CONFEDEREZ DONNEZ A LA REGENTE

Noi s Louis Conte De Nassau, Eustace de Ficnncs Seigneur d'Esquerdes, Charles de Revel Seigneur d'Audrignyes, Bernard de Merode Seigneur de Rumen, Charles de vander Noot Seigneur de Risoire, George de Monlegny Seigneur de Noyelles, Martin de Serclas Seigneur deTilly, Philippe vander Meeren Seigneur de Slerbeke, Philippe de Marhais Seigneur de Louverval,Iehan de Montegny Seigneur de Viiers, Charles de Lievin Seigneur de Famars, François de lïaeften, Jehan le Sauvaige Seigneur d'Escaubecquc, Tant en nostrc nom privé, que comme députez et commis par tous les autres Seigneurs et Gentilshommes confederez, et ayans présenté la Requeste à sa Majesté, au mois d'Avril dernier, sur le Fait de l'Inquisition, et Placcarts au fait de Hérésie : Comme ce jourdhuy nous ayons receu de treshaute et tresexcellente Princesse Madame la Ducesse de Parme et de Plaisance, Régente et gouvernante ipour le Roy, en ces Pays de pardeca,

certaines lettres patentes de son Alteze, surce auctorisee du Roy nostre souverain Seigneur et Prince naturel, en la forme et manière que s'ensuyt :

MARGUERITE par la grâce de Dieu,Ducesse de Parme et de Plaisance, Régente, etc. comme es Lettres d'asseurance cydessus. SAVOIR FAISONS, Que en ensuyvant lesdictes lettres d'asseurance. Nous avons promis et promettons, par nostre Foy solennelle, et en parolle de Gentilshommes, de vrays et loyaux Vassaux et subjectx de sa Majesté. Que nous entretiendrons, observerons et accomplirons, tous et quelzconcques les poinctz et articles dessusdicts, tant pour nous, que pour et au nom de tous les autres, desquelz sommes députez, et avons pouvoir, commission, auctorité et mandement, pour lesquelz nous nous faisons forts, et les ferons observer, entretenir et accomplir par iceux nos Confederez. Et à cest effect, tenons nostredict compromis nul, cassé et aboly, tant et si longuement que ladicte Seureté promise par son Alteze, au nom de sa Majesté, tiendra. En tesmoing de ce, nous avons signé ces présentes de noz noms. Faict audict Bruxelles ledict. xxv"". jour d'Aoust audict an 1566. Ainsi soubzsigné Louis de Nassau, Eustace de Fiennes, Bernard de Merode, Charles de vander Noot, Charles de Revel, George deMontegny, Philippe vander Meeren, Philippe de Marbais seigneur de Loverval, Ichan de Montegny seigneur deVilers, Charles de Lievin seigneur de Famars , Jehan le Sauvaige, Martin de Tserclas, et François de Ilaeften. Et sur le doz estoit escript, Aujourdhuy xxv™^ d'Aoust 1566. Les députez et commis des Seigneurs et Gentilshommes confederez, dénommez au blancq de cestes , Saulf le S"", de Tilly et François de Haeften absens, Ont fait le Serment solempnel et pertinent, tant pour eulx, que pour et au nom de tous les autres

leurs confcdercz, d'entretenir, observer et accomplir tous et quelzconques les poinclz et articles contenu z audicl blancq de cestes, Et ce es mains de Messeigneurs les Princes d'Orengts et de Gavre, Conte de Ilornes, Seigneur de Hachicourt et conseillier dAssonleville à ce commis par son Alteze. Ainsi soubzscript. Moy présent. Et signé D'Overloepe. Embas estoit encoires escript, Le xxvii™^ jour dudict mois d'Aoust audict an 1566. lesdiclz Seigneur de Tilly et François de Haeften, Apres que la lecture du contenu dudict blancq, leur a esté faicte, y ont aussi mis leurs noms et signatures, et fait le serment que dessus, es mains de Messeigneurs les Prince de Gavre, Contes do Mansfelt, et de Homes, S^ de Hacbicourl, et conseillier d'Assonleville , à ce commis par son Alteze, comme dit est cy dessus. Soubz escript. moy aussi présent. Et signé, d'Overloepc.