CHAPITRE XV

le larron, d'autant qu'on pensoit qu'il fut eschappé, se délibéra de sortir par la porte, ne craignant aucunement d'estre congnu. Mais par faute d'estre maistre de sa langue, il se donna luy-mesme à congnoistre, et se mit la corde au col. Car ainsi qu'il pensoit sortir, ayant rencontré à la porte plusieurs qui devisoyent du larron, en le maudissant, vint à le maudire aussi, disant qu'il luy avoit faict perdre son bonnet. Or faut-il noter que cependant que ce rustre taschoit à se sauver, fuyant tantost çh, tantost là, son bonnet luy estoit tombé : lequel on avoit gardé en espérance qu'il donneroit des enseignes du larron. Quand donc on luy eut ouy dire cela, on entra incontinent en souspeçon : tellement qu'il fut pris, et ayant confessé, fut pendu. Il se trouve plusieurs telles histoires anciennes es auteurs profanes : mais je me contenteray de celle mesme de laquelle Érasme a accompagné l'autre que je vien de raconter : puisque je n'ay promis qu'un exemple. Plutarque donc escrit (i) qu'un certain temple de Pallas qui estoit en la ville des Lacédémoniens, ayant esté pillé, on trouva au milieu d'iceluy une bouteille vuide : laquelle mettoit en grande admiration tout le peuple qui alloit voir ce qui avoit esté faict en ce temple, car personne ne pouvoit songer qu'on avoit voulu faire de ceste bouteille. Mais en la fin quelcun voyant tous les autres si estonnez : « S'il vous plaist » (dit-il) « m'escouter, je vous diray ce que je puis con- » jecturer : c'est que je me doute que les sacrilèges » estans prests à exécuter leur entreprise ayent beu » de l'aconit, » (qui est une sorte de poison) « et puis » ayent porté du vin avec eux en ceste bouteille, afin » que s'ils venoyent à bout de leur entreprise sans

(i) Ilspt i^QKz<syjiOLi (de garrulitate}, XIV. Cf. Lingua, per Erasmum : Sacrilegus sui proditor.

» estre descouvers, par le moyen du vin qu'ils be- » vroyent après la poison, ils fussent garentis du danger » d'icelle : sinon, qu'elle les feist mourir d'une mort » beaucoup plus douce que celle qu'ils auroyent à » souffrir s'ils tomboyent entre les mains de la ju- » stice. >' Alors ceux qui oyoyent cest homme rendre si bonne raison de ceste bouteille, appercevans qu'il en parloit non comme un homme qui devinoit, mais qui en sçavoit des nouvelles, commencèrent à l'interroguer l'un après l'autre : « Holà, qui estes-vous, s'il vous » plaist, qui nous contez ceci? où en avez-vous tant » appris? quelle congnoissance avez-vous en ceste » ville? « Bref, on le pressa si fort par plusieurs sortes d'interrogations, qu'on luy fit confesser qui avoit mangé le lard, et qu'il avoit esté de la partie. Or comme il se trouve plusieurs exemples de tels jugemens de Dieu contre les larrons, aussi est-il aisé d'en trouver contre les homicides, ainsi que nous déclarerons ci-après.

Mais pour retourner aux habiletez larroniques, en prenant d'Erasme au livre De lingua l'exemple du larron Anglois, il m'est souvenu de quelques autres contes qu'il fait ailleurs, de quelques tours de gens de ce mestier : desquels je choisiray ceux qui me sembleront estre les plus notables, c'est à dire avoir esté jouez avec plus grande habileté, ou subtilité, industrie, ou dextérité, s'il est licite d'ainsi parler. Et commenceray par un conte qui est cousin germain de celuy que j'ay faict n'aguère, du larron qui joua si bien son personnage qu'il se fit aider à charger sur ses espaules la coutre d'un lict (i), par celuy mesmes auquel elle appartenoit. Il est vray que je me dispenseray pour ce coup de la promesse que j'ay faicte parcidevant, de ne mesler

(i) Voy. p. 220, ligne 5.