CHAPITRE XV

donc la vend, et puis luy apporte l'argent. Sur cela s'en vont droict à la taverne, selon la promesse qui avoit esté faicte. Mais après y avoir bien repeu, le larron trouve moyen d'évader, laissant l'autre pour les gages. De là s'en vint à Paris, et là se trouvant une fois entr'autres en une place du marché où il y avoit force asnes attachez (selon la coustume) à quelques fers tenans aux murailles, voyant que toutes les places estoyent remplies, ayant choisi le plus beau, monte dessus, et se promenant par le marché, le vendit trèsbien à un incongnu. Lequel acheteur ne trouvant place vuide que celle dont il avoit esté osté, le rattache au lieu mesme. Qui fut cause que celuy qui estoit le vray maistre de l'asne, et auquel on l'avoit desrobbé, le voulant puis après détacher pour l'emmener, grosse querelle survint entre luy et l'acheteur : tellement qu'il en falut venir aux mains. Or le larron qui l'avoit vendu, estant parmi la foule, et voyant ce passetemps, mesmement que l'acheteur estoit par terre, chargé de coups de poing, ne se put tenir de dire : « Plaudez, » plaudez-moy (i) hardiment ce larron d'asnes! » Ce qu'oyant ce povre homme, qui estoit en tel estât, et ne demandoit pas mieux que de rencontrer son vendeur, l'ayant recongnu à la parole : « Voilà » (dit-il) « celuy » qui me l'a vendu. » Sur lequel propos il fut empoigné : et toutes les susdictes choses avérées par sa confession, fut exécuté par justice comme il méritoit. Or ce larron nous apprend deux choses : premièrement, combien grans espris ha nostre siècle et combien subtils en meschanceté : secondement, quels sont

(i) 0 Plauder. Semble qu'il vienne de plaudere, qui aucunesfois signifie autant que percutere. » Nicot. « Pelauder. Terme bas et populaire qui signifie battre à coups de poing ou de main... On a dit aussi pellauder, du mot peau, pellis. » Dict. de Trévoux. « Pelauder. tenir au poil ou à la peau, pelliculare. « Roquefort, Glossaire.

les jugemens de Dieu alencontre des meschans : c'est à dire, comment ce juge des juges, et roy des roys, fait poursuite contr'eux alors que les hommes n'ont aucun moyen de la faire : voire besongne en telle sorte que les criminels se viennent brûler à la chandelle, comm' on dit en commun proverbe. Car de larrons si subtils que cestuy-ci, je confesse qu'on en trouvera peu : mais de larrons qui se soyent ainsi accusez de leur propre langue, et par manière de parler se soyent venus mettre la corde au col, on en trouvera grand nombre; comme sçavent ceux principalement qui ont des offices de judicature : lesquels mesmement, s'ils sont un peu accors, font par leurs interrogations que ces galans (quelque bon bec qu'ils ayent) tellement vacillent, qu'en la fin ils se coupent de leurs cousteaux.

Et comme ainsi soit qu'il n'y ait chose plus digne de la méditation des Chrestiens que tels jugemens de Dieu, j'espère de gratifier aux lecteurs si estant tombé sur ce propos, j'use d'une petite digression, en alléguant deux autres exemples desdicts jugemens, l'un de nostre temps, l'autre ancien : tous deux conformes à celuy que je vien de réciter. Erasme donc raconte ceci estre advenu à Londres (i), en une maison en laquelle il demeuroit. Un larron ^stoit entré par le toict en ce logis pour voir s'il y trouveroit point quelque bonne adventure. Mais le bruit qu'il mena fit assembler les voisins. Ce que luy voyant se mesla parmi la foule, comme estant l'un de ceux qui cerchoyent le larron : et par ce moyen se garda d'estre descouvert» Un peu après, voyant le bruit appaisé, et qu'on ne cerchoit plus

(i) Voy. Lingua, per Erasmum (Basileœ, i525), in-8 : De fure Britannica.