A LA GOUVERNANTE

Madame, ENCOiRES que je vous aye escript,bien amplement, depuis quinze jours, et mesmes par le Courrier, venant d'Espaigne, qui passa par icy, le xxvi. du passé. Si eslce, qu'ayant hier receu une depesche d'Espaigne, Je n'ay voulu faillir d'en tenir incontinent vostre Alteze advertie, et luy envoyer la copie de deux lettres, que l'on m'escript, par lesquelles elle pourra veoir plusieurs particularitez, d'ont je m'asseure, elle aura contentement, et mesmes d'entendre le bon ordre que sa Majesté donne, et les grands préparatifs, qu elle faict de jour à autre, tant pour faire teste à l'armée Turcquesque, si elle venoit à surgir es costes de delà, et y faire entreprinse, que pour rcduyre tous ses subjects à l'obeissance de Dieu, et sienne. Vostre Altesse cognoistra aussi, combien l'on est sotisfaict, de la façon, dont elle s'est déportée depuis le remuement sus venu aux Pays, où elle est.

Et que sur tout, l'on a trouve bon, et à propos, le dernier poinct des intelligences et places fortes : Tellement que par la, sa Majesté faict maintenant estât, de parvenir au but de son desseing, avecq peu de peine, et resislence, contre le doubte, qu'elle en a eu au eommencement, Pourveu mesmement que les estrangiers ne s'entremeslent point trop avant, et aussi par le. moyen delà continuation de la prudence, et dextérité, dont vostre Altesse a commencé à conduire tout ce faict. A laquelle, je vous puis bien asseurer, Madame, que sa Majesté attribue la conservation de ses pays bas, après Dieu. Lequel fera, par sa grâce, que de ce mal, qui y est advenu, sa Majesté tirera ung si grand bien, et commodité, que de les veoir reduictz à son entière obéissance, et à Testât, gouvernement, et règlement, auquel ses prédécesseurs, n'ont jamais peu parvenir, et que de si long temps elle désire et desseigne, ensemble avecq ceste occasion, laquelle aucun bon serviteur de sa Majesté, ne luy conseillera de laisser perdre, d'avoir moyen de dompter les ungs, et se desfaire des aultres, de ceulx que bon luy semblera,et qu'elle cognoistra, estre, pour pouvoir cy apre^ , s'opposer, au bien de ses affaires, audict pays. Et d'aultant, Ma-dame, que le poinct, qui me semble aujourdhuy plus important, et de plus grande conséquence, en ce faict, est d'asseurer, de plus en plus, les serviteurs masquez, que vous sçavez : vostre Altesse ne trouvera (s'il luy plaist) mauvais, si je l'ay souvent advertie,et si derechief je luy ramentoy, par la présente, de temporiser avecq eulx, et de se contraindre, jusques là, que de leur tenir assez souvent propos, ou faire tenir par personnes interposées, de la grande opinion et satisfaction, que sa Majesté a de leurs actions, et de la bonne volunté qu'elle leur pOrte, voire jusques à leur affermer, qu'elle croit, et dict,

tr

qu'ils luy ontfaict ungsi notable service, qu'elle se sent tenue àeulx,Dc ce que ses pays bas sont encoircs en son obéissance, et que sans leur présence et prudence, ilz eussent esté , ou en proye des estrangiers, ou baignez du sang de ses propres subjectz. Car encoires, Madame, qu'ils fussent aussi simulez et accortz , comme on les faict. Si est ce, que le temps et l'occasion requièrent, que pour le service de sa Majesté, l'on use de tels langages artificieulx : et croy,que vostre Altesse verra, par expérience, qu'ils serviront de quelque chose, à les entretenir, ou pour le moins à les contenir, comme desia nous en sommes apperçeuz, non seullement en leur endroict, mais aussi des deux, qui sont allez vers sa Majesté, avec lesquelz on n'a failly, de se gouverner dextrement , et industrieusement, leur usant de si bon traictement, qu'ils ne jurent, que par la foy qu'ils doibvent à leur Maistre. Et d'aultre part, on a donné si bon ordre, et faict telles practicques en leurs familles, que suyvant les moyens, dont vostre Altesse donna advis, ils ne sçauroient faire, ne dire chose, dont l'on ne soit bien adverty. Ce pendant on a bien délibéré, de leur faire tenir bonne résidence auprès de sa Majesté et de ne les en laisser partir, non plus que le Seigneur d'Ibermont, qui s'en pensoit incontinent retourner. Mais il fault que je vous die, Madame, que le plus grand mal, que je cognoy pour le présent, en cest affaire, est, que ceulx qui ont plus de puissance et crédit auprès de sa Majesté, et mesmes le Duc et le Prince (1), s'accordent bien, pour le chastiement, mais n'ont point le moyen. Car l'ung presse, le plus qu'il peult,lepassaige de saMajeslé, et l'autre l'empesche au contraire, et le retarde, et mect en avant nou-

