CHAPITRE XVTII 3'jb

Lequel poursuyvant, je di que comme il y a grande différence entre les incestes et la paillardise simple, aussi nature nous apprend que le meurdre commis en la personne d'un parent nostre ou allié, est crime beaucoup plus horrible que celuy qui seroit commis en la personne d'un qui ne nous attoucheroit point, et encore plus celuy qui est commis en la personne de père ou mère, femme ou enfans, frère ou seur : ou bien par le père ou la mère en la personne de l'enfant, et ainsi conséquemment par réciproque. Mais toutesfois si nous voulons dire la vérité, il nous faut confesser que depuisque le mestier d'assasins est venu en usage, que nostre siècle n'est moins fertile de meurdres ordinaires et extraordinaires qu'il est de ces deux sortes de paillardise. Mais je ne fay nul doute que les homicides en la personne des parens, voire des frères, voire des père et mère, n'ayent esté plus eschauffez du temps des Guelphes et des Gibelins qu'ils n'avoyent oncques esté entre ceux qui se donnoyent le titre de Chrestiens. Laquelle chaleur ou plustost fureur a duré en Italie jusque dedans nostre siècle, tant pour ceste mesme querele, que pour autres partialitez, comme déclarent assez les histoires de ce pays-là : et comme encore pour le jourdhuy on entend plus particulièrement quand on est sur les lieux. Comme (pour exemple) allant moy troisième de Florence à Siene deux jours après qu'elle fut rendue au duc de Florence au nom du roy Philippe, j'entendi par le chemin choses estranges d'un vieillard qui estoit natif d'auprès de Siene, lesquelles sont bien à ce propos, et pourtant méritent d'estre ici racontées. Ce vieillard, ainsi que nous luy demandions qui estoyent les choses les plus dignes d'estre remarquées en Siene, — « Hélas » (disoit-il), « mes enfans, que pensez-vous voir mainte- » nant à Siene? Siene n'est phis Siene ; vous n'y verrez

» que l'horrible vengeance de Dieu. » Luy ayans demandé dequoy il entendoit ceste vengeance, — « J'ay » veu » (respondit-il) « maintes et maintesfois de ces » deux yeux-ci les parens ensanglantez du sang les « uns des autres, voire aucuns du sang de leurs propres » frères, pour des quereles qui estoyent quasi de » ne'ant. » Et puis il ajousta que la coustume estoit de tremper ses mains au sang de ceux qu'on avoit tuez, et après s'en estre frotte' le visage, s'aller présenter à ses compagnons avec ceste belle marque. Lesquelles choses et autres semblables ce bon vieillard aagé de plus de quatre-vints et dix ans ne nous racontoit sans jetter force larmes : et toutesfois d'autre costé, remercioit Dieu qu'il luy avoit faict la grâce de le laisser tant vivre qu'il en veist faire la vengeance. « Car il )) m'est quelquefois avenu « (disoit-il) » de douter s'il y » avoit un Dieu, pource que je voyois des actes si » horribles demeurer impunis. » Voilà le bon rapport que ce vieillard nous faisoit de son pays. Mais pleust à Dieu qu'il nous falust aller jusques-là cercher des exemples de telles pitiez, et que nos guerres civiles ne nous eussent point relevé de ceste peine, nous en fournissans de tant qu'on ne sçauroit par quel bout on devroit commencer ce piteux récit. Toutesfois nous trouvons aussi ailleurs des exemples plus qu'il ne seroit à souhaiter. Et mesme desjà parcidevant j'en ay allégué quelques-uns es pages 147 et 148, au chapitre par lequel je préten prouver que le siècle précédent avoit eu des meschancetez encore plus grandes que celles qui estoyent déclarées par les prescheurs mentionnez ci-dessus. Aux exemples duquel siècle j'ajousteray encores un (avant que venir à ceux du nostre), pris du mesme auteur dont j'ay extraict quelques autres, à-sçavoir de Pontanus. Et en choisiray un lequel notamment vient à propos de ce que j'ay dict des