CHAPITRE XVIII
d'honneur que d'estre mis du reng des braves brigans ou voleurs qui sont ailleurs. Et la raison est, pource qu'au lieu que ceux-ci ordinairement ne craindront d'assaillir un plus grand nombre, ces ftiorusciti au contraire n'assaillent pas volontiers (ainsi que j'entendois alors) qu'ils ne soyent deux contr'un. Toutesfois à eux soit le de'bat : de ma part je proteste que tant s'en faut que je vousisse porter envie à l'Italie de ce qu'ell'auroit force braves brigans, que plustost je luy souhaiteroye tous ceux qui pourront estre en France et en Allemagne entreci et dix ans.
Sortant donc d'Italie' (en laquelle je suis entré plus avant que ma délibération n'estoit), je revien à ma France : de laquelle estendant le nom jusquesaux pays circonvoisins, je parleray d'un gentilhomme Savoyen (i) exerceant ses brigandages dedans ou auprès de sa maison qui estoit entre Lyon et Genève : du nom de laquelle maison on l'appeloit monsieur d'Avenchi. Et je parleray de luy comme ayant quelque humeur particulière entre plusieurs autres brigans, et mesmes estant brigand de meilleure grâce que le commun d'iceux (s'il est licite d'ainsi parler), et tenant quelque chose de cest archi-brigand mentionné ci-dessus (au titre des larrecins de nostre temps), qui fut du temps de l'empereur Sévère. Car entr'autres choses il avoit ceci de meilleur, qu'il se contentoit souventesfois de partir avec ceux lesquels il destroussoit, quand ils se rendoyent de bonne heure, et sans attendre qu'il se fust mis en cholère. Mais ce dont au contraire on luy vouloit le plus de mal pour lors, c'estoit qu'il en vouloit fort aux moines et moinesses, et prenoit son passe-
( I ) Estienne dit Savoyen comme Bonnivard (Advis et devis dès lengués}, ce qui vaut mieux que Savoisien, qu'Estienne emploie au ch. 36, et qui a été consacré au xvu« siècle ; voy, Vaugelas, Nouv. rem. Paris, 1690.
temps à leur jouer plusieurs tours, qui estoyent (comm'on dit en proyerhe) jeux de princes (i), c'est-à-dire, jeux qui plaisent à ceux qui les font. Toutesfois je me tairay de ce qu'il fit à quelques nonnains, et à celles de saincte Claire de Genève, entr'autres : et parleray seulement de deux siens actes (ou plustost d'un divisé en deux parties), par lesquels il rendit deux Cordeliers premièrement bien joyeux, et puis bien faschez. Ayant receu ces deux Cordeliers en son chasteau, et leur ayant faict bonne chère, leur dict que pour parachever le bon traitement, il leur vouloit donner des garses, à chacun la sienne, Dequoy eux ayans faict refus au commencement, il les pria de se monstrer privez (2) en son endroit, d'autant qu'il considéroit bien qu'ils estoyent hommes comme les autres : et en fin les enferma ensemble en une chambre, où les retournant trouver au bout d'une heure, ou environ, leur demanda comment ilz s'estoyent portez en leur nouveau mesnage. Et ayant entendu qu'ils avoyent faict exécution, — « Comment, meschans hypocrites» (dict-il), « est-ce ainsi que vous surmontez la tentation ? » Et là-dessus furent ces povres Cordeliers despouillez nus comme quand ils vindrent du ventre de leurs mères, et après avoir esté tant fouettez que les bras de monsieur et de ses valets pouvoyent porter, furent renvoyés
(1) Cf. ch. XIX, ainsi que ce passage delà Precellence, p. 255 : « Qui voit la maison de son seigneur, il n'y a proufit ne honneur, pourquoy est dict ceci ? que nuit-il de voir la maison de son seigneur ? Il faut donc entendre voir de sa maison celle de son seigneur. Or de ce voisinage tant prochain (car il ne faut pas entendre de celle qu'on voit, encore qu'elle soit fort loin) il est certain qu'il peut venir plustost mal que bien, et d'autant plus de mal que plus il est dangereux de plaidoyer contre son seigneur. » Voy. encore La Fontaine, Fab. IV, 4 : le Jardinier et son Seigneur, et Camerarius, Fabula JEsopicce, Lipsiœ, 1564, in-S», fab. 416.
(2) Familiers.
