croire : car autrement il n'y auroit iamais fin d'escrire. Nous departismes ainsi. Le lendemain vindrent ses seruiteurs qui m'exhortèrent fort d'obéir a l'admonition de leur maistre. le m'y accorday. Car i'auoye bonne souuenance de ce qu'aucuns d'eulx auoyent entreprins (par vne faction de laquelle ilsestoyent tous coulpables, comme il est bien croyable) alencontre du Roy François, pource qu'il ne s'accordoit pas du tout a leurs impietez. Ils scauentbien ce que ie veulx dire. Il est vray que lors ils furent doulcement chastiez par vng bannissement : mais puisque soubs couleur de pieté ils ne cessent de machiner tant de choses contre Dieu, a la fin il les destruyra malheureusement. le m'en vien donc a Senalis : et luy di que ie veulx escrire aux Théologiens, que nous laissions couler le passe : que ci après ie ne feray rien sans leur conseil. Il escoute volontiers ce propos, me congratulant de ce que i' auoye telle volonté. Il me prie de parler auec Guiancourt. le le fay. Le bon preudhomme Guiancourt approuue bien mon conseil, et me promet que par ce moyen tout sera appaise. Il prend la charge luy mesme (tant il est humain et prest a faire plaisir) de porter mes lettres. Car il ne demandoit autre chose que d'auoir lettres de moy pour me tenir lie, a ce qu'il ne fust plus besoing de produyre les articles. Et moy voulant eschapper ses fillets, feigney d'auoir ia escript. Ils viennent tous deux a la court. Le bruit est que le Roy a commande qu'on delivrast a Robert Estienne mille et cinq cens escus pour recompense des dommages qu'il auoit soufferts. Lors quels troubles esmeurent ils? qu'on donnoit loyer aux meschans a mal faire : que les semblables seroyent conuiez par tels loyers a faire de mesme. A la fin par leurs remonstrances, clameurs et persuasions obtindrentce que ie desiroye (car ie puis dire a la vérité que mon esprit a tousiours este libre, ie n'ai iamais serui a l'argent, le Seigneur m'a accoustume aux labeurs comme l'oyseau au vol) c'estoit qu'on ne me baillast point d'argent. Le Roy leur accorda : toustes-
ROBERT ESTIENNE AUX LECTEURS, etc. 563
fois il me promit qu'il seroit vne autrefois plus libéral enuers moy, et me feroit plus de bien que cela. le luy rendi grâces, le priant tant seulement de m'estre protecteur alencontre de mes adversaires, et que i'aime mieulx sa faueur et protection que nul argent. Cela me fut ottroye, Dieu merci. Mais pour auoir mes lettres par lesquelles ie peusse testifier aux aduersaires le bon vouloir du Roy enuers moy, il me fallut endurer peines et fascheries incroyables par l'espace de trois m"ois, tant auoit de puissance l'authorite ou l'importunite de la Sorbone , mesmes enuers les plus principaulx , qu'ils faisoyent doubte de sceller ce que le Roy auoit commande par quatre fois. Toutesfois le Seigneur vainquit : car après que les lettres eurent este par cinq fois corrigées, a la fin elles furent scellées par le commandement du Roy tresclement prince. Pendant que ie suis après et sollicite, ces hommes de sang enquierent sur moy et interroguent plus d'octante tesmoings pour auoir sur moy quelque cas nouueau, si d'auenture toutes les choses passées estoyent abolies par ces lettres. Car ils en auoyent entendu quelque chose : et toutesfois ils n'eussent iamais creu que i'estoye aussi bien muni et garde contre leurs nouuelles inquisitions, s'ils ne l'eussent leu. le garde les lettres par deuers moy, et ne les diuulgue point. Incontinent i' en ten que dedans trois iours ie doy estre mis en prison, si ie ne me garde. Alors ie produy les lettres du Roy, esquelles estoit contenu ce qui sensuit,
« Par ces présentes disons et declairons que nostre vouloir et intention est, que le dict Robert Estienne nostre Imprimeur, pour raison de ladicte impression par luy faicte des annotations de la Bible, Indices, Psaultier, et NouueauxTestamens, et autres liures par lui imprimez, ne soit ou puisse estre a présent ne pour l' advenir trauaillé, vexé, ne molesté en quelque manière, ne conuenu par quelques iuges que ce soit. Et quand aux susdictes informations faictes ou a faire alencontre de luy, a l'occasion que dessus, de tout le temps passe iusques a huy : suyuant ce qu'en cest endroict a este commence par feu nostredict seigneur et père, auons reserue et retenu la cognoissance d'iceluy a nous, et a nostre personne. Et pour cest efFect en auons défendu et défendons toute court et jurisdiction et cognoissance a vous gens de nostre dicte court. »
