CHAPITRE XVIII

les jours par expérience. Et ce qu'il a dict en un autre passage,

Corpora magnanimo satis est prostrasse leoni : Pugna suumfinem, quum ^acet hostis, habet (1),

ne peut cstre mis en doute par ceux qui ont leu la description du naturel de ceste beste, ou qui euxmesmes ont considéré ses façons de faire : comme j'ay considéré autresfois en un lion ceste manière qu'il avoit de pratiquer ce précepte de Virgile, contenant le devoir des vaillans et généreux hommes, Parcere subiectis, et debellare superbos (2) : c'est qu'il caressoit (si on peut ainsi dire) les petis chiens qu'on luy mettoit devant, et les mignardoit : et au contraire les grans qu'on luy présentoit cependant mesme qu'il se jouoit des petis, il les dévoroit incontinent, les mettant par pièces. Et mesmes au regard de ce que nous lisons de la harpe d'Orpheus, par le moyen de laquelle il amollissoit les cueurs des bestes sauvages, combienque cela soit dict poétiquement, et se doive ou pour le moins se puisse entendre de l'éloquence par laquelle il gangnoit les cueurs des hommes, quelques barbares qu'ils fussent, si est-ce que quant au lion pour le moins, nous ne pouvons nier qu'il ne prenne plaisir aux sons des instrumens de musique. Dequoy j'ay veu l'expérience en un fort grand lion qui estoit en la tour de Londres. Car pendant que moy et quelques autres le regardions, arriva un de ceux qui vont par les maisons jouans du violon (comme le nombre de telles gens est grand en ce pays-là), lequel n'eut pas plustost commencé à sonner que ceste beste, laissant la chair qu'elle

(i) Trist.,\. III, élég. V, V. 33.

(2) Enéide, VI, 854.

mangeoit, commença aussi à tournoyer, comme usant d'une façon de danse. Et autant de fois que luy laissoit de sonner, ceste beste cessoit aussi de tournoyer, et reprenoit sa chair : autant de fois qu'il retournoit à sonner, elle recommençoit aussi ses tournoyemens. Ce que je ne me contentay d'avoir veu une fois, mais y retournay encore depuis, y menant quelques-uns ausquels j'en avois faict le récit, sans leur pouvoir persuader : menant aussi un homme exprès qui jouoit de quelque autre sorte d'instrument. Et autant en fit ceste beste que la première fois : il est bien vray qu'elle ne tenoit point de chair alors. Voilà comment (attendu aussi ce que plusieurs auteurs nous en racontent) il est à présupposer qu'il y a plus d'humanité et d'honnesteté généreuse en aucunes de ces bestes sauvages, qu'en aucuns hommes, soyent brigans, ou autres. Pour le moins la pitoyable histoire du voyage des François en l'Isle des Indes, dicte vulgairement la Floride (i) (qui fut l'année dernièrement passée), rend et rendra atout jamais ce tesmoignage de quelques Espagnols : car là nous lisons, entre mille autres traistresses cruautez, que ceux qui aimèrent mieux s'aller rendre à la merci des Espagnols qu'à la merci des bestes sauvages, furent misérablement esgorgez par eux : au contraire ceux qui aimèrent mieux s'abandonner à la merci des bestes sauvages et à une infinité d'autres dangers eschapperent. Or d'autant plus grande voyons-nous estre la cruauté de quelques hommes, et mesme d'autant plus cruels nous estimons estre naturellement tels brigans Arabes, d'autant plus esmerveillable doit estre trouvée l'histoire, le récit de laquelle m'a faict un peu laisser le droict fil de mon argument.

(i) En i564, les Espagnols, jaloux de l'accueil qu'on faisait aux Français en Floride, les surprirent, et, après les avoir faits prisonniers, les pendirent et écorchèrent leur chef François Ribaut.