LU
SÉiVÉCHAL DE SaI.MONGE AU RoY.
Saint- Jean-d'Angely, Ti avril 1559.
Prêches à Saiat-Jean-d'Angely. — Troubles. — Complicité de toutes les classes avec les novateurs.
Syre, vous avez peu entendre ce qui est advenu en ceste ville, par le pacquet que vous a despesché exprès Monseigneur le preinyer président de Bourdeaulx, estant ycy pour l'exécution de vos commandemens, et comme mardy dernier deux ministres de Genefve presclièrent publicquement plusieurs choses scandaleuzes, erronées et contrayres à la foy crestienne ; et qu'il ne luy fut possible ne à aultres voz officiers ampescher telle témérité et pernitieuze entreprise, pour le grand nombre d'hommes de toutes conditions qui assistèrent es dictes prédications. Je me suys tout incontinent mis à cheminer ycy, suyvant l'advertissement qu'il m'en a donné, pour son avis, Syre, et d'aultres vos bons et loyaulx subjectz et officiers, faire tout debvoyr de nostre charge et vous donner évident tesmoignage de combien nous est telle ofTance de Vostre Majesté en lieu si excellant, desplaisante. Ayant dès Theure mesme adverty vostre court de Parlement de Bourdeaulx et Monseigneur d'Estissac, vostre lieutenant en ce pays, de tout ce qui c'est passé en ceste part et supplyer le dit seigneur d'Estissac y venir, affin de ne obmectre rien de vostre service ; attendant, Syre, ce qu'il vous plaira ordonner sur ce où nous voyons vostre main estre requise et nécessaire, pour l'infirmité des erreurs et hommes jà vouhés à telz scandalles, plustost à cédition que relligion. Je m'amploye cependant à recongnoistre les aultheurs et aultres qui favorissent ceste criminelle chose, Syre, assez malaysée, pour le nombre effréné de toutes conditions d'hommes qui les favorisent et portent en telz actes, où il est besoing de punition exemplaire. Attendent, Syre, ce que nous commandrés, je priray Dieu pour votre très sacrée Majesté.
De Sainct-Jchan, ce xxvii'^ jour d'avril ^559.
ET JEANNE d'aLBRET. 429
Vostre plus que très humble, plus que très affectionné, plus que très obéissant subject.
Le sénéchal de Saintonge.
(Orig.; f. fr., vol. 15872, f. 81.)
