COPIE DES LETTRES CLOSES PAR LA REGENTE
sur ce envoyez aux Consaulx, et villes des Pays bas.
MARGVERITE par la grâce de Dieu
Ducesse de Parme ,
de Plaisance^ etc. Régente et Gouvernante, etc.
Trescihers et bien aimez, Nous ne voulons laisser vous advertir, comme le Roy Monseigneur, par ses lettres du tresiesme du mois passé, nous advertitdesa resolution, sur ce que l'avions consulté et requis, des le mois de May dernier. Surquoy sadicte Majesté n'auroit peu plustost donner Responce, attendant la venue des Marquis de Berghes, et Baron de Montigny, par nous députez vers icelle , à la relation desquels, tout le principal affaire se remeltoit. Et de faict touchant l'Inquisition, sadicte Majesté, prenant regard à ce que luy en avons remonstré par advis des Chevalliers de l'Ordre, et de ceux des Consaulx d'Estat et Privé, estans
Içz nous, est contente, qu'elle cesse : comme aussi touchant les Placcars sur le faict des Hérésies, est contente, que s'en facent nouveaulx, ayant regard que la saincle Foy Catholicque, et l'auctorité de sa Majesté, soyent gardées. Ne s'estant encoires résolue, si ce sera par la voye des Estatz gencraulx, ou par autre. Surquoy luy avons derechief escript bien instamment, et attendons brièvement la bonne intention et volunté de sadicte Majesté.
Et au surplus, Comme nous avons remonstre à sadicte Majesté, la double que ce nombre des Gentilshommes (nous ayans présenté la Requeste au mois d'Avril dernier aulx fins que dessus) avoit que sadicte Majesté ne print de mauvaise part ladicte Requeste, et le compromis qu'ils aviont faict par ensemble sur ce poinct. Laquelle doubte pourroit causer diffîdence, et consequemment troubles et altération au Pays, Sadicte Majesté , veullant user selon son accouslumee clémence, et ne abhorrissant riens plus que aigreur, a esté contente, que en cas que nous veissions que cela puisl faire cesser les difficultez (comme nous en a esté donné la promesse) que leur feissions l'Asseurance pertinente, en la forme et manière que verrions convenir. Ce que a esté faict, que riens ne leur seroit imputé par sa Majesté, ny nous, pour raison des choses passées, Moyennant qu'ilz se conduysent d'oresenavant comme bons et loyaulx Subjectz et vassaulx de sa Majesté. Et si doibvent tous compromis, eslre nulz, cassez et aboliz, si longuement, que ce, que par nous a esté promis au nom de sa Majesté, tiendra, comme vous verrez par les Actes sur ce expédiez.
Advertissant en outre, que sa Majesté veult et entend maintenir la vroye ancienne Religion Catholicque,et que les Gouverneurs, Consaux, Officiers et Magistraux, facent en-
tierement leur debvoir , affin que pendant que sa Majesté viendra par deçà, pour donner ordre, ne puissent advenir nulz inconvenienSjCe qu'elle promet de faire de briof, et au plustost que par tous moyens luy sera possible.
De toutes lesquelles choses , comme servantes à la pacification et tranquillité de ces presens troubles, tant en la Religion, que estât publicq, Nous vous avons voulu advertir, affin que ayez à vous évertuer tant plus, à faire vos debvoirs, comme vrays et fidelz subjectz de sa Majesté, aussi d'ensuyvir la saincte et bonne volunté d'icelle, et résister aux pervers séditieux et perturbateurs de la Republicque pour la conservation de la Foy Catholicque, service de sa Majesté, repos et tranquillité de la Patrie, et de vous mesmes en particulier, A tant Treschiers et bien aimez, nostre Seigneur vous ait en sa saincte garde. De Bruxelles ce xxv°»^ jour d'Aoust. 1566.