(1) Ce Ducq est le Ducq d'Alba; et ce Prince le Prince Deboly Ruygomei.

veaulx moyens. De ma part, j'ay tousjours pensé, qu'en telles choses, la présence de Maistre serviroit, et que sur tout, la diligence et cderité y estoit nécessaire, et eniportoit gaing de cause, et qu'aux inopinées maladies, il est besoing d'applicquer remèdes promptes, voire violents, qui est lopinion, en quoy l'on me mande (par une petite ame seullement) sa Majesté estre maintenant ferme et arrestee, et que le jour qu'elle arriva à Madrid dernièrement, après sa maladie, elle jura, en présence des Seigneurs dcssusdicts, qu'elle sçavoit bien, que en ce qu'avoit esté faict en ses pays bas, il alloitde sa repuUtion non seullement, mais aussi du service de Dieu : Et qu'elle s'en resentoil tant, que plustost elle hazarderoit tout le reste de ses Estais, que de faillir à faire ung cbastiement exemplaire, et en veùe de toute la Chrestienté, dune telle rébellion. Et pour cest effect, lors au Heu mesmes, sadicte Majesté résolut de partir d'Espaigne, le plustost qu'il, luysera possible, et mener avecq soy le Prince son fils, et la Royne, laquelle on prnse toutesfois, pouvoir faire passer par France, laissant sa seur gouvernante aux Pays, et ses nepveux, les deux enfans de l'Empereur, avecq elle,encoires que ledict Seigneur Empereur soit après, pour en retirer l'aisné. Que quelques jours auparavant , le Ducq passera, pour refreschir les garnisons d'Italie, et en tirer les meilleurs et plus vieulx souldats et Capitaines, pour mettre en leur place ceulx qui passeront d'Espaigne avecq luy. Quebien tost après, sa Majesté arrivant en Italie, parlvTa à quelques Princes et Potentats, et s'abouchera avecq le Pape, et par après avecq l'Empereur (s'il est possible) pour confermer ensemble j'onseils et forces, auquel a desia demandé deux de ses Regimentz, que l'on ne doubte point, qu'elle n'obtienne, combien que pour la guerre, qu'il a avecq le Turcq, il n'en ait

peu rendre encoircs response asseuroe. Cela fa ict, l'ordre qui est requis pour son desseing, estant donné, sadicte Majesté faict son compte, de s'arrcstcr en la France Conté, pour après descendre au pays bas, avccq telle force, que bosoing sera, selon le deportement de ses subjects, et la contenance qu'ils tiendront de se humilier, ou de faire resistence, à lin de s'y faire obeyr , et Dieu premièrement. Au reste, Ma-dame, il me semble, ne debvoir obmectre à vous dire, Que le Conte Palatin, et Lantgrave de liesse, et autres Princes Luthériens, ont envoyé deux Ambassadeurs par deçà, qu'on dict estre Docteurs, l'ung nommé Junius, et l'autre David, lesquels y sont arrivez, depuis ung mois, ou cinq Sepmaines, soubs couleur de demander quelques deniers, que lesdicts Princes presterent, durant les troubles, de ce Royaulme, aux Chiefs Huguenots, ensemble pour recommander au Roy de France, ceulx qui tiennent leur belle Religion, mais à la vérité, c'est (à ce que j'ay peu d'escouvrir) pour faire practicques avec lesdicts Huguenots, et donner nouveaulx moyens d'entreprinse, contre l'Estat et pays de sa Majesté Catholicque. Et parce que j'ay seeude bon lieu, et au vray, que aucuns du Conseil desdict Roy et Royne, et mesmes des plus grands et plus vieulx (quelques Catholicques qu'ils disent estre) estoyent d'advis, de se servir de l'occasion de ceste légation, pour trainer quelque liguis avec lesdicts Princes, et se fortifier de leur confédération et amitié, j'ay esté quelques jours en peine de trouver moyen de rompre ce coup : Mais estant le Cardinal venu en ceste ville, bien à propos, lequel à la vérité, faict icy ung monde de bons offices, et en feroit d'avantage, s'il avoit le moyen, Je l'ay veu, et ay longuement discouru avecq luy,de l'importance de cefaict,etla conséquence qu'il tire. pour la ruyne Catholicque, de ce Royaulme, et luy

