CHAPITRE XVllI 38 I

et levant les yeux au ciel, comme s'il eust voulu prier. Puis luy tira la hachette hors de la teste, et apperceut qu'il y avoit encore quelque peu d'esprit vital, qui luy dura depuis environ un'heure : tellement que quand il oyoit parler de Dieu, il faisoit quelque petit signe des yeux. Alors il appela ceux de la maison, lesquels furent tesmoins de ce piteux spectacle. Or quelle justice fut faicte d'eux estans pris, on ne sçait ': et tient-on plustost qu'ils demeurèrent du tout impunis, d'autant que l'Empereur Charles V, à la solicitation du Pape escrivit en leur faveur, à ce que leur procès fust suspendu, et que luy avec son frère Ferdinand (sous la jurisdiction duquel ils avoyent esté pris) évoquoit à soy la congnoissance. Et de faict on dit qu'en la ville d'Isproug (i), quelques Espagnols n'eurent point honte de dire qu'il n'y avoit aucun mal en ce meurdre : et que celuy qui tuoit un hérétique, estoit absouls par le Pape. Oyons maintenant un autre acte semblable quant au faict, mais fort différent quant aux circonstances. Je di semblable quant au faict, pource qu'il est question d'une mesme sorte de meurdre, à-sçavoir commis en la personne du frère; mais fort dissemblable quant aux circonstances, et spécialement quant à une, qui le fait trouver autant estrange que meurdre que soit peut-estre advenu depuis mille ans. Cette circonstance est le bas aage d'un Caïn tuant pareillement le povre Abel. J'ay doncques ouy raconter qu'environ l'an 1 547, en un village de France qui est près de Dammartin en Guole (2), un enfant qui n'estoit que de cinq à six ans conceut une telle envie contre son frère, pource qu'on luy donnoit la plus grosse pièce de pain, qu'il le tua sur le

(i) Innsbruck.

(2) M. Ern. Desjardins, Géographie de la Gaule romaine, p. 4.52, dit que le pays de Goëlle répond au pays des Silvanectes, mais il n'explique pas le mot Goëlle.

champ, du cousteau qu'il se trouva en la main. Laquelle histoire est un très-beau miroir de la meschanceté laquelle, quant à nostre naturel, couve en nos cueurs, non-seulement dès nostre bas aage, mais sitost que nous sommes sortis du ventre de la mère, et se descouvre incontinent que nous avons une goutte de ratiocination.

Quant aux maris meurdriers de leurs femmes, tout est plein d'exemples, en Italie principalement, suyvant ce que j'ay dict parcidevant : et pourtant il n'est jà besoin d'en alléguer. Je ne me puis tenir toutesfois d'en mettre deux, qui sont de meurdres fort extraordinaires, c'est à dire dont la procédure est fort extraordinaire. Car au lieu que volontiers telles exécutions se font en cholère, ces deux-ci se trouvent avoir esté faictes de sens rassis. L'une est d'un Milanois, lequel (comme il me fut conté auprès de Milan il y a environ douz'ans, peu de temps auparavant) après avoir entendu en France que sa femme se gouvernoit mal, et (comme il est à présupposer) en estant bien informé, prit la poste pour plustost arriver en sa maison à Milan : où estant arrivé, sans monter jusques en haut, fit là appeler sa femme : laquelle l'estant incontinent venue caresser, comme celle qui se resjouissoit fort de la venue de son mari, receut par luy d'un coup de dague une contrecaresse et un merveilleux rabat-joye, non sans estre appelée plusieurs fois vilaine et meschante, desloyale et traistresse. Après lequel coup, ayant laissé sa femme en tel estât qu'il n'avoit plus peur qu'elle luy jouast mauvais tour, remonta à cheval. L'autre exemple est d'un de Suisse, qui ayant surpris sa femme en paillardise, porta patiemment cest'injure pour lors : mais lui ayant pardonné à la chaude (au contraire de ce qu'on voit avenir ordinairement), la tua quelques jours après de sens froid : disant qu'il ne luy estoit possible d'endurer une femme