CHAPITRE XV
yssue. S'en estant donc allé, voici qu'il fit : il commanda qu'on pendist aux murailles ce corps du larron, alentour duquel il ordonna des gardes, avec charge expresse que s'ils appercevoyent quelcun qui monstrast par pleurs, ou autrement, qu'il en avoit compassion, ils eussent à luy amener. Or la mère, se tourmentant bien fort de ce que le corps estoit ainsi pendu, vint à son autre fils, requérant de luy d'aviser quelque moyen par lequel il détaschat et emportast le corps de son frère : et le menaceant, que s'il n'accomplissoit ceste requeste sienne, elle-mesme iroit advertir le roy qu'il avoit sa chevance. Luy, après avoir enduré d'elle plusieurs reproches et grosses paroles, voyant que par nulle raison qu'il luy sçeust alléguer, il ne la pouvoit divertir, inventa telle finesse. Il accoustra des asnes, et leur chargea des outres pleins de vin : puis les touchant devant soy, quand il fut venu jusques à l'endroit où estoyent les gardes qui avoyent la charge de ce corps pendu, ayant lasché quelques liens desdicts outres, laissa le vin s'espancher : et puis commença, en jettant grans cris, se frapper la teste, comme ne sçachant auquel des asnes il devoit courir premièrement. Les gardes, voyans que tant de vin se perdoit, accoururent au chemin avec des vaisseaux, pensans que c'estoit autant de gain pour eux de sauver ce qui se perdoit. Mais luy, feignant estre fort choléré, les maudissoit tous. Toutesfois eux le consolans, fit semblant de s'appaiser peu à peu et délaisser son courroux. Et en la fin il retira ses asnes hors du chemin, et raccoustra leurs charges : et entre plusieurs propos qui se tenoyent cependant, luy ayant esté jette un brocard, qui le contraignit de rire, il leur donna un des outres (i). Lequel
(i) Riclielet fait outre féminin et ajoute la variante oudre, moins usitée. Furetière le fait masculin en s'appuyant sur le même exemple
ayans receu, se délibérèrent d'en boire très-bien, au mesme lieu et au mesme estât qu'ils se trouvoyent, et de faire tant qu'il vousist estre de la compagnie. Ce qu'il leur accorda, et ainsi demeura. Or en beuvant, pour le gracieux accueil qu'ils luy faisoyent, il leur fit derechef présent d'un outre : tellement que ces gardes ayans le vin en si grande abondance, en beurent tant qu'ils s'enyvrèrent et, pressez de sommeil, s'endormirent en la mesme place. Lors cestuy-cy, estant jà grand' nuict , alla deslier le corps de son frère; et pour rendre les gardes infâmes, leur rasa à tous les joues dextres : puis, chargeant ce corps sur l'un de ses asnes, s'en retourna en sa maison, ayant accompli le commandement de sa mère. Le roy, quand il eut entendu que le corps du larron avoit esté desrobbé, en eut grand despit : et voulant, par quelque manière que ce fust, trouver celuy qui avoit faict l'acte, usa du moyen qui s'ensuit : ce que toutesfoys je ne puis croire. Il commanda à sa fille de s'aller mettre en plein bordeau, et de recevoir tous venans : mais à la charge de ne les laisser avoir sa compagnie que premièrement ils ne luy déclarassent quel acte ils auroient faict en toute leur vie le plus cauteleux et meschant : et celuy qui raconteroit ce faict touchant le corps de ce larron, qu'elle ne le laissast sortir, mais le retinst. Cependant donc que la fille exécutoit le commandement de son père, 'le larron, après avoir entendu à quelle fin ces choses se faisoyent, voulant monstrer par effect qu'il estoit plus fin que le roy, donna ceste trousse à la fille. Ayant coupé la main d'un qui estoit mort depuis bien peu de temps, la tenant cachée sous sa robbe, s'en alla trouver ceste fille du roy : laquelle luy ayant faict la
que Richelet, exemple tiré de Dacier, tr. d'Horace, od. I, 3; enfin Trévoux le fait masculin, puis imprime : une outre de vin, une outre d'huile!
