CHAPITRE XV
posé ce faict, en eussent donné le mesme jugement. Pour le moins ne douté-je nullement que Xénophon n'en eust prononcé en la mesme sorte : veu qu'il dit en deux endroits que la raison pour laquelle il est permis aux maris de tuer les adultères, est seulement pource qu'ils leur desrobbent l'amour qui leur est deu par leurs femmes. « Et qu'ainsi soit » (dit-il) « s'il avient qu'une femme par quelque accident ait esté violée, les maris ne laissent pas d'en tenir autant de conte qu'auparavant, pourveu qu'ils voyent l'amour d'icelles envers eux estre demeuré en son entier. » Lesquelles paroles de Xénophon me semblent s'accorder aussi très-bien avec ce que j'ay dict ci-dessus, à sçavoir que le meilleur gardien qu'une femme pourroit avoir de sa pudicité, estoit l'amour envers son mari. Or ay-je bien voulu traitter ce point pour la consolation des femmes pudicques, lesquelles nous voyons ou par la fureur des guerres, ou encore hors d'icelles, par la violence de ceux qui se sentent les plus torts, estre subjectes à l'inconvénient auquel tomba Lucrèce, à-fin qu'y estans tombées de la mesme sorte, elles ne se désespèrent aussi de la mesme façon : mais au lieu de jetter le manche après la congnée (comme nous disons en commun proverbe) ayent esgard aux choses susdictes, et en facent leur proufit. Duquel désespoir toutesfois les exemples viennent encore tous les jours à nos oreilles: dont je mettray aucuns au chapitre des homicides, s'il m'en souvient.
Mais (hélas) pour une qui prend les matières si à cueur qu'eir ha besoin de telles remonstrances, je croy qu'on en trouvera cent pour le moins qui ont besoin des autres au contraire : à-sçavoir par lesquelles elles soyent induites à considérer quel lien est celuy de mariage, et soyent retirées de la malheureuse opinion du philosophe, qui renversant, entant qu'en luy estoit.
tout ordre de nature, alléguoit aux femmes l'exemple de la maison qui n'empire pas pour loger autres que son maistre. Comme aussi Épictète (lequel je pense avoir esté le plus homme de bien de tous les philosophes, avec Musonius) nous raconte que les femmes à Romme faisoyent un bouclier de ce qu'a escrit Platon en sa Politie (i), à-sçavoir que les femmes doivent estre communes : et que pour ceste raison ordinairement on leur trouvoit ce livre entre les mains. En quoy combien que Platon se soit grandement oublié, si n'entendoit-il pas toutesfois ce propos en la façon qu'elles le prenoyent, pour en faire leur proufit, voire en faire un bouclier, comme j'ay dict. Car il ne disoit pas qu'elles devoyent promettre la foy à un homme, et contracter mariage avec luy, pour puis se faire communes : mais tendoit à un' autre fin, laquelle comme je confesse n'estre louable, ni aucunement recevable entre les payens mesme, je maintien toutesfois estre plus supportable que les pitiez que nous voyons ensuyvre des adultères. Comment qu'il en soit, nous congnoissons par ce tesmoignage qu'Épictète rend aux femmes Rommaines, qui estoyent de son temps, qu'elles ne s'amusoyent guères, ou pour le moins ne prenoyent guère de plaisir à lire l'histoire de la susdicte Lucrèce ; car il est certain qu'elles n'eussent pas pris tel goust à la lecture de ces livres de Platon, et notamment des passages contenans lesdicts propos. Or combienque les femmes de nostre temps ne voyent pas les mesmes livres, si ne laissent-elles pas pourtant de prattiquer le contenu. Dequoy je me rapporte aux femmes de Paris : ausquelles je m'adresse plustost qu'à nulles autres de France, non pource que c'est la ville dont je suis natif, mais pource que je sçay que l'honneur de
(i) Ou République, liv. V
