CHAPITRE XVIII

qui luy avoit joué un tel tour. Il tua aussi ses enfans, et puis soy-mesme, comme il sera dict ci-après.

Quant aux femmes meurdrières de leurs maris, il ne s'en trouve pas tant d'exemples (Dieu merci), mais encores en trouve-on plus qu'on ne penseroit. Entr'autres est mise de ce conte une dame Italienne, nommée Françoise Bentivole (i), laquelle d'une dague donna le coup de la mort à son mari nommé Galeot, seigneur d'une ville appelée Favence (2), voyant qu'il se défendoit vaillamment contre les deux meurdriers qu'elle avoit attirez et qu'à grand'peine en viendroyent-ils à bout. Or la haine qui la poussa à ce meurdre fut conceue d'un bruit qui courut par leur ville, qu'avant qu'estre marié à elle, il avoit promis mariage à une citoyenne du lieu : occasion certes fort légère. On raconte aussi d'une femme d'auprès de Narbonne, qui estant couchée avec son mari, luy coupa les parties par lesquelles il luy avoit rompu la foy : duquel exemple je pense avoir faict mention ci-dessus. Mais il se trouve beaucoup plus d'exemples de femmes qui ayent pourchassé la mort de leurs maris pour jouir mieux à leur aise de celuy ou de ceux que mieux elles aimoyent qu'eux. Et mesmes plusieurs se trouvent s'estre aidées de venin pour plus secrettement exécuter leur entreprise. Pour lequel crime fut brûlée à Paris il y a environ trent' ans la dame du logis de la lanterne : convaincue d'avoir empoisonné le vin de son mari : lequel ayant faict difficulté d'en boire pour la couleur qui en estoit changée, en beut toutesfoys après son serviteur. Lequel le maistre voyant en estre mort, se garentit, par une contrepoison. De pareille pêne fut punie une damoiselle de Brie en la mesme ville et environ le mesme temps, pour avoir tué

(i) Voy. Fulgose, 1. VI, c. i : De Francisca Manphreda. (2) Faênza.

son mari dedans son lict, en intention de se marier à un sien paillard, qui fut aussi exécuté avec elle.

Aussi se sont trouvez de nostre temps des pères meurdriers de leurs enfans : dequoy nous avons deux exemples entr'autres, et tous deux conformes en ce que les enfans ont esté tuez pour l'occasion d'une chose de laquelle ils ne pouvoyent mais. L'un est d'Italie, l'autre de Suisse. L'histoire de celuy d'Italie a esté imprimée : de laquelle toutesfois je ne parleray pas comme la tenant de là, mais comme celuy qui demouroit alors en la ville où fut commis l'acte, à-sçavoir à Padoue. Il y a donc environ trez'ans qu'un certain personnage (nommé en ladicte histoire imprimée), après avoir perdu à Venise son procès, avec la perte duquel estoit conjointe la perte presque de tout son bien, oublia tellement et la puissance et la miséricorde de Dieu, qu'il fit sa conclusion qu'il seroit force que ses filles venues en aage, au lieu d'estre honnorablement mariées, se prostituassent. A quoy il ne trouva autre expédient (en la boutique de celuy duquel il prenoit lors conseil, et qui luy avoit mis telle conclusion en la fantasie) que de leur couper la gorge pendant qu'elles estoyent encore petites. Ce qu'il exécuta en une nuict, ayant emprunté, le soir de devant, le rasoir d'un barbier. Or demeurois-je à Padoue (ainsi que j'ay dict) alors que ceci avint ; et ne tint qu'à bien peu de pas que je ne visse le piteux spectacle de ces petites créatures mises en si misérable estât : mais plusieurs escholiers compagnons miens qui l'avoyent veu, m'esmouvoyent à telle compassion par le récit qu'ils m'en faisoyent, que non me bastava l'animo{i) (comme ils parlent là) de les aller voir. Ceux-ci en contoyent trois, ce me semble , dont ils disoient que l'une avoit

(i) Je n'avais pas le courage.