PRINCE A LA CITATION DV FISCAL

Monsieur le Procureur J'ay roceu copie de l'ad-

joiirnement, que, par cry et edict publicq, avez faict exécuter, et publier à ma charge. Et me ressentant des accuses, y contenues, comme Seigneur de ma qualité doibt faire : Ne désire rien tant (comme aussi de faict j'espère de faire apparoir) que de deûement, et comme il appartient, y povoir contester et respondre. N'estant aucunement d'intention, laisser au cœur des ignorans, impression, que n'auroys satisfaict à mon honneur, et obligation que doibz au Roy, et que me seroys mal et indeiiement acquicté des charges, Estatz, et offices dont à sa Majesté a pieu parcydevant me pourveoir, ou autrement. Espérant par discours, et collation de mes deffenses, monstrer, que les bons,longtains,et loyaulx services, despens, et dommaiges, esquelz,à caused'iceulx,suis cncourru, surpasseront de beaucoup mes obligations et mercedes.

Ayant à tant cause et raison , de n'avoir moindre désir, que l'on entre en ceste calculation, que celuy,qui, par clôture et afïinement des comptes, espère, et attend, le redressement de ses affaires. Mais ( omnie ce que le plus desirons, et avons en intention, est souvent le dernier, qui se peult (procédant deiiement et par ordre, comme il appartient) mettre en exécution. Et que par là, le Médecin ou Chirurgien ne cerche de guarir, et consolider la playe, qnoy qu'elle soit griefve, ou dangereuse, s'yl n'a preallablement à ce dispose le fond et humeurs d'icelle : Ne aussi l'architecte baslir l'édifice, si auparavant il ne l'a bien fondé : Suis, par la qualité de vostredictadjournement, forcé et constrainct, différer l'allégation, et explication de mesdicts deffenses, jusquesà ce que vosdicts accuses seront faicles en jugement compétent, idoine, et non suspect, et auquel l'on puisse espérer, que à ce que sera proposé, l'on prendra le regard qu'il appartient, et l'on procédera à l'absolution , ou condempnation , selon l'exigence et mérites de la cause. Et ce pendant, me fauldra consoler des exemples, dont les hysloires sont plaines, de ceulx qui, par avoir au danger de leur vie, et despens de leurs biens, conservé et amplié les Estats, Pays, et dommaines de leurs Princes, Roys, et Seigneurs, ont esté, non seullement infamement adjournez et décriez, mais reportans au lieu de mercede, punition corporelle et exemplaire, ont esté tuez, exécutez, banniz, et dechassez : Voyans les loyers et recompenses de leurs services, attribuez, A ceux qui moins les meritoyent. Ce que treuve moins estrange, en nostre temps, veu que l'on y peut rendre le phis innocent qui soit, non seullenïcnt suspect, mais odieux et abominable : le faisant seullement,par (pielques ajwstez, tenir etreputer pourhereticque. Car estant ce poinct gaigné,non seullement se trouvera frustré

de tous ses biensfaietz, services, et mérites : Mais estant privé et despouillé de toutes bonnes presumptions, demeurera suspect, et accusablede rébellion, commotion, et sédition, et en gênerai, de toutes espèces de crimes,etdelictz,comprenables, soubs tiltre de lèse Majesté. Voire estant l'accusation de prétendue hérésie, pour le temps qui court, odieuse, est quasi nécessaire, pour la punir, sans incourrir l'indignation, et diversion des cœurs, que l'on veult retenir en service, la couvrir du manteau desdicts delictz,et crimes de lèse Majesté, desquels à tant l'accuse, en vain se prétend purger et descharger, devant celuy, auquel il se sent suspect de ladicle hérésie. Car n'estant iceux la cause finale, pour laquelle il est poursuivy, prins, arresté, et accusé, ne peut, oires qu'il face deuement apparoir de son innocence, espérer absolution, ou délivrance, ains fault, que soubz tiltre et pretext desdicts delictz, soit condamné, ou, que, estant son innocence, par trop notoire , par prolongation de procédures, il attende une perpétuelle et misérable détention : ce que pourroyt soulïir, pour excuser ma non comparition, par devant le Ducq d'Alve, Gouverneur et Capitaine gênerai de Pays bas. Ne fust aussi, que, par plusieurs raisons, vostre impetation se treuve de droict Nulle, et telle , que ne suis tenu d'y obéir. Car oultre que l'huyssier n'a faict aucune signification, sommation, ou insinuation de son exploict, à moy, qui après advertissement faict à Madame de Parma, lors Régente, à cause d'aucuns mes urgens affaires, me suis retiré en ceste ma Conté de Nassau , comme aussi à sa Majesté, passé long temps, avois déclaré estre d'intention de faire, et non pour fugir ou latiter, comme vostre mandement contient, sont les termes, dilays, et intervalz si briefz, qu'il est impossible, endedens iceulx, estre adverty de la publication.

