CHAPITRE XV

avec Roberval (i) : lequel voyage servit de confirmation de ce que nous avons ci-dessus allégué d'Horace, Ccelum non anittinm tnutant qui trans mare currunt. Car estant de retour il poursuyvit plus fort que jamais son mestier de desrobber : tellement qu'estant surpris pour la seconde fois, il passa le pas qu'il avoit jà une fois failli. Et à dire la vérité, je croy que cestuy-ci n'en fust pas eschappé à meilleur marché ni par devant lesdicts Lacédémoniens, ni par devant le prince duquel j'ay parlé : d'autant qu'il est vraysemblable qu'il avoit esté maintes autres fois surpris : n'estant possible, en faisant les larrecins par douzaines, qu'il procédast par art en un chacun d'iceux. Car si jamais on vit homme auquel on peust considérer que c'est d'une nature encline à desrobber, cestuy-ci en estoit un très-beau miroir, ainsi que j'ay entendu d'un personnage digne de foy, de la mesme ville, qui pour ce regard s'estoit souvent efforcé de le remettre au bon chemin, et mesmement avoit quelquesfois moyenne sa délivrance de prison. Mais pour récompense (ainsi qu'il m'a asseuré), il luy emporta une robbe longue toute neuve (outre quelques autres hardes), avec laquelle il fut surpris, l'ayant vestue, et encores un' autre par dessous, qu'il avoit pareillement desrobbée ailleurs. Aussi luy furent trouvées trois chemises, vestues semblablement l'une par dessus l'autre. Et bien peu auparavant il en avoit faict autant d'un saye de velours de quelcun qui luy avoit faict ce bien de le loger. Mais le plus insigne larrecin commis par luy en matière d'habillejnens, ce fut quand il desrobba tous ceux qui avoyent esté faicts

(i) Robert Val ou Roberval, navigateur dont parle Cartier dans son Brie/ récit et succincte narration de la navigation es isles du Canada, Hochelage et Saguenay, Paris, i545. « Se diront les Princes et Seigneurs d'icelles terres issus du sang de Jacques Cartier Breton et Robert Val Gascon. » Du Fail, Contes d'Eutrapel, XIX.

2l8 APOLOGIE POUR HERODOTE

pour un certain espoux, frère de l'advocat du roy de Poictiers, et pour son espouse : lesquels luy semblèrent valoir bien le prendre pource que la plus part estoit de soye. Et ce qui faisoit s'esbahir d'avantage de ce larrecin, estoit que pour tout emporter (comme il avoit faict) il luy avoit falu faire pour le moins six ou sept voyages. Or les avoit-il emportez en un logis qu'on luy prestoit au monastère des dames de S. Croix de la dicte ville de Poictiers. Auquel logis il estoit lors qu'on vint pour luy faire rendre conte desdicts habillemens, d'autant qu'on n'avoit souspeçon que sur luy : mais ayant veu par la fenestre ceux qui le venoyent trouver, ne les attendit pas, ains s'enfuit ayant très-bien fermé la porte. Néantmoins on trouva moyen d'entrer en ce logis : auquel, outre ces habillemens qu'on cerchoit, on trouva ce qu'on ne cerchoit pas, à-sçavoir environ quarante paires de souliers, de grans, petis, moyens, avec un grand nombre de paires de chausses : aussi force drap taillé, et d'autre en pièce, avec plusieurs livres lesquels il avoit emportez aux escholiers. Mais ce galand accoustra bien mieux sesdictes hostesses qu'il n'avoit faict ses hostes : car, au lieu qu'il ne leur avoit emporté que quelques habits, il emporta à ces dames leurs plus belles reliques, pour remerciement et recongnoissance du plaisir. Toutesfois le plus notable tour que j'aye entendu de luy fut le larrecin qu'il commit en la prison, en laquelle estant logé pour le mesme crime, ne peut toutesfois attendre qu'il en fust sorti pour retourner à son mestier, mais là mesme empoigna très-bien le manteau du geôlier, et là mesme le vendit, l'ayant passé à travers des treillis de ladicte prison, qui estoyent sur la rue. Qui est aussi un tour sur lequel on doit bien remarquer ce que j'ay tantost dict, à-sçavoir que c'est d'un naturel enclin à larrecin : de venir jusques à une telle hardiesse de des-

robber au lieu mesme auquel on est détenu, et qu'on attend condemnation pour avoir desrobbé : et encore s'adresser à une personne publicque, comme est un geôlier. Ce qui me fait toutesfois moins estonner de cest acte, est ce que j'ay veu advenir quelquesfois à Paris, à-sçavoir couper des bourses auprès d'un coupebourses qu'on pendoit.

