CHAPITRE XV

mesme justice, non seulement auroyent impunité de pareil acte, mais rachèteroyent par ce moyen leur bannissement. Je ne sçay pas toutesfois si ceste ordonnance fut passée: je sçay bien que je l'ouy de la bouche d'un entr'autres qui estoit pour lors du conseil, peu de temps après la mort du viceroy. Et quand il n'y auroit autre histoire que celle des vespres Siciliennes, elle nous peut assez donner à congnoistre si on faisoit les cocus à si bon marché. Mais je crain que tout ce que je pourrois alléguer sur ce point, ne soyent autant de paroles perdues, mesmement à l'endroit de celles qui se fient en la niaise et vrayement cocualique bonté de leurs maris ; car il est certain qu'on en trouve encore pour le jourdhuy plusieurs descendus de la race de celuy qui se doutant que sa femme ne couchoit pas seule en son absence, vint une fois pour la surprendre: et ayant apperceu devant le lict les souliers de celuy qui estoit pour lors son lieutenant, « Voilà » (dict-il) « de bonnes enseignes : je me contente d'avoir veu » cela. » Ce qu'ayant dict s'en alla tout bellement, les laissant achever ce qu'ils avoyent commencé. Le lendemain matin vint trouver ses parens et amis, et après leur avoir conté le faict, « Regardez » (dict-il) « com- » ment la cholère transporte quelquesfois les hommes : » car quand j'apperceu devant le lict les souliers de » celuy qui estoit couché avec ma femme, il ne s'en » falut guère que je ne misse ces souliers en mille » pièces. » Mais pour retourner à mon propos, si ce discours ne sert d'autre chose, au moins servira-il de preuve que celles qui en quelques lieux, pour sçavoir bien faire venir les cornes à leurs maris, sont appelées gaillardes, ou femmes de bon esprit, ou de bon cueur, ou gentiles, ou plaisantes, ou qui sçavent bien leur cour, ou de bon entretien, ou de bonne compagnie, (ou, tout au pis, bonnes commères), se doivent appeler

selon la façon de parler ancienne, larronnesses, et chiennes ou mastines : outre l'ordinaire appellation, qui est louves. Or est-il temps de venir aux exemples des tours que sçavent jouer les femmes à leurs maris, si finement que ce n'est sans cause que les Latins et les Grecs les ont appelez larrecins. Car combienque les adultères soyent larrecins, encore qu'ils ne fussent commis secrettement et avec astuce et cautelle, si estce qu'ils méritent beaucoup mieux ce nom quand ces choses y sont adjoinctes.

Pour venir donques aux exemples des finesses et ruses de nos femmes en tels larrecins, beaucoup plus grandes (selon mon opinion) que des femmes de nos prédécesseurs, je commenceray par un tour lequel il me souvient avoir ouy conter cent et cent fois à Paris, et depuis l'ay trouvé entre les contes de la roine de Navarre, dernière défuncte : et est tel qu'il semble mériter le premier lieu. Un valet de chambre de Charles, dernier duc d'Alençon, estant adverti que sa femme, beaucoup plus jeune que luy, se laissoit entretenir par un jeune gentil-homme, et ne l'ayant voulu croire pour le commencement, en la fin se délibéra d'eh faire l'expérience. Et pourtant feignit s'en aller en quelque lieu pour deux ou trois jours. La femme, ne voulant perdre si belle occasion, envoya quérir son ami bientost après le départ de son mari : lequel sans leur donner le loisir d'estre demie heure ensemble, estant de retour vint frapper bien fort à la porte. Elle qui le congneut, en advertit sondict ami : qui fut si éperdu qu'il eust voulu estre encores au ventre de sa mère. Mais elle luy dict qu'il s'habillast seulement en diligence, et qu'il n'eust point de peur, d'autant qu'elle sçavoit le moyen de le faire sortir sans aucun danger. Cependant le mari frappoit à la porte, et appeloit sa femme le plus haut qu'il pouvoit. Mais elle faisoit