CHAPITRE XVII

mémorable qu'il joua à une honneste dame. Elle estant venue vers luy avec quelque espérance d'intercéder pour son mari, qu'il détenoit en prison, fut requise par luy du plaisir d'une nuict, à la charge de luy ottroyer tout ce qu'elle demandoit. Geste femme se trouvant fort empeschée (et qui est la femme aimant son mary d'un ardent amour qui ne l'eust esté?), d'un costé regardant la foy qu'elle romperoit à son mary, d'autre costé la vie qu'elle luy sauveroit, se conduisit fort sagement en cest affaire : car, combien qu'ell'eust pris sa résolution de préférer la vie de son mary à son honneur, toutesfois luy voulut premièrement communiquer. Luy donc l'en ayant aiseement dispensée (comm'il est vraysemblable), elle donna à monsieur le prévost le plaisir duquel il estoit désireux, se tenant toute asseurée qu'il luy tiendroit promesse. Mais au matinée meschant (voire trimeschantissime, si dire se pouvoit), après luy avoir faict pendre et estrangler son mari : « Je vous avois » (dit-il) « promis de vous » rendre vostre mari : je ne le garde pas, je le vous ' ren. » Si nous considérons la différence qui doit estre entre les Chrestiens et payens, trouverons-nous que les meschancetez de Verres (pour lesquelles nous le voyons estre ainsi canonné, voire foudroyé par l'éloquence Cicéroniane), ayent approché de cent lieues près d'une telle meschanceté, commise toutesfois à la veue de tout le monde? J'ay ouy conter souvent un autre traict du mesme prévost, lequel mérite bien (comm'estant aussi à propos de son intégrité) d'estre accouplé avec l'autre, pour estre mis ensemble en ces

potestas ad Gentonium rediit. « Lupani de Magistratibus et prcefecturis Francorum lib. III, p. 206, ouvrage imprimé à la suite de ; Joannis Tilii (Du Tillet) Commentariorum et disquisitionum de rébus gallicis libri duo nunc primum latine redditi. Franco/. Wechel, iSyy, in-fol. Cf. Des Périers, nouv. LXXX.

chroniques. Pendant qu'il estoit après pour faire pendre un homme, lequel estoit jà à l'eschelle, on luy vint dire à l'oreille que s'il le vouloit délivrer, on luy donneroit cent escus contant. Ausquelles nouvelles ayant pris goust, fit signe au bourreau qu'il attendist : et puis (ayant songé un' eschappatoire) s'approcha, et dist tout haut, parlant son barragouin : « Regardas, messeurs, » en quai dangié me metio aquest malhurous. Car el a » courone, et non m'oudisio pas. Lo mal de terre te » vire. Davala, davala : tu seras menât davant l'official » ton juge. » Mais encore sçay-je bien un autre tour plus estrange, joué par un ayant le mesme office. Cestuy-ci, d'une part désirant sauver la vie à un larron qui estoit tombé entre ses mains, à la condition qu'il participeroit au butin (comm'aussi ils en estoyent d'accord) : d'autre part considérant que le murmure seroit grand s'il n'en faisoit justice, et mesme qu'il se metteroit en grand danger, usa de ce moyen : c'est qu'il fit pendre un povre bon homme, auquel il dict qu'il y avoit long temps qu'on le cerchoit, et que c'estoit luy qui avoit faict un tel acte et un tel. Cest homme ne faillit à luy nier fort et ferme, comme celuy qui avoit la conscience nette de tout ce qu'on luy mettoit à-sus. Mais ce prévost estant résolu de passer outre, luy fit remonstrer qu'il gangneroit bien mieux de confesser, puisqu'aussi bien ainsi qu'en ça il luy faloit perdre la vie : et que s'il confessoit, le prévost s'obligeroit par son serment de luy faire tant chanter de messes qu'il pourroit estre asseuré d'aller en paradis : au lieu qu'en ne confessant point, il ne laisseroit d'estre pendu, et si iroit à tous les diables, d'autant qu'il n'y auroit personne qui fist chanter une seule messe pour luy. Ce povre homme, oyant parler d'estre pendu, et puis aller à tous les diables, se trouva fort estonné, et aima mieux estre pendu et puis aller en paradis. Tellement qu'en