564 ROBERT ESTIENNE AUX LECTEURS, etc.
Ces choses ouyes ils deuindrent plus muets que poissons, sinon qu'ils murmuroyent entre eulx sans dire mot. Pendant que ces troubles sappaisent, ie poursuy a imprimer le Nouueau Testament grec, en grande marge. Apres que l'œuure fut achevé, ie le porte a Castellan. Lequel me tensa aigrement, de ce que ie ne l'auoye point baille a examiner aux Théologiens, me disant que i'estoye vng orgueilleux, le lui respondi, que les plus anciens iuges d'entre eulx n'entendoyent rien ou bien peu en ceste langue : dauantage qu'vn liure si sainct ne pouoit estre suspect d' hérésie : adioustant aussi qu'aucuns d'entre eulx m'auoyent estonne de me vouloir faire changer vng passage de la première aux Corint., chap. 15, v. 51, où il est escript ; « Vray est que nous ne dormirons point tous, mais nous serons tous transmuez. » De rechef il me tense de n'auoir point obtempère, disant qu'il y auoit diuerse lecture. le luy di que jamais on ne m'eust seu amener a ce poinct, de changer rien au texte, contre ce qui se trouuoit par tous les exemplaires, pour estre par ce moyen trouue faulsaire. Incontinent comme estant agite de ie ne scay quelle fureur, il baille en proye aux Théologiens celui qu'il auoit maintenu contre telles furies par vne instinction de Dieu plustot que d'affection pure et syncere. C'estoit en espérance de gaigner ung chappeau de Cardinal qu'il s'addonnoit ainsi seruilement a eulx et sans raison : car il les hayoit fort. Il manda a son Gallandius qu'il annonceast aux Théologiens , que iusques a présent il avoit este deceu par Robert Estienne, et qu'il ne le vouloit plus soustenir : partant qu'ils aduisassent ce qu'ils debuoyent faire sur ceste édition du Nouueau Testament grec. Gallandius qui ne m'estoit pas ennemi, m'aduertit de ce qui luy estoit enioinct, voire m'exhorte de me retirer par deuers les Théologiens, de paour qu'ils ne fussent par son ambassade plus enaigris que ne vouldroye, veu que desia estoyent assez irritez. l'essaye de faire ce qu'il m' auoit conseille, toutesfois ie ne pouoye parler a eulx pour les trouuer légitimement assemblez selon leur coustume, deuant vng mois. Finalement venant en leur présence en autant plus grand désir, qu'il me sembloit que ce seroit pour la dernière fois, ie leur présente en leur conclaue aux Mathurins le Nouveau Testament par moi imprime : et lors presidoyent de Gouea et Le Roux, qui me portoyent grande inimitié, gens fort
ROBERT ESTIENNE AUX LECTEURS, etc. 565
ignorans, sinon qu'ils sont assez cauteleux ouuriers de mettre embusches aux innocens, pourueu qu'ils soyent admis auec leurs qualifications. Ils voyent que c'est Grec, qui est imprime. Ils demandent qu'on leur apporte le vieil exemplaire. Pensez que c'estoit pour y lire? le respond qu'il ne se peut faire, pource qu'il n'y en auoit point vng tant seulement, mais quinze, qu'on auoit reportez en la librairie du Roy, lesquels i'auoye eu par grand prière : les ayant bien diligemment conférez, que i'auoye imprime cestuy ci selon le debuoir que i'auoye tant enuers le Prince que la Republique : que ce leur seroit grande fascherie s'il les falloit tous conférer, et que ie les auoye soulagez de ce labeur. On me faict retirer. On me rappelle. Quelles badineries vey ie la entre eulx! i'ai honte de les raconter, voire de m'en souuenir. Je me retire derechef, et derechef suis rappelé.
