CHAPITRE XV 2l

pourroit-on bien mettre de ceste confrairie un certain sergent de Paris, lequel, ayant este' exécuté jusques à la paille de son lict, en passant par devant la boutique d'un changeur, luy jetta du sable aux yeux, et puis prit telle quantité d'escus en sa boiste, qu'il jugea estre suffisante. Mais, pour retourner à ceux qui sont réalement et de faict coupebourses, quelle habileté pensons-nous qu'il y ait en aucuns d'eux, qui auront coupé quarante, voire cinquante bourses, avant qu'estre surpris? Que di-je quarante ou cinquante? Autresfois m'a esté faict un conte d'un de ce mestier (qui estoit natif de Bourges, maistre clerc d'un procureur en Parlement, nommé maistre Denys Gron), au coffre duquel, après qu'il fut surpris et convaincu d'un tel acte, furent trouvées quatre-vingts bourses, et environ trois mille escus en or. Lequel toutesfois (comme je croy) eust obtenu sa grâce s'il eust eu affaire aux Lacédémoniens : lesquels permettoyent le larrecin (comme j'ay dict ci-dessus) pour rendre leurs gens plus habiles; car ils leur permettoyent à la charge qu'ils n'y fussent pas surpris : sinon, ils en faisoyent punition. En quoy (comme monstre Xénophon en quelque passage) (i) ils avoyent fort bonne raison ; car nul ne se doit mesler d'un mestier lequel il ne sçait faire : or ceux qui sont surpris en larrecin, il est certain qu'ils ne sçavent pas leur mestier, et n'usent pas de l'habileté et dextérité qui y est requise. Et à ceci eut esgard un duc de Bourgongne, lequel (ainsi qu'on dict) ayant quelque inclination naturelle au mestier de desrobber, et l'exerceant non pour le gaing, mais pour le plaisir qu'il y prcnoit (d'autant qu'il s'y voyoit estre fort adroict), congnoissoit d'autant mieux ceux qui s'en mesloyent. Estant

(i) Gouvernement des Lacédémoniens, ch. II.

2l6 APOLOGIE POUR HERODOTE

donques advenu à quelcun qui estoit de ce nombre, de desrobber une couppe d'argent en une collation, ledict duc l'ayant apperceu, n'en dict mot pour l'heure : mais un peu après l'ayant faict appeler, luy dict : « Remercie bien Dieu que mon maistre d'hostel n'a » pas veu ce que j'ay veu, car je t'asseure que tu se- » rois demain pendu. Et t'appartient-il de te mesler » d'un mestier que tu n'entens-pas ? Toutesfois je te » laisse la couppe, mais à la charge que tu n'y re- » tournes plus (sur peine d'estre chastié) puisque tu n'y » sçais autre chose. » Voilà comment l'advis de ce prince estoit conforme à celuy des Lacédémoniens. Mais pourquoy (me demandera quelcun) avez-vous opinion que les Lacédémoniens eussent pardonné à ce maistre clerc estant surpris, veu qu'ils jugeoyent ceux qui se laissoyent surprendre, ignorer leur mestier, et estre indignes de l'exercer? Je pense que la grâce qu'ils luy eussent donnée, eust esté fondée sur l'habileté de laquelle il avoit usé au coupement des précédentes octante bourses, d'autant qu'il n'avoit esté surpris qu'en l'octante-et-unième. Car il n'en prenoit pas à cestuy-ci comme à quelques autres, auxquels ayant esté pardonnée la faute en laquelle ils ont esté surpris, y retombent après; comme il advint à un qui estoit natif d'Yssoudun, nommé Simon Daguobert (fils d'un qui avoit esté advocat du roy en ladicte ville), lequel, ayant commis un nombre infini de larrecins, et ayant esté souvent menacé, en la fin fut condamné à estre pendu et estranglé. Mais ainsi qu'on le menoit pendre, advint que Monsieur de Nevers passa par là : par le moyen duquel il obtint sa grâce du roy, pour avoir craché quelques mots de Latin, lesquels (encore qu'ils ne fussent entendus) firent penser que c'estoit quelque homme de service. Et de faict, comme tel, après avoir eu sa grâce, fut envoyé par ledict roy aux terres neuves,