CHAPITRE XVII

ordonnez pour le colloque de Reinsbourg (du nombre desquels estoit Martin Bucer) (i), en fut totalement destourné par eux tous d'un commun accord, pource que ledict Alphonse leur estoit suspect : et se doutoyent que la conversion de laquelle il se vantoit, ne fust que hypocrisie. Estant donc cest Alphonse frustré de ses desseins, pria son frère Jan de luy faire au moins compagnie jusques à Ausbourg. Dequoy aussi ayant esté dissuadé ledict Jan, Alphonse se délibéra de s'en aller sans luy, ne menant avec soy qu'un homme, qui luy servit depuis de bourreau, comme nous orrons tantost. Et pour le faire court, Alphonse ayant laissé son frère à Neubourg (après l'avoir exhorté à persévérer constamment en la profession de la vraye religion, et luy avoir monstre tous signes d'amitié fraternelle en prenant congé de luy, mesmes après l'avoir contraint de prendre quelqu'argent duquel il luy faisoit présent), s'en alla à Ausbourg, avec celuy que j'ay dict. Delaquelle ville Alphonse ayant incontinent repris son chemin vers Neubourg, y arriva le lendemain au matin, avec celuy que j'ay dict : et ayans laissé leurs chevaux à l'entrée de la ville à un autre troisième lequel ils avoyentfaict demeurer avec eux, entrèrent dedans, et s'en allèrent en la maison où estoit logé ledict Jan, le jour commençant seulement à poindre. Celuy donc que menoit Alphonse, frappa à la porte, et demanda à un garson qui vint ouvrir, où estoit Jan Diaze, auquel il disoit apporter des lettres de son frère Alphonse. Ce qu'ayant entendu Jan par ce garson, se leva du lict en sursaut, d'auprès un sien ami : et ayant pris un manteau seulement, sortit de la chambre et entra au

(i) Bucer, né à Schlestadt en 1449, mort à Cambridge en i55i. Il changea son nom allemand de Kuhhorn, corne de vache, en celui de Bucer (de ^o^ç, el xspa;). Robert listienne imprima de lui : Psalmorum ■ libri enarrati, Geiiev., i554, in-folio.

38û APOLOGIE POUR HERODOTE

poisle : où il fit venir celuy qui luy apportoit ces lettres de son frère (ledict frère demeurant cependant au pied des degrez). Lequel estant entré présenta audict Jan ses lettres : qui s'approcha de la fenestre, pour les lire plus aiseement, d'autant qu'il n'estoit encore grand jour. Or cependant qu'il s'amusoit à les lire, le porteur d'icelles estant derrière luy, frappa ce sainct personnage en la temple (i) dextre, d'une hachette laquelle il tenoit cachée sous son manteau. Lequel coup fut tel qu'il ne luy donna loisir de jetter un seul cri. Après cela, de peur que le corps qui estoit presque mort, ne tombast de son haut sur le planché de la maison, et par ce moyen fist bruit, ce bourreau le posa bas luy-mesme tout bellement; et laissant la hachette bien avant enfoncée en la teste d'iceluy, s'en retourna vers ledict Alphonse, frère dudict Jan, ainsi malheureusement massacré : lequel Alphonse l'attendoit au bas des degrez, comme il a esté dict. Là-dessus l'ami et compagnon de ce povre Jan, qui estoit demeuré au lict, entrant en quelque souspeçon, se leva, ayant désir de voir qu'il faisoit. Estant donc sorti de la chambre pour entrer au poisle, premièrement il ouit les espérons des meurdriers, qui estoyent encores en bas au pied des degrez : et pourcequ'il ne sçavoit s'ils montoyent ou descendoyent, il ferma la porte du haut des degrez. Mais hélas, c'estoit trop tard, ainsi qu'il congneut par le triste spectacle qui se présenta à ses yeux incontinent qu'il fut entré : non sans un tel effray (2) que chacun peut penser. Et si tost qu'il put reprendre haleine, approcha de ce corps gisant en terre, ayant les mains ployées,

(i) Au XI» siècle temple est masculin, il l'est au xvi« dans A. Paré. L'Académie, dans les Observ. sur Vaugelas, dit qu'il faut écrire et prononcer temple. Mme de Sévigné l'a encore employé.

(2) Esfrei se trouve dans la Vie de Thomas Martyr, xii« siècle. Au xiue le roman de Berte donne esfroy .Effrai se lit dans Monet ( i63o).