CHAPITRE XVII

son commandement (voire voulant faire, comm'il est croyable, beaucoup plus qu'on ne luy commandoit), ne se contenta pas d'avoir jà donné son ame à tous les diables pour cest effect, mais usa de telle rhétorique à-I'endroit de plusieurs personnes, qu'il leur persuada d'y envoyer les leurs, pour faire compagnie à la sienne. Car il fut si aspre à la poursuite d'un procès contre la comtesse de Senigan (i) (laquelle on chargeoit à tort d'avoir faict eschapper le duc d'Ascot, prisonnier au bois de Vincennes), qu'il vint jusques à suborner un grand nombre de témoins contre icelle, s'aidant en ceci d'un commissaire nommé Bouvot : mais l'un et l'autre eschappans à bon marché, après avoir esté condamnez pour crime de faux commis à l'instruction du procès contre la dicte dame, firent amende honorable, puis furent piloriez aux haies, et reléguez. Or ne sont-ce point tels petis compagnons seulement qui employent leur conscience pour les seigneurs à la dévotion desquels ils sont : tesmoin ce que dict un chancelier (2) en mourant : « Ha, cardi- » nal, tu nous fais tous damner. » Ce que toutesfois soit dict sans préjudicier à l'honneur de son successeur, lequel (comme chacun sçait) conjoind à son grand

(i) Françoise d'Amboise, mère du prince de Porcien, un des chefs du parti huguenot; voy. Lettres d'Antoine de Bourbon et de Jehanne d'Albret, publ. par M. de Rochambeau, 1877, p. 289.

(2) François Olivier, né en 1497 à Paris, mort le 3o mars i56o à Amboise. Le mot d'Olivier est rapporté par Régnier de la Planche, Histoire de l'estat de France sous le règne de François II, 1576. De Thou, liv. XXIV, donne un récit plus vague : « Ce personnage, » ajoute-t-il, « était très-digne de la place éminente qu'il occupoit, s'il y eût été élevé dans des temps moins fâcheux et si les premiers ministres qui de son temps gouvernoient l'Etat, eussent écouté plus favorablement ses sages conseils. » Il était patriote, car lorsque Ferdinand I»"envoya l'évêque de Trente redemander Metz, Toul et Verdun (iSSg), il dit dans le conseil qu'il fallait faire trancher la tête à celui qui favoriserait les demandes de l'Empereur. Son successeur fut Michel de l'Hospital.

sçavoir une si grande intégrité, qu'il pourra servir d'un exemple rare à la postérité.

Mais pour retourner aux faux tesmoins et à la subornation d'iceux (à-fin d'en parler plus amplement), je confesse que ceste meschanceté est fort ancienne, voire de toute ancienneté : mais toutesfois je pense que jamais auparavant on ne l'avoit veue montée à un si haut degré qu'on l'a veue en nostre siècle. De quoy semble pouvoir faire foy entr'autres choses une response qui depuis est venue comm'en proverbe : à-sçavoir de celuy qui estant interrogué de quel mestier il estoit, respondit qu'il estoit du mestier de tesmoin. Car il est certain que ceste response ne peut estre eschappée à autre qu'à celuy qui estoit du lieu où plusieurs faisoyent mestier et marchandise de tesmoigner (i). Bien est-il vray qu'on doit présumer que ses compagnons n'eussent pas respondu tant à la bonne foy. Je me doute toutesfois d'un' objection que quelcun me pourra faire, à-sçavoir qu'il est vraysemblable, le nombre des faux tesmoins n'estre si grand pour le jourd'huy qu'il estoit il y a quelques années, pourcequ'on n'en voit pas tant pendre. Mais je luy nieray incontinent la conséquence : car nous voyons par expérience en quelques lieux où il se commet moins de forfaicts, estre exécutez plus de gens par justice qu'en autres où il s'en commet beaucoup d'avantage : dont s'ensuit que par les exécutions que faict la justice d'un lieu souvent ou rarement, nous ne devons pas juger du grand ou petit nombre des malfaicteurs, à comparaison de celuy qui est ailleurs, ains seulement de la vigilance et droicture

(il Voy. Rabelais, V, 3i.

Un grand homme sec, là, qui me sert de témoin Et qui jure pour moi lorsque j'en ai besoin.

Racine, Plaid., I, 6.