MARET. J, CHEVRIER

1562 (n. st.), 13 mars, Saint-Lyé.

Procuration délivrée par Antonio Caracciolo, évêque de Troyes, à Me Jacques Docey, notaire tabellion de la curie épiscopale, lui donnant pouvoir de s'opposer à la déclaration de vacance du siège par le chapitre, et de faire valoir ses droits sur les revenus de l’évêché.

ARCH: AUBE, G. 2553. — Copie du 14 mars 1562, inéd.

Nous, Antoine de Melphée, evesque de Troyes, par ces presentes dcunons pouvoir à Maistre Jacques Docey de remonstrer a messieurs les doyen et chanoynes de l'eglise de Troyes qu’encores qu’il ayt passé procuration pour ceder son evesché, si est ce qu’il n’est a presumer et aussi qu’il n’appert que la cession soit mise en court de Rome et qu'ung aultre en soit pourveu et revestu, attendu que (sic) le peu de temps qu’il y a qu’il a passé ladicte procuration pour faire ladicte cession, au moyen de quoy ne peult et ne doibt estre empesché a la perception des fruictz et appartenances des fruictz dudict evesché. Ce neantmoins a esté adverti que lesdits doyen, chanoynes et chappistre se veullent saisir du revenu total dudict evesché soubz voulloir qu’ils pretendent le siege vacquant, ce que ne peult estre jusques a ce que ladicte cession soit admise, laquelle revocquant, comme il luy est loysible, demeureroit en son entier comme il estoit auparavant ; les pryant de ne nous troubler en la joyssance et perception des fruictz dudict evesché et nonobstant lesdictes remonstrances ou vouldroient passer oultre, de les empescher par aultres voyes deues et raisonnables, et proteste à l’encontre d’eulx, tant en general que en particulier, de tous despens, dommaiges et interestz. Faict à Saint-Lyé, le treizeiesme jour de mars mil VeLXI. Ainsi signé Anthoyne de Melphe evesque de Troyes.

Collation de ceste coppie a esté faicte a l’original.… par nous Claude Maret et Jehan Chevrier notaires du Roy a Troyes soubzsignez, le XIIIe jour de mars mil V° soixante ung.