CHAPITRE XV

spondras. » Voilà un tour qui fut joué à Paris il y a environ dix-sept ans, lequel est semblable à un qui a esté ci-dessus récité.

Mais comme j'ay dict parcidevant, que les esprits ne revenans plus comme de coustume , portoyent grand dommage aux prestres, et aux femmes desquelles maintenant nous parlons, aussi est-il certain que tant les uns que les autres perdent beaucoup au descriement des pèlerinages : et celles principalement qui ne pouvans avoir enfans de leurs maris , alloyent cercher quelque sainct qui leur en fist ( i ). Il est vray qu'elles ont quelque recours aux processions, qui sont encores en quelque crédit ; mais les pèlerinages estoient bien autre chose : car nostre Dame des vertus (entr'autres) ne failloit jamais de faire des vertus en une sorte ou autre, avant qu'on retournas! à la maison. Mais à propos des prestres, il me souvient d'un tour subtil inventé par une femme d'auprès d'Amboise, n'ayant rien de commun avec aucun des prccédens : mais lequel par une vengeance de Dieu, retomba sur la teste du prestre qui en avoit esté avisé par elle. Ce comte ( qui est no* table entre cinq cents autres) est tel. Le curé d'Onzain (2), près d'Amboise, persuadé par une hostesse, laquelle il entretenoit, de faire semblant ( pour oster à l'avenir tout souspeçon au mari) de se faire chastrer (qu'on dit plus honnestement tailler) par un nommé maistre Pierre des serpens , natif de Villantrois en Berri (3), envoya quérir ses parens; et après leur avoir dict qu'il n'avoit jamais osé déclarer son mal, mais qu'en la fin il se trouvoit réduict en tels termes qu'il luy estoit force d'en passer par là, fit son testament; et pour faire encore meilleure mine, après avoir dict à ce maistre

(i) Exemplaires cartonnés : [alloyent cercher quelque sainct en aide).

(2) Onzain, Loir-et-Cher, cant. d'Herbault, arr. de Blois.

(3) Villantrois, Indre, cant. de Valençay, arr. de Chàteauroux.

Pierre (auquel toutesfois il avoit baillé le mot du guet de ne faire que semblant, et pour ce luy avoit donné quatre escus) qu'il luy pardonnoit sa mort de bon cueur, si d'aventure il avenoit qu'il en mourust, se mit entre ses mains, et se laissa lier et du tout accoustrer comme celui qu'on voudroit tailler vrayement. Or faut-il noter que comme le prestre avoit baillé audict maistre Pierre le mot du guet de ne faire que semblant, aussi le mari de son costé, après avoir entendu ceste farce, avoit donné le mot du guet de le faire à bon escient : avec promesse de luy donner le double de ce qu'il avoit receu du prestre pour faire la mine. Tellement que luy persuadé par le mari, et tenant le povre messire Jan en sa puissance, après l'avoir bien attaché, lié et garroté, exécuta son office réalement et de faict : et puis le paya de ceste raison , qu'il n'avoit point accoustumé de se moquer de son mestier. Voilà comment le povre curé se trouva de l'invention de ceste femme, et comment au lieu que suyvant ceste finesse il se préparoit à tromper le mari mieux que jamais, il fut trompé luy-mesme d'une tromperie beaucoup plus préjudiciable à sa personne. Et est avenu ceci depuis environ trentecinq ans. Or me fait souvenir ce chastrement d'un autre duquel aussi une femme fut cause, mais toutesfois par une occasion fort différente. Car Poge escrit qu'en une ville d'Italie nommée Eugubio, un qui estoit fort tourmenté de jalousie, quand il vit qu'il ne pouvoit congnoistre si sa femme s'abandonnoit à autre, l'ayant menacée de luy jouer un mauvais tour, se chastra soy-mesme, afin que si elle devenoit grosse puis-après, elle fust incontinent convaincue d'adultère (i). Et comme un comte attire l'autre, en récitant ce second chastrement, il m'est

(i) Voy. Poggii Facetiœ : Optima lelotypi cautio.