A SOX NE^TEU ANNE DE MONTMORENCY

»Mon nepveu, plusieurs foys vous a}^ escript du grand Turcq qui nous tenoit assiégez en personne dès le XXVP

368 L'OEDRE DE MALTE.

de juing dernier passé. Lequel voyant ne nous pouvoit prendre par bateries d'artillierie, mynes ne ausaulx, à la pariin, levé qu'il nous a eu les deffences d'ung grand Cartier de la ville, est venu picquer et abattre la murailhe en laquelle a faict une grande bresclie, par laquelle trente ou quarante hommes à cheval pouvoient entrer de front, et par icelle avec trenchées couvertes est entré plus de cent cinquante par dedans la ville, non obstant deux contremurailhes et repaires avons faict à l'encontre, où a demeuré main à main avecques nous l'espace de trente six jours ou environ. Et voyant consommer ses gens, desquelz desja avoit perdu plus de quatre vingtz mille, que tuez que mortz de malladie, craignant venir aux mains avecques nous, qui moyennant l'aide de Dieu en tous ces assaulx avons repoulsé, considérant les victoires consister en la volunté divine et non en la puyssance et multitude des hommes, nous a faict dire, si luy voulions rendre la ville, nous lairoit aller bagues sauves, et à ceux qui vouldroient demeurer, feroit bonne companie, francz de tous tributz l'espace de cinq ans, sans jamais prendre de leurs enfants pour faire génissaires, comme faict es autres parties de la Grèce à luy subjectes. Ce que plusieurs jours avons différé ; à la parfin voyons qu'il nous estoit impossible pouvoir plus résister, veu que n'avions plus de pouldres, munitions et gens de faict, desmiz d'espérance de secours, lequel tant de foys avons demandé, ayans compassion de tant de menu peuple estant en nostre jurisdicion que avoit de passer par l'espée ou regnier la foi par contrainte, avons accepté le dit party lequel est procédé de grâce divine, veu l'avantage que nostre ennemy avoit sur nous, et les dommages et despences avoit souffert au siège, durant lequel n'avons eu ayde ne secours d'autre que de Dieu seulement. »Mon nepveu, cejour de Nohel ledit grand Turcq entra dans la ville, et le premier jour de l'an avons faict voyle noz navires désarmez, et après avoir passé en mer plusieurs fortunes, sommes arrivez tous esparz en ceste isle de Candie. Miz qu'ayons en ordre noz navires, irons devers nostre sainct père et le roy pour accomplir ce qu'il leur plaira disposer de nostre religion pour service de la foy chrestienne. J'en escriptz au roy; je vous prie, mon nepveu, avoir tousjours nostre religion pour recommandée envers le dict seigneur, qui sera fin de la présente, après m'estre recommandé à vostre bonne grâce, priant le Créateur vous donner le comble de vos désirs.

»Escript à Castel de Candie, le VII de février, Vostre bon oncle et anw, le maistre de l'Ospital Sainct- Jehan de Hiernsalem.

P. DE VlLLIEES L'YlE-AdAM.«