ay faict tellement peser, qu'il ny alloit pas seullement de Tinterest du Roy, mon Maistre, mais du sien propre : luy baillant, par mesmcs moyen, couleur de s'attacher audit Junius, pour estre subject et natif des Pays bas, que des le lendemain il partit d'icy, pour aller en une maison de la-dicte Royne, nommée Monceaulx, où estoit la Court. Et a si bien faict, estant là, qu'incontinent lesdict Roy et Royne depescherent une lettre au Prévost de leur hostel, pour mettre prisonniers lesdicts Ambassadeurs Luthériens, estans enceste ville, et se saisir de leurs lettres, mémoires, papiers, et Instructions. Ce qui eust esté exécuté, sans ce, que durant la contestation, qui survint lors, que ledit Prévost les vouloit mener en prison : quelqu'un dudict Conseil, estant en ces te ville, fust d'advis, qu'on surceyt l'exécution , jusques à ce, qu'il y eust nouveau commandement. Si est ce, que je sçay, que encoires que depuis on ait essayé de r'accoustrer ceste faulte, lesdicts Ambassadeurs sentent avoir receu une telle escorne, et leurs maistres une telle injure, que je voy par la, ceste practicque, qui se brassoit, rompue, sans pouvoir estre renoudé. Attendu nu*smcmenl, que de nouveau ilz se sentent offensez, de ce, qu'au lieu de reparer ladicte injure, ilz ont esté assez mal receuz en ceste court, en l'audience qu'ils ont eue, et pensent avoir esté peu agréables ausdicts Roy et Royue, et à ceulx de leur Conseil, et qu'après leurdictc audience, on s'est mocqué d'eulx : chose qui ne peult sinon tourner au grand bien des affaires de sa Majesté, et par mesme moyen destituer de plus en plus, d'amys et aliances. La Dame (vous scavez laquelle) je pense estre une des plus simulées du monde, et plus je negotie par deçà, plus je demeure ferme en l'opinion, que j'ay faict souvent entendre à vostre Alteze, qu'il ny a en elle liance, asseurance, amitié.

ne resolution, je luy ay parlé par plusieurs fois, de l'affaire quesçavez, qui importe à sa Majesté, et luy assez vifvement remonstré, l'obligation qu'elle y a : le secours, qu'elle en a receu, à son grand besoing, et encoires tous les jours j'use de tous les moyens, dont je me puis adviser, pour faire réussir les choses, selon l'intention de sadicte 31ajesté, et de vostre Alteze. Mais je n'en rapporte que parolles, et suis aussi peu asseuré que le premier jour. Si est ce que j'ay bien .délibéré de la presser tellement, à la première audience, que j'auray, qu'il fauldra qu'elle parle ouvertement, Elle envoyé souvent versmoy, lepetit homme noir, d#nt j'ay quelque fois escript à vostre Alteze, Lequel a esté souvent en Espaigne, lors que le Seigneur de sainct Suplice y estoit Ambassadeur. Et bon qu'il semble à ladicte Dame, que par luy, elle me faict croire tout ce, qu'elle veult, et qu'il tire de moy beaucoup de secretz. Je ne luy veulx faire cognoistre, que je l'entende, ne les tirer de ceste opinion, au contraire, je demonstre de parler à luy librement. Et de ceste façon, je me suis apperceu, que je leur en baille quelques fois de bonnes, et bien à propos, et que je tire plus d'eulx, qu'ilz ne font de moy, pour le moins donneray-jc bon ordre désormais, avec l'ayde de Dieu, qu'ilz ne se vanteront point d'avoir trompé ung Espaignol, j'ay receu ceste d'^pesche par ung courrier,qui partit de Madnd,avecqledict Seigneur de sainct Suplice, Lequel ladicte Dame avoit n'agueres envoyé vers sa Majesté, et l'a laissé, le premier de ce mois, à Bayonne, pour s'en retourner en France, l'on me mande qu'on luy a tenu le langaige qu'il falloit, et dont j'avois donné adviz, lequel, je m'asseure,prouffitera. Et si n'a point tant à pris de Nouvelles, qu'il pensoit, etcomme l'intention estoit de ceulx, qui l'avoyent envoyé. Le Ducq avoit dict quelques jours

auparavant, qu'il vouloit m'escrire. Mais par ce que ledict courrier le veit, lors de son parlement, merveilleusement triste, à cause du mariage de son filz : Il ne luy en osoit parler. On ne scavoit point encoires la mort du Sultan Solymaii, en Espaigne: Laquelle aussi lost qu on aura entendue, je m'asseure d'avoir une depesche, par laquelle je pourray scavoir, si sur ceste nouvelle, il y aura eu quelque changement d'advis, aux particularitez dessusdicts, dequoy je ne fauldray, de tenir incontinent vostre Alteze advertie, laquelle, etc.