CHAPITRE XVII

disant : « Sire roy, je m'adresse à toy, comme à mon souverain : et me plain d'un des varlets de ta chambre, si comme je suis informée. II est huy et n'aguères venu et entré en ma maison : et le laict de ma chèvre (lequel j'avoye pourveu pour moy et pour mes enfans passer la journée ) il m'a heu et mangé outre ma volonté. Bien luy ay dict que s'il me faisoit tels outrages, je m'en plaindroye à toy : et si très-tost que j'ay eu dict la parolle, il m'a donné deux paumées (i) : et ne s'en voulut pas déporter pour le nom de toy. Sire roy, tien justice (comme tu l'as jurée tenir à ton peuple), par quoy je soye contente et de ce mesfait satisfaite, et que toutes gens congnoissent que tu veux tenir ton peuple en justice et en droicture. » Le roy entendit aux paroles de la femme, et dict : — « Volontiers. » Adonc fit-il venir le varlet Turquois, et amener devant luy, et la femme aussi, et fit à ladicte femme renouveler sa complainte. Le varlet (qui douta fort le roy) se commença moult fort à excuser, et dire que de tout ce il n'estoit rien. La femme ( qui cause avoit) parla bien sagement et asseureement, et afferma que ses paroles estoyent véritables. Adonc le Roy s'arresta, et dit : — « Femme, » avise-toy: si je treuve à bourde tes paroles, tu mour- » ras de mauvaise mort. » La femme respondit, et dit : — « Sire, je le vueil. Car si ce ne fust vérité, je n'au- » roye nulle cause de me mettre en ta présence. Et tien » justice : je ne te demande autre chose. — Je la tien- » dray » (dict le Roy), « car je l'ay jurée à tout homme » et à toute femme en mes seigneuries. » Adonc fit tantost prendre le varlet par les autres varlets à ce ordonnez : et luy fit ouvrir le ventre. Car autrement ne pouvoit-il sçavoir s'il avoit beu et mangé le laict.

(i) Soufflets.

On trouva qu'ouy. Car encores il n'estoit pas tourné au ventre du varlet à digestion. Quand le roy vit ce, et entendit par ses ministres que la querele de la femme estoit bonne, si dict à la femme : — «Tu as eu » cause de toy plaindre, or t'en va quitte et délivre : » tu es vengée du mesfait qu'on t'a faict. » Et luy fit délivrer et recouvrer tout son dommage : et le varlet fut mort qui ce délict avoit faict. Ce jugement de l'Amorabaquin virent les seigneurs de France, qui pour lors se tenoyent et estoyent en sa compagnie. » Voilà quelle est l'histoire dont j'ay voulu accompagner ceste-là d'Hérodote : pource qu'elles me sembloyent aucunement conformes en sévérité, encore que les faicts soient différens, et la qualité des personnes envers lesquels la sévérité a esté exercée. Bien est-il vray que celle de ce roy Amorabaquin semble mériter le nom de cruauté et témérité, d'autant que le larrecin duquel il fait punition, estoit léger et non avéré : mais il est vraysemblable qu'il regardoit à espouvanter les autres par cest exemple. Or pourrois-je bien amener plusieurs autres exemples de rigueur et sévérité de justice exercée par les juges contre leurs proches parens mesmement: et sans aller loin], on pourroit trouver en nos chroniques des princes qui auroyent faict le tour : mais ce qui devroit encore plus esmouvoir les princes à faire justice ( s'ils ne veulent avoir esgard à celuy qui leur en fera rendre conte un jour), est l'exemple de ceux qui par faute d'icelle ont premièrement ruiné et puis perdu leur pays. Que si nous voulions regarder combien le changement est grand aussi bien en cest endroit qu'es autres, nous aurions fort grand' occasion d'estre estonnez. Car il est certain que cinquante grâces se donnent aujourdhuy plus aiseement que ne se donnoyent cinq il y a environ deux cents ans. Et mesme nous oyons parler d'un juge