CHAPITRE XV

page de cardinal (hormis qu'il menoit petit train) en la marke d'Anconc et en la Romagne, ayant contrefaict une bulle par laquelle le pape luy bailloit commission de lever les décimes de ce pays-là. Or, pour n'estre descouvert, il n'approchoit point trop près des bonnes villes : toutesfois ayant jà commencé à faire très-bien ses besongnes (d'autant qu'on le prenoit pour ledict cardinal Sermonette), passant par la Romagne vint assez près de Boulongne. Ce qu'oyant le vicelégat du Pape, qui estoit l'évesque di Fermo (i), envoya vers luy un gentil-homme qui avoit autresfois esté au cardinal Sermonette. Ce gentil-homme estant retourné asseura ledict vicelégat que cestuy-ci n'estoit point celuy qu'il se disoit estre ; et ainsi le fit entrer en quelque souspeçon touchant ledict galant : d'autant mesmement qu'en son voyage il n'avoit point gardé quelques solennitez accoustumées aux autres cardinaux. Pourtant renvoya vers luy le gentil-homme avec un nombre de soldats, luy donnant charge expresse de se saisir de luy, s'il congnoissoit asseureèment qu'il ne fust pas celuy qu'il se disoit estre, à-sçavoir le cardinal Sermonette. Mais ce galant estant jà descouvert pour la seconde fois en plusieurs manières, se fit encore mieux descouvrir par une oreille qui luy avoit esté autresfois coupée par justice : laquelle il monstra sans y penser, en ostant son petit bonnet cardinalique. Alors le gentilhomme commanda à ses soldats de l'empoigner : luy au contraire, non moins hardi et effronté qu'auparavant, leur remonstra qu'ils s'en devoyent bien garder,

letti, Le chiese d'Italia, Ven., iSSg, XX et XXI. — Gams, Séries episcoporum, Ratisb., 1873.

(1) Laurent Lenzi, évêque de 1649 à iSyi. Voy. Catalani, De ecclesia Firmana, Firmi, 1777, in-4. — Fracassetti, Notifie storiche délia città di Fermo, 1841, in-8. — Chronache délia città di Fermo, Flor., 1870, in-4 {Documenti di storia palria, X- IV).

2 34 APOLOGIE POUR HIÎRODOTE

et mesmes les intimida par plusieurs menaces, bravant aussi bien en ses propos qu'eust peu faire le premier cardinal de Romme, auquel on eust voulu faire outrage. Toutesfois les soldats ayans faict scrupule quelque temps de mettre la main sur luy, furent en la fin persuadez par leur conducteur de ce faire, et l'emmenèrent à Boulongne, avec deux serviteurs qui ne sçavoyent rien de sa tromperie : les deux qui la sçavoyent, ayans gangné au pied. Là son procès luy estant faict par ledict vicelégat, il fut pendu devant la porte di san Petronio, en habit de cardinal, ayant sur la teste une mitre de papier, en laquelle estoit escrit, il re de' LADRi. Et luy furent trouvez six mille escus sur luy : laquelle somme toutesfois n'estoit rien, estimée à comparaison de celle qu'on disoit que ses deux serviteurs qui s'en estoyent fuys, luy avoyent emportée. J'ay bien voulu mettre ce conte un peu au long, pource qu'il est fort notable et digne de mémoire. Car nous oyons parler de plusieurs qui ont pris le nom et tenu le lieu de ceux ausquels ils resembloyent (comme j'ay déclaré en mon Apologie Latine), mais c'estoit de ceux qu'ils sçavoyent estre morts, ou desquels on ne pourroit aiseement avoir nouvelles. Ce qui estoit autrement de cestuy-ci : veu que le cardinal lequel il se feignoit estre, vivoit encore, comme il sçavoit, et estoit si près qu'il estoit aisé d'en avoir nouvelles en bien peu de temps. Or puisque je suis venu jusques au roy des larrons de nostre temps (par le jugement de ceux mesmes qui luy ont faict son procès), il me semble que pour ne luy faire tort, je ne doy passer plus outre, pour penser trouver quelque perfection plus grande.

Et toutesfois afin que ce roy des larrons ne demeure seul, et aussi qu'on ne pense que l'Italie seule soit garnie de hardis larrons, j'ay pensé que je ferois bien