CHAPITRE XXXIX

Comment nos prédécesseurs estoyent entretenus en ignorance quant au faict de la religion chre-

STIENNE : ET COMMENT LES GENS d'ÉGLISE SE MAINTE- NOYENT TOUSJOURS, ENCORE QUE LEUR MESCHANTE VIE FUST TOUTE NOTOIRE , ET QUE PLUSIEURS ABUS ET MESMES DES FAUX MIRACLES EUSSENT ESTÉ DESCOU- VERTS.

^ YANT délibéré de monstrer en ce chapitre comment desjà du temps de nos prédécesseurs, aucuns commançoyent à ouvrir un peu les yeux, et descouvrir la meschanceté et tromperie des gens d'église, j'ay pensé qu'il seroit bon de considérer premièrement combien grandes estoyent les ténèbres et combien grands estoyent les abus. Je prieray donc le lecteur de recueillir en sa mémoire , en premier lieu , plusieurs exemples de cela, qui sont espars en divers endroits de ce livre. Outre lesquels toutesfois on en amasseroit un nombre infini , si on y vouloit un peu penser, mais trois ou quatre pourront suffire. Car n'est-ce point une folie merveilleuse , de penser que tous ceux et toutes celles que les faiseurs d'almanacs avoyent marquez de lettres rouges, estoyent saincts et sainctes ? c'est à dire dieux et déesses ? ou pour le moins demidieux, et (s'il est licite d'ainsi parler) dieux su-