CHAPITRE XIX

escrit (i) d'un capitaine Italien, qu'il nomme Nicolaus Fortibrachius, que par tout où il alloit, il menoit un muet avec soy, chargé de licouls : et selon qu'il luy prenoit fantasie de faire pendre quelcun de ceux qu'il rencontroit, pour en avoir du passetemps, il se retournoit vers son muet, et luy faisoit un certain signe. Après lequel ce muet ne failloit point de venir mettre un de ses colliers au col de cestuy-là, et puis l'alloit attacher à quelque arbre, et estrangler. A quoy ce capitaine prenoit si grand plaisir que quand une journée luy estoit eschappée sans avoir faict faire telle exécution, il la regrettoit comme estant autant de temps perdu. Il fait aussi mention d'un autre qu'il nomme Riccius Monteclarius, qui mesloit de la plaisanterie parmi sa cruauté : car quand il avoit délibéré de tuer quelcun, il luy faisoit de grandes caresses, le priant aussi de venir banqueter chez luy : puis luy demandoit combien de verres de vin il voudroit boire avec luy, et combien manger de bouchées de telle ou telle pâtisserie ; et en lui faisant ces interrogations frivoles et ridicules, il luy donnoit sur le champ autant de coups, tant qu'il demouroit mort en la place.

Outre plus se monstre la cruauté es punitions excessives, comme ledict Pontanus raconte d'un lieutenant du roy de Naples, qui ne se contentant des peines qui estoyent ordonnées par les loix, faisoit scier des hommes vifs au travers du dos. Item se monstre en ceux qui prenent plaisir à inventer des tourmens nouveaux, soit pour les pratiquer, soit pour les apprendre aux autres qui les pourront mettre en usage, à propos dequoy il me souvient d'un qui a faict imprimer depuis environ vint-cinq ans un livre où sont les figures de toutes les sortes de géhenne dont il s'est peu aviser.

(i) De immanitale, cap. XXIII.

Mais il ne faut pas oublier ici que pareillement le jugement de Dieu contre les inventeurs de cruautez se voit en nostre siècle tel qu'es précédens. Car comme nous lisons de Perillus, qu'ayant faict un présent à Phalaris, cruel tyran, d'un taureau de cuyvre, servant comme de fournaise pour brûler les hommes, fut par luy contraint d'en faire le premier, ou (pour mieux dire) sentir l'essay (i) : item comme nous lisons qu'il en prit de mesme à un Arnutius Paterculus de son cheval de cuyvre: pareillement nous raconte Philippe de Commines (2) que l'évesque de Verdun, qui donna le premier au roy Louys onzième l'invention des cages de fer, fut aussi celuyqui y fut logé le premier par luy-mesme, voire logé par quatorze ans. On trouve aussi plusieurs qui ont porté les premiers la peine des cruels conseils qu'ils donnoyent contre les autres. Mais c'est assez parlé des meschancetez des hommes laiz : il faut venir à celles de ceux qui se font appeler gens d'église.

(i) Voy. sur le taureau de Phalaris : Ebert, Sty-eXitov. L'artiste qui fit ce taureau est nommé par les Grecs IleptXaoç, par les Romains Perillus. Pline le cite, XXXIV, 8, 89, en ajoutant que ses œuvres étaient recherchées en suite du renom que lui avait donné le taureau. Selon Lucien, il était d'Agrigente, selon les lettres attribuées à Phalaris, d'Athènes. La tradition est développée par Lucien, dont on peut rapprocher Callimaque, Fr. 119. Agathocle imagina un genre de supplice semblable (Diod. XX, 71), en faisant fabriquer un lit garni d'une claie; à Ségeste, iEmilius Censorinus remplaça le taureau par un cheval.

(2) Liv. VI, ch. 12.

•^k4 \J^ */g<» a^4 «^^ *^4 «^^ a^kj «J^ *J$k3 «J^ «^> «^L* 1^* aJj).* tJ^l*

^vi >^vj y|i y^^i y^ »|i y|<i 9^ y|i »^ve y|!e y|« »|i ^vj ^s» ^