faicte à Bruxelles, et se trouver en ladicte ville, et beaucoup moins es aultres plus loinglains, esquelles le Duc d'Alve se pourroyl, ce pendant, transporter. Car ayant cliascun terme et delay son effect, est notoir , que regard doibt estre prins à chacun d'icelluy, et non aux trois d'iceulx delays conjoinctz et accumulez par ensemble. Et que à tant profiger termes de quinzaines, en distance telle, qu'est d'icy à Bruxelles, n'est aultre chose, que proposer edictz, adjournemens, et Citations ausquelles est impossible que l'on obeyssc Et accumulant lesdicts delays, et prenant les trois pour, ung, se treuvc, que en causes de si grande importance, et contre personnes de la qualité, que je suis, l'on prétend procéder, par une Citation seuUe, contre tout ordre de justice : Veu que en cas semblables, selon droict, l'on procède a«sez sommierement, en gardant seullement Tordre accoustumé,qui est,queapres trois distinctes Citations, impetrees, du moins après l'interval de dix jours à chacune, l'on parvienne au pcremptoir. Et que le juge s'estant deiicment informédes lieux et places, où les absens, que l'on veult adjourner,sc treuvent,ordonne les delays à l'advenant'de la distance d'iceulx. Ce que n'estant faict par vostre adjournement, s'ensuyt nécessairement, qu'il est Nul, et de nulle valeur. Laquelle nullité se comprend en toutes actes Judiciaires, indeûement et incompo temment faictes, de tant plus que. vostre prétendue citation et adjournement, ne peult avoir lieu ou e(Tect,comme faict à celluy, qui se tient hors le terroir efjurisdiction du Roy, es limites de l'Empire, et est membre et Estât dudict Empire. Auquel, conformément au droict, l'on doibt requérir renvoy, de ceux, qui s'y sont retirez, sans qu'il soit permis les evocquer, par Citation faicte, hors dudict Empire, par prétendue publication et edict. Ce que a esté parcydevant tellement es-

timé, que par ceste raison principalement, la sentence rendue par l'Empereur Henry, contre Robert, Roy de Secille, a este déclarée nulle, et de nulle valeur, y joinct que ledict Empereur estoit accompaigné d'une armée puissante, suspecte audict Roy Robert, comme à présent ledict Duc d'Alve est d'une armée des Espaignolz, nous portans l'affection, à chacun notoire : Ce que se doibt à tant suffir, pour descouvrir la nullité de vostredicte Citation et adjournement : veu mesmes, que ledict Ducq est, en mon regard, notoirement Juge plus incompétent, que ledict Empereur estoit, au regard dudict Roy de Secille. Attendu que les Chevaliers de l'ordre, suyvant les loix, contractz, et constitutions d'icelluy ordre, ne peuvent estre adjournez, que devant les Chiefz, et leurs confrères, à cause des mauvais, énormes, et reprochables cas, qu'ilz pourroyent commettre. Mesmes ne peult-on procéder à l'appréhension, saisissement et détention desdicts Chevaliers, sans que icelle soit décrétée, du moins, par l'advis, de six de leurs confrères, et doibvant en ce cas estre mis promptement à la garde du collège , et amiable compaignie dudict ordre , et non traictez à la rigeur, dont on use vers noz cousins et confrères desja appréhendez, qui conferme aussi ladicte nullité de vostre impetration, et mesmes de la clause rigoureuse d'appréhension corporelle, y insérée : Car estant l'homme naturellement incité à conserver soy mesme, n'a aucune apparence, que l'on nous vuelle faire comparoir, entre gens, et devant juges suspectz, et mesmes en prisons plus estroictes et rigoureuses, que ne sommes tenuz et obligez, et que de droict n'appartient. Par lequel la prison sert seullement pour s'asscurer du prisonnier, et non pour le forclore de toutes conversations , communications, Conseil, et advis, sans lesquelles est impossible, qu'une

— 2oG —

cause d'importance soit bien et deuement démenée et deffendue.Donttoutesfois entendons que de faict Ton a usé et use encoires au regard de nosdicts cousins et confrères, lesquelz voyons aussi emmenez hors du Pays de Brabant, nonobstant les expresses conventions, loix et conlractz, soubz lesquels, ledict Pays est tenu et obligé à l'obeyssance de sa Majesté. Et le mesme estre advenu en la personne de nostre filz le Conte de Bueren, sans avoir aucun regard à son bas eage, et notoire innocence, que nous sert d'advertissement,que ledict Ducq d'Alve, ne s'entend arrester à aucuns contractz, obligations, loix, droictz, et coustumes, et que à tant nous seroit impossible de luy obtenir absolution : Combien que suflissamment faisions apparoir de nostre innocence, par semblables allégations. Pourquoy et que tant de droict que en vertu de la convention, portée par la joyeuse entrée, contenant les loix, soubz lesquelles la Ducbé de Brabant, doibt obeyssance : Nous, qui avons tenu nostre domicilie en ladicte Ducbé, sommes fonciez de retenir et suspendre toute obeyssance, que debvons au Roy, jusques à ce que sa Majesté, anieulx informé, aura reparé, ce que contre, et en préjudice d'icelle joyeuse entrée, a esté faict, et atlempté . Vous avons bien voulu advertir et déclarer par cestes, que parles raisons, cy-devant reprinses, tenons vostredicte adjournementet Citaticm, pour nulles, et de nulle valeur. Prolestans par exprès de ladicte nullité, aussi au regard de tout ce, que, en vertu et conséquence d'icelles, sera faict et décrété, attendu mesmes la notoire incompétence dudict Ducq d'Alve, auquel la commission de ceste cause en qualité de (iouverneur et Capitaine gênerai du Pays bas , s'addresse, vuellantz qu'en son regard, et pour autant que besoingsoit, cestc nous serve d'excuse, et par ordre aussi de récusation.

