COPIE D'UNE AVTRE LETTRE

Escripte par ledict Francisco d'Alava, Ambassadeur pour le Roy d'Espaigne, en France, à la Duchesse de Parma, etc. Gouvernante : oultre celle qui est insérée dessus, au feuillet 241. N° 6.

Madame, l'advertissemekt que vostre Altesse m'a donné, des affaires de pardelà, m'a confermé l'opinion que j'avois tousjours eu, que ce remuement ne se faisoit point, sans intelligence , et sans le support, des plus grands : et mesmes des Trois (1), qui font si bonne mine. Car comme vostre Altesse l'a soigneusement, et avec grande discrétion, considéré, aussi doibtelle croire, que de ces Trois vient toutle mal. Je n'ay faîllyd'advertir sa Majesté de toutes choses, et mesmes de ce faict. Et m'asseure, comme vostre Altesse l'a recommandé à sa-dicte Majesté, ne les fauldra traicter, comme il fault, et suyvant vostre recommandation, et se peuvent bien

(1) n désigne le Prince d'Oranges, le Conte d'Egmont, et le Conte de Hornes.

asseurer, qu'ils seront les premiers,ausqucls sa Majesté s'en attachera, non pour user de grâce, en leur endroict, car ilz ne le méritent pas : mais pour les faire punir et chastier, comme leur rébellion en est digne. Il ne fault point pourtant, que vostre Altesse leur face mauvaise chore, ny aucune démonstration de mescontentement, de peur d'empirer les affaires. Mais les tenir tousjours en espérance, d'estre reconnus par sa Majesté, pour ses fidelles serviteurs, et cela servira beaucoup. Car se laisser ainsi persuader, on en jouyra plus aisément, Mais quant le temps sera venu, l'on leur parlera bien ungaultre langaige. Etdoibt vostre Altesse s'asseurer, que, si elle a bonne volunté de leur faire reccpvoir le payement qu'ils ont mérité, sa Majesté n'aura point moins d'affection, de faire encest endroict, ce que sera nécessaire. Aussi, Madame, suyvant ce que vostre Altesse m'a faict entindre, de vous tenir advertie, en quelle asseurance nous sommes du secours de France : Je suis constrainct le dire à vostre Altesse, que Ton nous faict assez de promesses, mais je crains, que cela ne nous servira de beaucoup, et que à la fin, le tout ira en parolles, n'estant leur volonté, et n'ayant le moyen,de nous secourir, comme ils promectent : oultre, que les Huguenotz de pardcça, sont forts, et lèvent la teste. Je ne laisseray de faire ce, que sera possible : Dont j'advertiray à vostre Altesse à toutes occasions, mais sur tout, je la supplie, de se gouverner avec une grande dextérité, alendroict de ces Trois, que je vous ay nommé, A tant etc. De Paris, le 29. d'Aougst i 566.

RESPONSIVE