A la fin ils accordent que la charge de relire cest Œuure sera baillée a deux d'entre eulx qui estoyent scauans en Grec. La il fallut deuorer vne nouuelle fascherie. Car par l'espace d'vng mois entier ie sollicite ceulx ausquels ceste charge auoit este baillée, de faire leur rapport. Estans vaincus par importunite continuelle , le font en la Congrégation qui estoit assemblée en la chapelle du Collège de Sorbone. C'estoit certes chose bien nouuelle de veoir encores entre tels maistres Robert Estienne , de la vie duquel on desperoit , veu qu'il auoit este absent par si longtemps. On disoit qu'il falloit que ie fusse retourne en leur grâce , voir comme les brebis rentrent en grâce auec les loups. l'entre et les salue : ils me resaluent. Apres qu'ils sont entrez au conclaue , le Doyen de la Faculté nomme Le Clerc, fait vne longue harengue, par laquelle il réduit en mémoire les fascheries que Robert Estienne a données a toute la Compagnie : et pour ceste cause que la Faculté ne deuoit rien approuuer de ce qui estoit sorti de luy : que par telle approbation l'authorite de la Faculté seroit diminuée, et que celuy qu'ils auoyent condamne , seroit prisé et recommande par eulx : et que ce seroit comme vne recognoissance de leur faulte. Par ainsi que le Nouueau Testament qu'il auoit imprime sans leur congé, ne deuoit nullement estre approuue par eulx. Voila le sommaire de sa harengue. Guiancourt après luy, redict le semblable, faisant rage de gassouiller, comme il en est maistre. Mais
566 ROBERT ESTIENNE AUX LECTEURS, etc.
encore lors il iangloit plus que de coustume ; sescriant vaillament contre moy, pour se purger de la suspicion qui auoit este sur luy. Il n'estoit point la besoing qu'il se purgeast de ses paillardises : car la Sorbone piteuse mère, hume et aualle bien aiseement la puanteur de telles choses. Il ne se vouloit lauer que d'vng crime : c'est qu'il estoit bien esloigne de la secte des chrestiens , de laquelle il auoit faict autresfois quelque profession : et au nom de laquelle il auoit acquis quelque bruit d'estre scauant, et mésme estoit parvenu en ce hault estât. Tout le Collège se fascha de sa iaserie : on luy dict qu'il le feist court, et qu'il dist en brief ce qu'il pretendoit. Il s'en trouua bien peu qui défendissent l'innocent , et en crainte. Lesquels toutesfois après qu'on leur eust amené plusieurs raisons , furent contraincts de céder, autrement ils eussent ete iectez hors de la Synagogue. La poure brebis attend que ces loups sortent de la Chapelle. Ils me saluent comme si Judas bailloit vng baiser a Christ. Ne me disans rien de leur ordonnance, ie prie le Doyen, « Et bien, monsieur, que serace l quel rapport feray ie au Roy 1 » Il me repond doulcement « Messieurs ne sont pas d'aduis que ce Nouveau Testament se vende. » le luy demande la raison. « A cause, dict il, des annotations qui sont a la marge. - Ces hommes scauans en la langue grecque iugeoyent que les diverses lectures qui sont en marge , fussent quelques annotations adioustees hors du texte. le leur fay instance de me bailler par escript la sentence de la Faculté, pour la monstrer au Roy. Ils me la refusent tout plat. le leur declaire que ie feray mon rapport au Roy de ce qu'ils m'auoyent dict. Le lendemain ie m'en vay a la court. le présente au Roy suyuant la coustume, le Nouueau Testament, en la présence des Cardinaulx et des Princes. Lors Castellan ayant appaise la chaleur de son ire , fut addoulci , d'aultant qu'il luy estoit grief que ie fusse ainsi opprime par la venimeuse cruaulte de ces gens ci, et que ie pensoye d'abandonner le pais. Quand ie luy eu recite cinq articles, en la reprehension desquels ils setoyent monstrez plus que sots, il raconta au Roy ce que la sacrée Faculté auoit ordonne d'vng si sainct Œuure. On semist a rire d'vne façon estrange : et tous d'vne voix dirent. « Quelle impudence , quelle bestise, quelle témérité ! » brief que leurs inepties ne se pouoyent plus souffrir. Quand ils veirent qu'estant retourne de la
ROBERT ESTIENNE AUX LECTEURS, etc. 567
