CHAPITRE XVII
ment envers son adverse partie, qui estoit le seigneur de Beaumont La Ronce, sous espérance d'une pièce de six mille francs que cestuy-ci luy avoit promise.
Quant aux ruses, subtilitez, cautelles, finesses de plaidoyerie, pleust à Dieu que nous n'en eussions que le quadruple, et qu'un apprenti de nostre temps n'en sçeust qu'autant qu'un des meilleurs maistres du siècle précédent. Desquelles toutesfois je ne donneray pour ceste heure que deux exemples, mais qui en vaudront bien deux douzaines d'autres. Le premier est d'une finesse fondée sur la rigueur des formalitez de justice ( à propos de ce que nous lisons en Térence, Summum jus summa scepe injuria est) (i) et est tel : Le procureur et conseil d'un certain seigneur demandeur en retraict lignager, corrompus et ayans intelligence avec le conseil et procureur de la partie adverse, firent faire le remboursement manuellement et de faict par ledict demandeur : mais ce ne fut pas sans luy rendre frauduleusement la clef de la bougette (2) en laquelle estoit la somme : à fin qu'avenant puis-après ( comme il avint) que le défendeur se présentas! pour estre rem-
(i) Térencc a dit : Dicunt, jus summum sœpe summa est malitia, Heaut. IV, 5, et Cicéron : Summum jus, summa injuria, De off., I, lo. Voy. aussi le Pro Murena, XII, où Cicéron se laisse aller au plaisir de ridiculiser la science des jurisconsultes. Columelle, Rei rusticœ 1. I : Summum jus antiqui summam putabant crucem. — Summum jus, summa crux, S. Columban, I, 7, à la suite du Caton de Bernhold, 1784, in-8». Cf. Celsus, Pandect. 45, de verborum obligatione. et Paulus, ib. 5o, De regulis juris.
(2) « Diminutif de bouge, bulgula, qui est un mot que les Latins ont imité des anciens Gaulois. Mais le François, par ce diminutif, entend ce petit coffret de bois de bahu et tenu couvert de cuyr, feutré ou bourré entre cuyr et bois par dessous, afin qu'il ne blesse le cheval, et ferré de petites listes de fer blanc par dessus le couvercle qui est voûté et d'un pied et demi de long ou environ, quelque peu moins de large, fermant à serrure et à clef, que les femmes portoient anciennement pendu à courroyes de cuir double, à l'arçon de devant la selle de leur palefroy, quand elles alloient aux champs... » Nicot. Ajoutons que bougette est devenu en anglais budget, qui nous est revenu vers 181 5
bourse au dedans du terme limité, et que le dépositaire luy respondist (comme il fit) qu'il ne pouvoit bailler l'argent sur l'heure, mais qu'il faloit attendre qu'il eust retiré la clef, il protestast comme de refus, et fust dict la consignation n'avoir point esté deuement faicte: et par conséquent que ledict demandeur fust débouté de ses conclusions. Comme aussi il avint. L'autre exemple est d'une ruse merveilleuse, inventée pour sauver la vie à un criminel : et est tel. Guillaume Parent, estant condamné par l'assesseur de Poictiers d'estre bouilli en l'huile comme faux monnoyeur, et l'appel interjette ayant esté mené à Paris, un jour devant que les vint tesmoins luy fussent confrontez, averti par son procureur Belucheau, et l'ayant prié de luy envoyer un crocheteur qu'il jugeroit estre de bon esprit (auquel il promettoit dix escus), luy donna ceste instruction par la bouche dudict crocheteur: à-sçavoir qu'il se trouvast le soir au logis desdicts tesmoins en habit desguisé, et faisant semblant d'estre aussi tesmoin : et qu'en souppant avec eux, mist ce propos en avant que Parent contre lequel ils estoyent venus, eschapperoit aussi bien ceste fois comme il avoit plusieurs autres. Ce qu'ayant esté faict ainsi par ledict procureur, tous bien eschauffez voulurent gager contre luy le contraire et de faict gagèrent chacun un teston. Dequoy ledict procureur prit acte de deux notaires, qu'il avoit secrettement attirez pour cest effect. Lequel acte bien authentique il fit tenir audict Parent: qui le lendemain, à la confrontation de ses témoins, ainsi qu'on luy demandoit à la façon accoustumée, s'il les tenoit pas pour gens de bien, et s'il en vouloit reprocher quelcun, fit responce qu'ils estoyent tous aussi gens de bien envers luy comme Judas envers Jésus-Christ. «Car» (dict-il) «ils ont juré ma mort : et qu'ainsi soit, voilà » dequoy. » Or comme chacun me confessera que ceste
