CHAPITRE XVIII
la main presque à moitié coupée : de laquelle (ainsi qu'ils présumoyent) ell' avoit pensé faire bouclier contre la rage paternelle. Le bruit courut depuis que ce malheureux s'estoit précipité du haut de quelque montagne vers le comté de Tirole, où il s'estoit sauvé. L'autr'exemple est d'un homme de Suisse, qui ayant surpris sa femme en paillardise, et luy ayant pardonné à l'heure, au bout de quelques jours se ravisa, et rétractant ce pardon, la tua : allégant que son cueur ne pouvoit porter qu'il laissast vivre une femme qui luy avoit joué un tel tour. Ce qu'ayant faict, il dépescha aussi ses enfans, allégant qu'il ne vouloit point avoir des enfans qui fussent nommez enfans de putain. Et dit-on qu'après avoir esté ainsi meurdrier de sa femme et de ses enfons, il fut aussi meurdrier de soy-mesme, se précipitant du haut d'une maison, ou (selon les autres) d'une tour : après avoit escrit en un papier (lequel il mit sur soy) l'acte qu'il avoit commis, et les raisons qui l'avoyent induict : et que sçachant que la justice le feroit mourir pour raison dudict acte, il avoit mieux aimé luy-mesme s'exécuter que d'endurer une mort honteuse. Or congnoissons-nous par ces deux exemples comment le diable dresse des embusches aux personnes autant et plus qu'il fit jamais : lesquels nous voyons estre (comme j'ay dict) conformes en ce que tous les deux pères auroyent tué leurs enfans pour l'occasion d'une chose dont ils estoyent innocens.
Et en réciproque, des fils meurdriers des père ou mère (ce qui est proprement appelé parricide), le diable ne nous en a-il point voulu faire voir des exemples? Hélas si a : et mesmement en nostre France, depuis bien peu de temps. Car l'an mil cinq cens soixantecinq, pénultième jour de Septembre, en la ville de Chastillon sur Loing, ce maudict ennemi du genre humain eut tel commandement et pouvoir sur un povre
malheureux jeune homme, qu'il luy fit avoir le courage non pas d'un homme, mais d'une beste brute et nommeement d'une beste sauvage, voire pire encore que de plusieurs bestes sauvages, pour entreprendre et exécuter un tel acte. Et d'autant que je voy que le seigneur dudict lieu ( personnage que ses vertus rendent aujourdhuy admirable et agréable à tout le monde, et notamment sa prudence) a trouvé bon que ceste histoire ait été divulguée, mesmes par impression (i), j'ay espérance qu'on ne trouvera point mauvais, que suyvant son jugement , et pour les mesmes raisons qui l'ont meu à la faire publier, j'en mette ici un extraict. L'histoire donc est telle. Jan Guy, fils d'Emé Guy, bonnetier en ladicte ville de Chastillon sur Loing, avoit esté toute sa vie fort desbauché et grand coureur : à quoy avoit fort aidé la trop grande indulgence paternelle. Avint un samedy, jour spécifié ci-dessus, que ledict Jan Guy se desbaucha selon sa coutume, et ne revint en la maison jusques au soir bien tard. De quoy son père se courrouça bien fort à luy, jusques à luy dire que puisque il continuoit son train de ses desbauchemens (2), il seroit finalement contrainct de le chasser hors de sa compagnie. A quoy luy plein d'orgueil respondit fort audacieusement qu'il estoit tout prest de s'en aller, voire dès l'heure mesme, pourveu qu'on luy
(i) Orléans, Eloy Ribier, iSôy, in-S».
(2) Desbauchement se trouve dans Calvin, concurremment avec desbauché; Cf., Dict. d'Oudin et de Cotgrave. Débauche est dans Montaigne et dans CJiarron. Mais débaucher les précède, car il est au xiv siècle dans Guiart, et il vient de bauche, bauge, boge : petite maison, petite habitation, bas lat. bugia, bogium; Cf. Borel, au fnot Embauche.
Sur la mer de Triple chevauche, Mais il n'y a maison ne bauche De terre ne d'autre merrien.
Machaut; voy. Lacurne.