Je laisseray cest archilarron Daguobert; et comme j'ay tantost proposé des exemples de ceux qui ont pardonné aux larrons après les avoir surpris, voire les ont laissez possesseurs paisibles des larrecins, j'en proposeray un au contraire d'un gentil-homme qui fit luymesme la punition d'un sien larron, mais la fit en une sorte qui fut cause de luy faire avoir de la fascherie. Ce gentil-homme, pendant qu'il estoit un des spectateurs du Roy jouant à la paume (le propre jour (i) que feu Jan du Bellay prit possession de l'évesché de Paris), sentant ce larron luy couper la bourse, ne fit toutesfois semblant d'en rien sentir, mais l'ayant laissé faire, eut puis après l'œil sur luy ; et en la fin, ne se contentant de s'estre faict rendre sa bourse, luy coupa l'oreille sur le champ (2). Mais ce gentil-homme ne fut pas long temps sans s'en repentir, non pas de l'avoir puni, mais de l'avoir puni de telle sorte. Car, au lieu que s'il luy eust donné un coup de dague, il n'en eust point esté molesté, pource qu'il luy avoit coupé l'oreille, le bourreau de Paris forma complainte contre luy, comme estant troublé en sa possession.

Mais pour retourner aux habiletez qui se trouvent

(i) Ecclesiam suant solemniter ingressus est, die Lunce 25 novembre (i532), et postridie cum ipse ad curiam se contulisset, gratias egit debitumque prcestitit sacramentum. — Gallia christiana, VII, 160.

(2) Imité de Des Périers, nouv. LVI; la suite appartient à Estienne. Estienne a été mal lu par M. L. Lacour, disant que le gentilhomme, c'était Jean du Bellay lui-même.

en nostre temps plus que jamais en toutes sortes de larrecins, pourroit-on songer, ou pourroit-on demander un plus habile tour en cas de larrecin que celuy qui fut joué à Paris il y a environ seize ans, par un qui tint si bonne mine qu'il se fit aider à charger la contre (i) qu'il avoit desrobée, par celuy mesmes auquel ell' appartenoit, qui estoit un procureur de la Cour de parlement, nommé Guerrier, demeurant au cloistre S. Benoist? Toutesfois je vay raconter deux actes de larron qui ne doivent rien à cestuy-ci : mais plustost cestuy-ci devera quelque chose de retour à chacun de ces deux. Ce larron, ayant envie de desrobber la vache (2) de son voisin, se leva de grand matin et devant jour : et estant entré en l'estable de la vache, l'emmène, faisant semblant de courir après elle. Auquel bruit le voisin s'estant esveillé, et ayant mis la teste à la fenestre : « Voisin » (dict ce larron) « venez-moy » aider à prendre ma vache qui est entrée en vostre » cour, pour avoir mal fermé vostre huis. » Après que ce voisin luy eut aidé à ce faire, il luy persuada d'aller au marché avec luy (car demeurant en la maison il se fust apperceu du larrecin). En chemin, comme le jour esclaircissoit, ce povre homme recongnoissant sa vache, luy dict : « Mon voisin, voilà une vache qui resemble » fort à la mienne. — Il est vray, » dict-il; « et voilà » pourquoy je la mène vendre : pource que tous les » soirs vostre femme et la mienne s'en débattent, ne » sçachans laquelle choisir. » Sur ces propos ils arrivent au marché; alors le larron, de peur d'estre descouvert, fait semblant d'avoir à-faire parmi la ville, et prie sondict voisin de vendre cependant ceste vache le plus qu'il pourroit : luy promettant le vin. Le voisin

(i) Voy., pour ce mot, plus bas, p. 224, ligne 3i. (2) Voy. des Périers, nouv. XCIII.