court, ie mi ce Nouueau Testament en vente , sans nulle crainte : ils s'esmerueillerent de l'audace d'vng homme priue et Imprimeur contre le décret des Théologiens. Et me voyant que i'estoye retire de leurs mains, a fin de ne les enaigrir par mespris, ie m'accorday de leur communiquer tout ce que i'imprimeroye ci après. Dont me tenant enfilé par ceste paction ou plus tost nécessite, ils commencèrent a n'avoir plus nulle crainte de moy. Et de moy ie n'estoye en rien plus asseure de eulx : car ie scauoye bien qu'ils estoyent enflammez contre moy d'vne haine irréconciliable, et qu'ils bayoyent de grand appétit après mon sang. Parquoy i'ay este contrainct de me retirer en lieu plus seur ; d'où ie peusse accomplir la promesse que i'avoye faicte. Car qui est celuy qui peut consister deuant ces cruelles bestes, s'il veult faire profession de chrestienté? Voila, lecteur chrestien, le dernier acte de ce ieu. D'vng nombre infini des tours qu'ils m'ont jouez , i'en ay touche bien peu. Car ce seroit chose par trop difficile de raconter comment le Seigneur m'a miraculeusement retire de leurs laqs. Et quand ie le pouroye raconter , ce seroit chose quasy incroyable. Parquoy afin que ie ne soye ingrat a Dieu , que me reste il sinon d'empoigner le hanap du salut, et d'inuoquer le nom du Seigneur l Vray est qu'il n'y auoit nulle cause de me desfier de la protection du Roy : maispource que i'auoye a combattre auec des bestes si venimeuses, i'ai estime qu'il n'y auoit rien meilleur que de céder a leur malice obstinée. Car ils pouoyent se jouer du Roy a leur appétit, et mespriser ses commandemens sans en estre punis, ils pouoyent abbreuuer les oreilles des princes des faulx rapports, ils pouoyent machiner tout ce qu'ils eussent voulu a tort ou a droict sans dangier, et iamais n'y eust eu fin. Car d'autant qu'ils sont plus abattus par raison, ils se rendent plus opiniastres et obstinez a mal faire : tellement que c'est comme le serpent appelé hydra, lequel reproduict sept testes pour vne qu'on lui aura coupée. Combien que m'a este force de quitter la place pour une autre raison. Car oultre la grande despense qu'il me falloit faire a suyure la court , et que i'estoye contrainct d'abandonner les lettres : toutesfois ie ne pouoye fuir que tout ce qu'imprimeroye ne fut soubiect a leur censure. Mais que m'eussent ils permis d'imprimer , sinon les Sommes de Mandreston, la Logique d'Enzinas, les Morales d'Angest, la Physique
568 ROBERT ESTIENNE AUX LECTEURS, etc.
de Maioris, leur Breuîaire et Messel. Par ce moyen il m'eust fallu perdre toute la peine que iusques a présent ie me suis efforce d'employer en la sainte Escripture et bonnes lettres, et qu'ay de ferme propos délibère y dédier iusques a la fin de ma vie . Quelcun pourroit obiecter qu'ils soustenoyent vne bonne cause , mais qu'ils ont seulement failli en la façon de procéder. La dessus ie ne veulx dire point vng mot pour moy : sinon qu'on iuge de la chose en soy . Car d'autant qu'ils ont fuy la lumière, de paour qu'on ne veist pourquoy ils auoyent faict condamner les Bibles par moy imprimées (ce que toutes fois auoyent promis tant au Roy François qu'a Henri) que maintenant soit mis en auant et publie ce qui ma este baille par les plus anciens de levr collège, comme chose précieuse et tirée du thresor de leurs Chartres : en quoy est contenu tout ce qu'ils ont censure comme hérétique, tant es Bibles, Indices , Psaultiers, qu'es Nouveaux Testamens et annotations : afin que tous ceulx qui sont conduits par l'Esprit de Dieu, voyentet iugent combien est meschante leur doctrine, combien elle est contraire a l'Euangile, et comment elle retire les cueurs de la foy qui doibt estre en Dieu seul , et en son fils Iesus Christ et au Sainct Esprit. le ne decouuriray point leurs villaines et meschantes meurs : car eulx mesme les descouurent assez. Seulement ie respondray briefuement et clairement a chascun article : pour declairer que ie me tien du coste de la vraye Eglise du Seigneur et Apostolique en laquelle règne le ministère de sa parolle, et le vray vsage des sacremens , laquelle confesse la foy qui nous a este baillée par les Pères, comme de main en main, comprinse en peu de parolles au Symbole qui est appelé des Apostres , et fondée en la pure parolle de Dieu , et non sur les songes des hommes. Maintenant, amis lecteurs, qui estes bien affectionnez a la vérité, ie vous prie de parcourir les choses suyuantes. Le Seigneur vous illumine par l'esprit d'équité , prudence et modération , pour droictement iuger.