Pourcc que trouvons de faict, et par expérience, que de luy, pour les causes susdictes, ne pourrions espérer d'obtenir le droict, que nostre cause pourra mériter. Ofl'rants de nous représenter devant l'Empereur, Electeurs, Princes, Estatz, et aultres de l'Empire, ou aultres juges idoines, et non suspects : Et qui apparentement, sans partialité ou. affection, cognoistront et jugeront des mérites d'icelle : Protestant iterativement de nullité, de tout ce, que par ledict Ducq d'Alve, Juge, comme dist est, incompétent, suspect, et récusé, ouceulx, qui, pour, et au lieu de luy, seront commis, se pourra en nostre préjudice faire, dire, ordonner, juger, et décréter. Et ne servant ceste à aultre effect, que de vous insinuer lesdictes déclarations, offres, et protestations, à fin, que par vous et aultres, y soit prins le regard, qu'il appartient : prieray le Créateur, vous. Monsieur le Procureur, avoir en sa saincte garde.

Escript à Dillenbourch, le troisiesme de Mars. 1568. Soubsigné, Guilliaume de Nassau.

La superscription estoit, A Monsieur le Procureur gênerai.

No 7.

AV DVC D'ALI E,

Responsive du Prince d'Oranges, sur la Citation.

Monsieur, comme mes actions peuvent assez los-

moingner, qne depuis ma jeunesse, n'ay riens plus désiré, que de m'eraployer au service de feu de treshaulte mémoire l'Empereur, et depuis du Roy mes maistres, avois espéré que sa Majesté, estant de par moy advertie, (comme aussi a esté 3îadame de Parma , lors Gouvernante,) que j'estoys venu en ce^te ma Conté de Nassau, pour certains mes Iresurgens affaires, prins regard à- ma lidelilé et désir, n'eusse laissé me faire la faveur de me commander, en quoy je luy eusse peu faire service, que avois tousjours offert par mesdicts lettres d'adverlence, ou pour le moins, j'eusse entendu de vous, que l'intention de sa Majesté auroit esté, que je deusse laisser mes affaires pardeçà, et retourner incontinent par delà, comme avez adverty l'intc^nlion de sadicte Majesté, à tous autres Seigneurs, Estats, et Villes. Et comme je suis tousjours esté attendant, avec grande dévotion, les commandemens de sa-dicte Majesté, suis esté adverty, que l'on s'est

advanché de procéder contre moy, par saisissement de mes Seigneuries, terres, et biens. Et qui pis est, par proclamalion, soubz le nom du Procureur gênerai, plaine de faulxet insupportables calumnies. Et par après, par appréhension de mon fîlz, lequel avois laissé à Lovain,pour, par cy après, tant mieulx pouvoir faire service au Roy, et la Republicque. Dont suis esté bien ebahy, et m'a semblé bien estrange, que l'on ayt procédé de telle sorte , contre ung de ma qualité, oubliant si tost les grands et notables services, tant par mes prédécesseurs, que par moy, faicts : et nommeement en ces troubles dernières. Parquoy ayant raisons et justifications bien bastantes, pour fonder et déclarer mon innocence, et le tort que l'on me faict en cest endroict. Lesquels je reserve à temps et lieu : ay pour le présent bien voulu respondre en haste, audict Procureur gênerai. Et avant l'expiration du précipité terme, à moy prefîgé,luy alléguer et remonstrer la nullité, et autres raisons, que j'ay contre son adjournement. A fin qu'on ne pense, que je me sens coulpable, ou, que je n'entende de poursuyvre mon droict, comme en raison trouveray fondé. Dont ay bien voulu à vous aussi. Monsieur, faire l'insinuation, en vous envoyant copie de la lettre, qu'ay escript audict Procureur, joincte à ceste , à fin , que , par ignorance, ne soit attempté ou procédé contre moy, ou le mien, plus avant, que par droict, cy après pourra estre soustenu. Auquel j'espère avoir mon recours quelque jour. Et pour ne servir ceste à autre effect. Supplie Dieu, Monsieur, vous donner en santé, ce, que pour vostre salut convient, et à moy, que mon Prince puisse unefois, au vray entendre, la sincérité de mes actions. De Dillenbourch, ce troisiesme de Mars 1568. Soubs estoit escript : Vostre confrère Guilliaume de Nassau. La superscription esloit : A Monsieur, Monsieur le Ducq d'Alve.