CHAPITRE XVII 33 I

misères ? Il est certain que le Poitevin qui anciennement ne forgeoit qu'un procès sur la pointe d'une aguille, et maintenant ( comme j'ay dict) en forge demie douzaine, en forgeroit un quarteron pour le moins. Bref (selon mon opinion) il seroit expédient pour le soulagement du povre monde, que les procès fussent si espicez et si salez qu'il n'y eust homme, non pas diable, qui en peust avaler. Toutesfois, comme quand un meschant est tué par un autre qui ne vaut guère mieux, nous recongnoissons en cela la main de Dieu, exécutant ses jugements devant nos yeux, et ce nonobstant nous n'approuvons pas le faict du meurdrier : ainsi quand nous voyons ceux mesme qui ont grand tort de plaider et qui s'en pourroyent passer estre tourmentez en justice par toutes sortes, encore qu'ils reçoyvent le salaire qu'ils méritent par un juste jugement de Dieu, si est-ce que nous ne devons approuver ceux qui leur font tel payement. Voyons donc si de nostre temps les chiquaneurs traictent mieux leurs hostes ou leurs chalans, que du temps d'Olivier Maillard et de Menot ; et pour avoir plustost faict, escoutons ce qu'en dit le plus gentil des premiers poètes François (i) :

Là les plus grans les plus petis destruisent. Là les petis peu ou point aux grans nuisent. Là trouve l'on façon de prolonger Ce qui se doit et se peut abbréger :

Là sans argent povreté n'ha raison :

Là se destruit mainte bonne maison.

. Là biens sans cause en causes se despendent : Là les causeurs les causes s'entrevendent. Là en public on manifeste et dit La mauvaistié de ce monde maudict, Qui ne sçauroit sous bonne conscience Vivre deux jours en paix et patience.

/ 1) C. Marot, L'£n/er, V. 5i.

Un peu après :

Et cestuy-Ià qui sa teste descœuvre, En plaiderie a faict un grand chef d'œuvre. Car il a tout destruict son parentage, Dont il est craint et prisé d'avantage.

Et puis, parlant de diverses sortes de procès, qu'il accompare à diverses sortes de serpens :

Et ce froid-là, qui lentement se traine, Par son venin a bien sceu mettre haine Entre la mère et les mauvais enfans.

Ce qui est bien à propos de ce que Menot reprend souvent, à-sçavoir que les enfans plaidoyent contre leur mère. Ce poëte adjouste aussi comment les gens d'église, qui devroyent garder les autres de plaider, y sont les plus eschauffez, disant ainsi :

Pas ne diront qu'impossible leur semble D'estre Chrestien et plaideur tout ensemble : Ainçois seront eux-mesmes à plaider Les plus ardans.

Mais pour avoir plustost faict, il faut prendre tout ce que disent les prescheurs susdicts de la malheurté de leurs plaids, et puis tripler tout cela, pour avoir la somme des maux et misères des nostres. Quant aux présens que prennent les juges, le povre Menot ne s'en devoit tant rompre la teste, comme s'il y eust deu gangner quelque chose : car il y a tant de centaines d'ans qu'ils ont appris ceste leçon, et la trouvans plaisante, l'ont si bien retenue, qu'ils ne la peuvent oublier. Et mesmes quand il n'y auroit autre chose que le long temps depuis lequel ils commencent à jouir paisiblement de ce privilège, il est certain que par prescription