CHAPITRE XVIII

de la guerre, nous l'aurions appris à l'eschole de ceux desquels nostre language retient les mots. Toutesfois, pource qu'en un autre livre (i) j'ay amplement deschargé mon cueur touchant le tort que nous nous faisons en cest endroit, vendans nostre honneur à ceux desquels nous empruntons quelques malheureux petis mots, je ne poursuivray pour le présent plus avant ce propos : mais retournant au mien, diray que soit pour la raison alléguée, soit pour autre (car on dit volontiers que de toute taille bons lévriers), la commune opinion est que les brigandages sont plus rares en Italie qu'ailleurs. Ce que disant, j'enten par brigans, les larrons qui ne se fians point à leur subtilité, mais seulement à leur force et à l'adresse qu'ils ont aux armes, conjointe à une hardiesse et grand courage, vont assaillir les passans, en intention de perdre la vie, ou de gangner du butin (2). Car en toutes autres sortes de larrecins je confesse que les autres nations ne les passent point : ains plustost qu'eux les passent en quelques sortes, et notamment en subtilitez d'afFrontemens, lesquels plusieurs François arrivans nouvellement apprennent à leurs despens. Ce que toutesfois je di des larrecins, je ne veux pas qu'il soit entendu de tout ce pays également : car je confesse qu'allant de Romme à Naples, et aussi retournant avec le courrier ordinaire, qu'on appelle le pro-

et dans la Confession de Sancy, ch. X : « De capitaine prince souverain, de prince poltron, de poltron banny... »

Montaigne, III, 7 : (. J'ai ainsi lame poltronne que je ne mesure pas la bonne fortune selon sa haulteur; je la mesure selon sa facilité. » — Le passage du sens de paresseux à celui de couard peut se signaler chez Bouchet, Serée 25 : « Nous voyons ceux qui se vantent et menassent estre plus poltrons et couards que ceux qui ne disent mot. » L'italien poltrone vient de poltrire, se dorloter au lit, s'apparesser, comme dit Du Bellay, AmpLe discours au Roy.

(i) Traité de la Conformité, i565.

(2) Voy. sur les divers sens de brigand, la Précellence. p. 370.

caccio, je voyois faire un tour à plusieurs, de peur qu'ils avoyent des larrons, lequel je n'avois point veu faire en autre part d'Italie : c'est que bien-tost après estre arrivez à l'hostelerie, ils desselloyent leurs chevaux, et emportoyent les selles en leurs chambres, en lieu où ils les peussent tousjours avoir devant les yeux, pendant qu'ils prenoyent leur repas. En laquelle peine n'estant point, ni aussi quelques miens compagnons (car pour un escu que chacun de nous donnoit audict courrier par jour, comm'est l'ordinaire, il nous montoit et faisoit les despens), je ne laissois pourtant d'avoir pitié de ceux que j'y voyois estre. Et m'avint une fois entr'autres de dire qu'ils imaginoyent le danger plus grand qu'il n'estoit, selon mon opinion : comme n'estant vraysemblable qu'il se trouvast larron tant présumant de sa subtilité qu'il osast entreprendre un tel larrecin. Lequel propos (sans que j'y eusse pensé à mal) porta grand dommage à un Flamend qui estoit en la compagnie : car s'estant laissé par iceluy persuader, ne voulut le lendemain faire comme les autres qui emportoyent les selles de leurs chevaux : mais aussi après le disner il ne la retrouva comme les autres. Et alors je confessay que ces diables de larrons estoyent plus noirs que je ne les estimois. Mais ce voyage m'a faict souvenir d'un'objection laquelle on me peut faire sur ce que j'ay dict des brigandages d'Italie, à-sçavoir qu'ils estoyent plus rares qu'ailleurs. Car on me pourra objecter qu'ils sont si grans sur ce chemin de Romme à Naples que c'est l'occasion pour laquelle on est contraint de se mettre en la compagnie dudict courrier : lequel ne se tient asseuré qu'il ne voye sa troupe estre pour le moins de cinquante à soixante chevaux (si toutesfois ceste coustume a continué depuis). A cela je respon que ces fuorusciti, c'est à dire bannis, lesquels tiennent les passages, ne méritent tant