CHAPITRE XVII

la fin il vint à dire qu'il ne se souvenoit point d'avoir faict ce dequoy on le chargeoit ; toutesfois que si on s'en souvenoit mieux que luy, et si on en estoit bien asseuré, il prendroit la mort en gré : mais qu'il prioit qu'on luy tinst promesse touchant les messes. Et n'eut plustost dict le mot qu'on le mena tenir la place de l'autre qui avoit mérité la mort. Mais quand il fut à l'eschelle, il entra en des propos par lesquels il donnoit à entendre qu'il se repentoit, nonobstant le paradis qu'on luy avoit promis. Pour à quoy remédier, ce prévost fit signe au borreau qu'il ne le laissast achever. Et ainsi fut faict. Or comm'estant par ceste histoire venu au comble de la meschanceté de telles gens, je changeray de propos.

Au demeurant donques, s'il faut que je parle des femmes des gens de la justice, aussi bien que Maillard et Menot en parlent, il est certain qu'elles ne se contentent pas maintenant (en quelques lieux) d'avoir des robbes teintes au sang des povres gens, ni d'en gangner à la sueur de leur corps, ainsi que celles dont parlent les prescheurs susdicts : mais font bien mieux leurs besongnes : car au lieu que celles-là ne gangnoyent à telle sueur que des habits somptueux, et ^es bagues précieuses, celles-ci outre tout cela y gangnent aussi des offices pour leurs maris. Et que disent ces honnestes damoiselles, quœ faciunt placitum domini abbatis, domini episcopi, domini cardinalis (comme parle Menot), quand elles voyent leurs maris ainsi eslevez par leur moyen ? qu'il fait bon avoir la faveur de grans seigneurs, et qu'on ne sçait où on en peut avoir à-faire. Mais si Menot ou Maillard revenoyent, il est certain qu'ils leur respondroyent en un mot (s'ils n'avoyent oublié leur Latin) ad omnes diabolos talem favorem!

Or puisqu'ainsi est, il est bien force que ce qui avenoit desjà du temps de Menot (comme nous congnois-

sons parles plaintes qu'il en fait), avienne encore plus du nostre : à-sçavoir que plusieurs des gens de justice prestent leur conscience aux grans seigneurs. Car puisqu'on ha d'eux les offices à si bon marché (c'est à dire par leur faveur), à moins ne peut-on ( ce semble à ceux qui ont les consciences larges comme les manches d'un cordelier : que les autres appellent consciences à pont levis) que de leur faire gangner leur cause, quand ilz auroyent le plus grand tort du monde. Je ne di pas toutesfois de tous ceux qui estans mariez sont avancez par les grands seigneurs, que leur avancement doive estre imputé à leurs femmes : mais seulement que ce moyen entr'autres ou est nouveau, ou pour le moins est beaucoup plus commun et ordinaire qu'il ne fut jamais. Quoy qu'il en soit, nostre siècle est plein d'exemples de telles gens de justice, qui aux despens de leur conscience (si toutesfois ils en ont une) veulent monstrer aux grans seigneurs qu'ils ne sont point ingrats : mais ont bonne souvenance du bien et honneur qu'ils ont receu d'eux, et qu'ils leur sont en tout et par tout très-affectionnez serviteurs, Toutesfois je ne daignerois prendre la peine d'amener exemples de ceux qui sur une telle querele ne se damnent qu'euxmesmes : mais j'en amèneray un fort notable d'un lieutenant civil, auquel je ne pense faire non plus de tort en le couchant sur mon papier, qu'on luy fit à Paris l'an i557 de le coucher ou estendre alentour du pilori. Ce vénérable lieutenant (i) voulant monstrer mieux encores que jamais, qu'il estoit musnier en matière de conscience, aussi bien que de nom ( ce qui soit dict néantmoins sans toucher à la bonne renommée des musniers qu'on trouvera gens de bien), et voulant monstrer à un grand seigneur combien il estoit à

(i) Jean Munier; vo}-. De Thou, liv. XX, sous l'année i558.